11.12°C
टोकियो ।
नायक दयाहाङ राई र निर्देशक रामबाबु गुरुङको क्रेजमा दिया पुन र बर्षा राउतको तारिफ योग्य अभिनयले नेपालमा भव्यताका साथ प्रदर्शन भइरहेको चलचित्र 'मिस्टर झोले'को जापान प्रदर्शनको तयारी पुरा भएको छ ।
मिस्टर झोलेको प्रदर्शन तयारी गरिरहेको आयोजकले जापानमा प्रदर्शनको
तयारी पुरा भएको जनाएको छ । मिस्टर झोले जापानमा यही जनवरी २१ तारिखमा
प्रदर्शन हुँदैछ ।
टोक्यो ड्रिम्स इन्टरटेनमेन्टले प्रदर्शन गर्न लागेको चलचित्र साँझ ६ ३० बजेबाट नाकानो जिरोहलमा प्रदर्शनको समय तोकिएको छ ।
चलचित्रको आधा बढी टिकट विक्रि भइसकेको जनाउँदै आयोजकले सबैलाई समयमै टिकट लिन अनुरोध समेत गरेको छ ।
यस्तो छ चलचित्र
नेपाली ग्रामीण परिवेशमा घट्ने विभिन्न किसिमका घटनालाई उनेको चलचित्र 'मिस्टर झोले' ले गाउँबाट शहर पसेका दर्शकलाई ‘नोस्टालजिक’ बनाउँछ।
झण्डै दुई घण्टा लामो फिल्ममा समाविष्ट हास्यरस मिश्रित संवाद र विभिन्न समयमा घट्ने परिस्थितिले दर्शकलाई फिल्म हेरूञ्जेल हसाउँछ। फिल्म दर्शक हसाउने मामिलामा सफल रहेको छ ।
कबड्डी’ फिल्म पश्चात नेपाली फिल्ममा ‘केही गर्न सक्ने’ निर्देशकको आशा देखाएका रामबाबुले पाँचौ फिल्ममा आइपुग्दा त्यसलाई सावित गरेको देखिन्छ ।
सिंगलभन्दा ‘मिस्टर झोले’ हेर्ने दर्शक मल्टिप्लेक्समा बढी छन् । यस्तै, राजधानीका ठुला मानिने सिंगल थिएटर गोपीकृष्ण, अष्टनारायण, गुण, गंगा, कलंकीमा पनि दर्शकको साथ उत्कृष्ट रहेको हल सञ्चालकहरुबाट रिपोर्ट प्राप्त छ । निर्देशक गुरुङका अनुसार, फिल्म हेरेका अधिकांश दर्शकहरुले कथावस्तु र कलाकारहरुको अभिनय रुचाएका छन् ।
आइतवारबाट माउथ पब्लिसिटीले हलमा दर्शक तान्नेमा निर्माण यूनिट आशावादी छ । रिलिजपूर्व नै हिट बनेको ुओखतीु बोलको गीतले पनि फिल्मको व्यापारमा ठूलो सहयोग पुगेको छ ।
संमग्रमा फिल्म हेरिसकेपछि दर्शकले मनोरञ्जन पाएको प्रतिक्रिया पाउनेमा दुईमत छैन।
रौनक बिक्रम कँडेल कार्यकारी निर्माता रहेको यो फिल्मलाई शैलेन्द्र डी कार्कीले छायांकन गरेका हुन् । २०७० सालमा निर्माण भएको निर्देशक दीपेन्द्र के खनाल निर्देशित तथा टेकेन खड्काको निर्माणमा बनेको फिल्म ुझोलेु टाईटल ब्रान्डलाई प्रयोग गरि टेकेन खड्का प्रोडक्सन र सिनेमा आर्टले संयुक्त रुपमा ‘मिस्टर झोले’ निर्माण गरेको हो ।
रामबाबु गुरुङको लेखन र निर्देशन रहेको यो फिल्ममा दयाहाङ राई, वर्षा राउत, दीया पुन, प्रविण खतिवडा, वृद्धि तामाङ, पुष्कर गुरुङ, अरुणा कार्की, कमलमणी नेपाल, लक्ष्मी वर्देवा, सरोज अर्याल लगायतका कलाकारहरुको अभिनय रहेको छ ।
