जापानमा बाग्लुङका सापकोटाको कारको ठक्करबाट निधन

<p>ज्याक खड्का-टोकियो ।<br>जापानमा मंगलबार राती कारको ठक्करबाट एक नेपाली युवाको निधन भएको छ ।<br><br>जापानको दक्षिण पश्चिम क्षेत्रमा अवस्थित ईसिखावा राज्यको खानाजावा शहर स्थित एक रेष्टुरेन्टमा कार्यरत बाग्लुङ नगरपालिका ६ का किरण सापकोटाको निधन भएको हो ।<br><br>जापानी सञ्चार माध्यममा प्रकाशित समाचार अनुसार मंगलबार राती सवा दश बजेतिर रेष्टुरेन्टको काम सकेर घर फर्कने क्रममा साइकल डोर्याएर हिँडिरहेका सापकोटालाई पछाडीबाट तिव्रगतिमा आएको कारले ठक्कर दिंदा घटनास्थलमै निधन भएको हो ।<br><br>हिउँ परेको सडक र मौसम खराबीले राम्रोसँग सडक नदेखिने समयमा तिब्र गतिमा रहेको निजी कारले ठक्कर दिंदा सापकोटाको घटनास्थलमै निधन भएको हो ।<br><br>मृतक सापकोटा दुई वर्ष अघि कुक भिषामा जापान आएका थिए । मृतकका दाजु रामचन्द्र सापकोटाका अनुसार प्रहरी र अस्पतालको पोष्टमार्टमको कामपछि बिहीबार अन्तिम दाहसंस्कार गरिने भएको छ ।<br></p>