<p>८ असोज, काठमाडौं ।<br>भूकम्पमा हराएको भनिएको सर्वोच्च अदालतले माग गरेको अख्तियार प्रमुख आयुक्त लोकमान सिंह कार्कीको नियुक्तिको फाइल प्रधानमन्त्री तथा मन्त्रिपरिषद्को कार्यालयले सर्वोच्चमा पठाएको छ।<br><br>सर्वोच्चका प्रवक्ता नहकुल सुवेदीले अख्तियार प्रमुख आयुक्तको नियुक्ति सम्वन्धी फाइल सर्वोच्चमा आइपुगेको वताउनुभयो ।<br><br>नियुक्ति प्रक्रियामा प्रश्न उठाउँदै परेको रिटमा सर्वोच्चले कार्कीलाई नियुक्त गर्दाको सक्कली फाइल मगाउदा सुरुमा सरकारले भूकम्पका बेला हराएको भन्ने जवाफ दिएको थियो । <br><br></p>

<p>७ असार, कपिलवस्तु । <br>कपिलवस्तुमा वाणगंगा नदीले बगाउदा २ जना महिलाको मृत्यु भएको छ ।</p><p>अस्पतालमा आफन्त विरामीलाई भेटेर घर फर्कदा गएराती वाणगंगा नदी तर्ने क्रममा २ नन्द भाउजुको मृत्यु भएको इलाका प्रहरी कार्यालय पिपराका प्रमुख विष्णु पोखरेलले जानकारी दिनुभएको छ ।</p><p>यसरी मृत्यु हुनेमा वाणगंगा नगरपालिका १४ की ५९ वर्षीय लिला वि।सि र ५० वर्षीय भिमा अर्याल रहेकी छिन् । उनीहरुलाई नदीले बगाउदा २ सय देखि ५ सय मिटरको दुरीमा मृत अवस्थामा फेला पारेको प्रहरीले जनाएको छ ।</p><p>उनीहरुसंगै रहेका ८ वर्षीय शुशिल वि।सि। खोला तर्ने क्रमका उनीहरुसंग छुट्टिएर बाच्न सफल भएको प्रहरीले जनाएको छ ।</p><p>रातभर खोलामै बसेका ८ वर्षीय शुशील विसिले विहान स्थानीयलाई खवर गरेपछि प्रहरी घटना स्थलमा पुगेका थिए । <br><br></p>

<p>८ असोज, धनगढी ।<br>मानसिक सन्तुलन गुमाएकी एक महिलालाई बलात्कार गरेको अभियोगमा एक&nbsp; प्रहरी नै पक्राउ परेका छन् ।<br><br>पक्राउ पर्नेमा सेती अञ्चल प्रहरी कार्यालय धनगढीमा दरबन्दी भएका भान्सेका रुपमा कार्यरत कार्यालय सहयोगी गौरसिं फराल हुन् ।<br><br>जिल्ला प्रहरी कार्यालय कैलालीका प्रमुख प्रहरी उपरीक्षक राजेन्द्र विष्टले निज फरालमाथि जबर्जस्ती करणी मुद्दा दर्ता गरी कारबाही थालिएको जानकारी दिएका छन् ।<br><br>स्थानीय क्याम्पस चोकको झाडीमा मानसिक सन्तुलन गुमाएकी महिलालाई फरालले बलात्कार गर्दै गरेको देखेपछि स्थानीयले पक्राउ गरी प्रहरीलाई बुझाएका थिए ।<br><br>प्रहरीले घटनाको बारेमा आवश्यक छानवीन र कारवाही प्रक्रिया अघि बढाइसकेको जानकारी दिएको छ ।<br><br></p>

<p>८ असोज, काठमाडौं ।<br>भारतीय आशिर्वादमा नेपाली काँग्रेसमा राजनीति गर्दै आएको आम आरोप लागिरहेका हालका गृहमन्त्री बिमलेन्द्र निधिले टिकापुरमा कथित मधेश आन्दोलनका नाममा निर्दोश प्रहरी अधिकारी र नाबालकको विभत्स हत्या गर्नेलाई छाड्न प्रहरीलाई दवाव दिएपछि उनको आइजिपिसँग विवाद चुलिएको छ ।<br><br>कैलालीको टीकापुरमा गत वर्ष भएको प्रहरी हत्यालाई राजनीतिक मुद्दा भनी उपप्रधान एवम् गृहमन्त्री विमलेन्द्र निधिले अडान लिएपछि प्रहरी नेतृत्व र गृहमन्त्रीबीच विवाद उत्पन्न भएको हो ।<br><br>मधेस आन्दोलनका क्रममा टीकापुरमा दुई वर्षे बालक र ८ प्रहरीको हत्या गर्ने आपराधिक व्यक्तिहरूमाथि लगाइएको मुद्दा फिर्ता लिन प्रक्रिया अघि बढाएकोमा नेपाल प्रहरी नेतृत्वले त्यसको चर्को प्रतिवाद र आलोचना गरेको छ ।<br><br>गृह र कानुन मन्त्रालय साथै सर्वोच्च अदालतको विगतको फैसलाले समेत प्रहरीको अडानलाई बल पुर्‍याएपछि गृहमन्त्री अहिले अफ्ठेरोमा परेका छन् ।<br><br>मधेस आन्दोलनका क्रममा बिभिन्न व्यक्तिमाथि लगाएको मुद्दा फिर्ता लिने लिखित सहमति भएपछि मधेसी मोर्चाले माओवादी केन्द्रका अध्यक्ष पुष्पकमल दाहाललाई प्रधानमन्त्रीमा समर्थन गरेका थिए ।<br><br>त्यही समर्थनका आधारमा मोर्चाले झन्डै ५ सय हाराहारीमा मुद्दा फिर्ता लिनुपर्ने व्यक्तिहरूको नाम सरकारलाई बुझाएको थियो ।<br><br>मधेसी मोर्चाले सूची बुझाएका झन्डै ५ सय हाराहारीमा मुद्दा फिर्ता लिने गृहमन्त्री निधिले बताएपछि प्रहरी महानिरीक्षक उपेन्द्रकान्त अर्यालले त्यस्तो निर्णय नगर्न गृहमन्त्रीलाई सुझाव दिएका छन् ।<br></p>