जापानी मिडिया र प्रहरीले निधन भनेका व्यक्ति अर्जुनबहादुर सिंह नै हुन् : कावा राजदूत अर्याल

<p>टोकियो ।</p><p>अस्पतालमा उपचारको क्रममा निधन भएका अर्जुन बहादुर सिंह नै जापानी मिडिया र प्रहरीले नियन्त्रणमा लिएर उपचार गर्दागर्दै मृत्यु भएका व्यक्ति भएको नेपाली राजदूतावासले जनाएको छ ।</p><p>नेपाली राजदूतावास टोकियोका कार्यवाहक राजदूत कृष्णचन्द्र अर्यालले भन्नुभयो-'एनएचकेमा प्रशारण भएको जापानी प्रहरीले सोधपुछका क्रममा नियन्त्रणमा लिदां बेहोस भएका भनिएका व्यक्ति अर्जुन बहादुर सिंहनै हुन र उनको उपचारको क्रममा निधन भएको जानकारी आएको छ ।'</p><p>टपनेपालन्युजसँगको संक्षिप्त कुराकानीमा कावा राजदूत अर्यालले भन्नुभयो -'यसबारेमा थप बुझ्ने काम भइरहेको छ ।'</p><p>जापानी सञ्चार माध्यम एनएचकेले हिजो बेहोस अवस्थामा अस्पताल पुर्याइएका अर्जुन बहादुर सिंहको मृत्यु उपचारका क्रममा भएको जापान प्रहरीलाई उदृत गर्दै उल्लेख गरेको थियो ।

तर उनको मृत्युको खवर त्यसअघिनै बेहोस अवस्थामा अस्पताल पुर्याउँदा भएको सार्वजनिक भइसकेको थियो ।</p><p>सिंहले अन्य व्यक्तिको नाममा रहेको बैंक क्रेडिट कार्ड बोकेको पाइएपछि जापान प्रहरीले पक्राउ गरेको थियो ।
समाचार अनुसार सो बारेमा जापान प्रहरीले सोधपुछ गर्दा उनले आफैं भित्तामा र टेबुलमा टाउको टोक्काएको र उनि त्यहिँ बेहोस भएका थिए ।</p><p>टाउको ठोक्काउँदा सामान्य चोट समेत लागेका उनलाई अस्पताल पुर्याइएपनि उपचारको क्रममा निधन भएको समाचारमा उल्लेख छ ।</p><p>जानकारी अनुसार मानसिक अवस्था ठिक नभएको बताइएका अर्जुन बहादुर सिंहलाई यसअघि नेपाली राजदूतावास जापान, एनआरएन जापान तथा अध्यक्ष सुदन थापा, सुदुरपश्चिमेली समाज लगायतका विभिन्न संघ, संस्था र व्यक्तिहरुले आर्थिक सहयोग गरि उपचार गराएका थिए ।</p><p>त्यसपछि ठिक अवस्थामा देखिएपनि उनी काम बिहिन अवस्थामा बसेको र उनलाई दूतावास र एनआरएनको सहयोगमा नेपाल फर्काउने तयारी भइरहँदा सम्पर्क बिहिन भएकामा उनी जापान प्रहरीले पक्राउ गरि सोधपुछका क्रममा बेहोस भई निधन भएपछि उनबारेको खवर बाहिर आएको हो ।</p><h3><span data-offset-key="5ppgc-0-0"><span data-text="true"><a target="_blank" href="https://topnepalnews.comjapan/7031">जापान प्रहरीको हिरासतमा एक नेपालीको मृत्यु, बाजुराका अर्जुनको टोकियोमा निधन</a></span></span></h3><h3><span data-offset-key="5ppgc-0-0"><span data-text="true"></span></span></h3><p><br></p>