<p>३ असोज, काठमाडौं ।<br>माइकल क्लार्कको एकेडेमी वेष्ट्रन सवअर्ब्स क्लबबाट खेल्न सन्दिप लामिछाने अष्ट्रेलिया पुगेका छन् ।<br><br>रोचक कुरा के भने सन्दिपलाई लिन अष्ट्रेलियाका पूर्व कप्तान क्लार्क आफैं विमानस्थल पुगेका छन् ।<br><br>सन्दिप लामिछाने लेखेको प्लेकार्डसहित विमानस्थल पुगेका क्लार्कले उनलाई अंकमाल गर्दै स्वागत गरेका थिए । विमानस्थल जानु अघि उनले ट्वीटरमा आफ्नो सानो मित्रलाई लिन जान लागेको भन्दै ट्वीट समेत गरेका थिए ।<br><br>सन्दिप र क्लार्कले आगामी शनिबार एकसाथ मोसमोनमा खेल खेल्दैछन् । नेपालका युवा क्रिकेटर सन्दिपले अबको करिव ५ महिना क्लार्बको एकेडेमीबाट क्रिकेट खेल्नेछन् ।<br><img src="https://topnepalnews.comuploads/posts/fc66f33439ec050ade5009b6bc0ade351474358282.jpg" style="width: 748.4px; height: 748.4px;"><br>यस क्रममा सन्दिको प्रदर्शन सुखद रहेमा उनले अन्र्तराष्टि क्रिकेट प्रतियोगितामा अवसर सँगै नेपाली क्रिकेटमा उत्कृष्ठ योगदान दिने अपेक्षा गरिएको छ ।<br><br></p>

<p><span style="line-height: 1.42857143;">काठमाडौं,असोज ३ &nbsp;। तेस्रो एनभिए कप राष्ट्रिय महिला तथा पुरुष क्लब भलिबल च्याम्पियनसिपको उपाधि न्यु डायमन्ड एकेडेमी र हेल्प नेपाल क्लवले उपाधि जितेका छन् । महिलातर्फको खेलमा नैकापको न्यु डायमन्ड एकेडेमीले र विभागीय टोली नेपाल प्रहरीलाई ३–० को सोझो सेटमा पराजित ग¥यो भने हेल्प नेपालले त्रिभुवन आर्मी क्लवलाई सोझो सेटमा हरायो ।</span><br></p><p><br></p><p>त्रिपुरेश्वस्थित राष्ट्रिय खेलकुद परिषद्को कभर्डहलमा सञ्चालन भएको च्याम्पियनसिपमा न्यु डायमन्ड एकेडेमीले पुलिसलाई २५–१८, २५–१४ र २५–१८ को सोझो सेटमा पराजित ग¥यो । पुलिस टोलीमा राष्ट्रिय खेलाडीको बाहुल्यता भए पनि न्यु डायमन्डले एकपक्षीय रुपमा खेल जित्यो । डायमन्डलाई जिताउन प्रतिभा माली, ललिता नाथ र कृपा अधिकारीले उत्कृष्ट खेल खेले । प्रतिभाले स्पाइकबाट २९, ब्लकबाट २ र सर्भिसबाट ४ महत्वपूर्ण अंक बटुलिन । त्यसैगरी कप्तान ललिता नाथले स्पाइकबाट ३ र ब्लकमा २ अंक जोड्न सफल भइन् । पुलिसकी कोपिला उप्रेतीले स्पाइकबाट ८ र ब्लकबाट एक अंक जोडेपनि टोलीलाई जित दिलाउन सकिनन् ।&nbsp;</p><p>खेलपछि पत्रकारहरुसंग कुरा गर्दै न्यु डायमन्डकी कप्तान ललिता नाथले एकपक्षीय खेल भएका कारण धेरै मेहनत गर्नु नपरेको बताइन् । ‘प्रतिस्पर्धात्मक खेल हुन सकेन । त्यसैले जित्नलाई हामीले धेरै मेहनत पनि गर्नु परेन’, कप्तान नाथले भनिन् । त्यसैगरी नेपाल पुलिस क्लवकी कोपिला उप्रेतीले नयाँ र पुराना खेलाडीवीच समन्वय मिल्न नसक्दा पराजय भोग्नु परेको बताइन् ।</p><p>न्यु डायमन्डका प्रशिक्षक कुमार राईले आफ्नो रणनीति अनुसार खेलाडीले खेल्न नसके पनि उपाधि जितेको खुसी व्यक्त गरे ।</p><p>त्यसैगरी पुरुषतर्फको फाइनल खेलमा भारतीय खेलाडीको बाहुल्यता रहेको हेल्प नेपाल क्लवले नेपली सेनाको त्रिभुवन आर्मी क्लवलाई २५–२१, २७–२५ र २५–१७ को सोझो सेटमा हरायो । हेल्प नेपाललाई उपाधि दिलाउन शुभम् चौधरीले स्पाइकबाट २६ अंक बटुले । आर्मीका नरेन्द्र गिरीले स्पाइकबाट १६ र मानबहादुर श्रेष्ठले स्पाइकबाट ८ र ब्लकबाट २ अंक जोडे पनि टोलीलाई विजयी बनाउन सकेनन् । &nbsp; &nbsp;&nbsp;</p><p>त्यसैगरी तेस्रो स्थानका लागि भएको महिलातर्फको खेलमा सशस्त्र प्रहरीको एपीएफ क्लवले टप्स पश्चिमाञ्चललाई २५–२१, २५–१४ र २५–१२ को सोझो सेटमा पराजित ग¥यो । टप्स पश्चिमाञ्चलकी मञ्जु गुरुङ र अरुणा शाही जम्न नसक्दा एपीएफले सहज विजय प्राप्त ग¥यो ।&nbsp;</p><p>त्यसैगरी पुरुषतर्फको तेस्रो स्थानको खेलमा विभागीय टोली एपीएफले पश्चिमाञ्चललाई ३–२ को सेटमा हरायो । एपीएफले &nbsp;२५–२३, १९–२५, २५–१९, २९–३१ र १५–६ को सेटबाट हरायो ।</p><p>नेपाल भलिबल संघको वार्षिक क्यालेन्डरअनुसार भएको प्रतियोगिता लिगकम नकआउटका आधारमा सञ्चालन भएको थियो । प्रतियोगितामा पुरुषतर्फ १२ टोली र महिलातर्फ ९ टोलीको सहभागिता रहेको थियो ।</p><p>प्रतियोगिताको पुरुष तथा महिलातर्फको उपाधि बिजेता न्यु डायमन्ड र हेल्प नेपालले ट्रफीसहित नगद १ लाख २५ हजार रूपैयाँ प्राप्त गरे भने उपविजेता नेपाल पुलिस क्लव र नेपाली सेनाले नगद ७०÷७० हजार रूपैयाँ प्राप्त गरे । त्यसैगरी प्रतियोगितामा तेस्रो स्थान हासिल गरेका एपीएफका महिला तथा पुरुष टोलीले ५०÷५० रुपैयाँ प्राप्त गरे ।</p><p>प्रतियोगितामा महिलातर्फ न्यु डायमन्ड एकेडेमीकी प्रतिभा माली &nbsp;र पुरुषतर्फ हेल्प नेपालका शुभम् चौधरी उत्कृष्ट खेलाडी घोषित भए । उनीहरुले १५÷१५ हजार रुपैयाँ पुरस्कार प्राप्त गरे । त्यसैगरी महिलातर्फ सेटरमा न्यु डायमन्डकी कृपा अधिकारी, डिफेन्समा न्यु डायमन्डकै सलिना श्रेष्ठ घोषित भइन् भने स्पाइकरमा नेपाल पुलिसकी कोपिला उप्रेती र वेष्ट सर्भरमा टप्स पश्चिमाञ्चलकी अरुणा शाही घोषित भए ।</p><p>त्यसैगरी पुरुषतर्फ बेष्ट स्पाइकरमा नेपाली सेनाका नरेन्द्र गिरी, सेटरमा हेल्प नेपालका विकास चौधरी, ब्लकमा हेल्प नेपालकै शुभे सिंह, डिफेन्समा हेल्प नेपालका मोहन पुन र सर्भरमा सेनाका मानबहादुर श्रेष्ठ घोषित भए । विधागत रुपमा उत्कृष्ट हुने जनही ५ हजार पुरस्कार प्राप्त गरे ।</p><p>विजेतालाई नेपाल ओलम्पिक कमिटीका अध्यक्ष जीवनराम श्रेष्ठ, नेपाल भलिबल संघका अध्यक्ष मनोरञ्जनरमन शर्मा, महासचिव जितेन्द्रबहादुर चन्दलगायतले पुरस्कृत गरे ।</p>

<p><span style="line-height: 1.42857143;">काठमाडौं, असोज ३ &nbsp;। &nbsp;क्यापिटल कलेज एन्ड रिसर्च सेन्टर (सीसीआरसी) र नासा इन्टरनेसनल कलेजले सातौं बर्नहार्ट कप अन्तरकलेज बास्केटबल प्रतियोगिताको उपाधि सोमबार जितेका छन् । सीसीआरसी ब्वाइज तथा नासा गल्र्समा च्याम्पियन बने । बल्खुस्थित आयोजक काठमाडौं बर्नहार्ट कलेजको कोर्टमा भएको ब्वाइज फाइनलमा सीसीआरसीले ट्रिनिटी इन्टरनेसनल कलेजलाई ४७–४२ ले पराजित ग¥यो । सीसीआरसीको जितमा अनुप बस्नेतले १७ अंक योगदान गरे । लगातार तीन क्वाटरमा अग्रता लिएको सीसीआरसीले पहिलोमा ११–९, दोश्रोमा १५–१२ र तेश्रोमा १२–१० अंक जोड्यो । चौथो तथा अन्तिम क्वाटरमा ट्रिनिटीले ११–९ को अग्रता लिएपनि जित हात पार्न सकेन ।</span><br></p><p><br></p><p>गल्र्सको उपाधि भिडन्तमा नासाले ट्रिनिटीलाई नै ४०–२८ ले हरायो । नासाकी अनिशा बस्नेतले १७ अंक जोडिन् । सुरुको क्वाटरमा १०–११ ले पछि परेको नासाले दोश्रोमा १२–२ र तेश्रोमा १२–८ को अग्रता हासिल गर्दै जितको आधार खडा ग¥यो । चौथोमा ट्रिनिटी ७–६ ले अगाडि रह्यो ।</p><p>ब्वाइजमा सीसीआसरीका आशिष बस्नेत तथा गल्र्समा फाइनलकी सर्वाधिक स्कोरकर्ता नासाकी अनिशा ‘मोस्ट भेलुएबल प्लेयर’ घोषित भए ।</p><p><br></p><p>विजेतालाई नेपाल बास्केटबल संघका वरिष्ठ उपाध्यक्ष नरेन्द्र थापा, बर्नहार्टका अध्यक्ष भूपेश छत्कुली, प्रबन्ध निर्देशक नवराज अधिकारी, एकेडेमिक सल्लाहकार नारायण चापागाईं र सहायक प्रिन्सिपल पुरुषोत्तम विष्ट तथा प्रतियोगिता संयोजक किरण महर्जनले एक कार्यक्रमबीच पुरस्कार वितरण गरे । भदौ २३ गतेदेखि सुरु प्रतियोगिताको ब्वाइजमा २६ तथा गल्र्समा ८ टिमले लिग कम नकआउट आधारमा प्रतिस्पर्धा गरेका थिए ।</p>