११ वटा राजनीतिक दलको दर्ता खारेज

<p>८ असोज, काठमाडौं ।<br>निर्वाचन आयोगले लगातार तीन वर्षसम्म आय—व्यय विवरणको वार्षिक प्रतिवेदन नवुझाउने विभिन्न ११ वटा राजनीतिक दलको दर्ता खारेज गरेको छ ।<br><br>आयोगको हिजो बसेको बैठकले निर्वाचन प्रयोजनको लागि दर्ता भएका र लगातार ३ वर्षसम्म आयव्ययविवरणको प्रतिवेदन नवुझाउने विभिन्न ११ वटा राजनीतिक दलहरुको दर्ता निर्वाचन आयोग ऐन २०६३ अनुसार खारेज गर्ने निर्णय गरेको आयोगका सहसचिव एवं प्रवक्ता सूर्यप्रसाद शर्माले जानकारी दिनुभयो । <br><br>दर्ता खारेज हुने दलहरुमा नव नेपाल निर्माण पार्टी, जनयुनिटी को—अपरेटिभ पार्टी नेपाल, तराई मधेश पहाड हिमाल एकता पार्टी, हरियाली नेपाल पार्टी, ॐ सेना नेपाल, नव जनवादी मोचा, नेपाल कम्युनिष्ट पार्टी 'संयुक्त माक्र्सवादी', नेपाल प्रजातान्त्रिक युवा पार्टी, नेपाल जनसंघ पार्टी, नेपाल दलित श्रमिक मोर्चा, नेपाल कम्युनिष्ट पार्टी 'एकीकृत' रहेका छन ।&nbsp;&nbsp; &nbsp;<br><br>दर्ता खारेज भएका दलहरूले प्राप्त गरेको नाम, निर्वाचन चिन्ह र झण्डा दलको दर्ता खारेज भएको एक वर्षसम्म अन्य कुनै राजनीतिक दलले प्रयोग गर्न नपाउने गरी फ्रिजमा राख्ने आयोगले जनाएको छ ।<br><br>यसै गरी आयोगले आय–व्यय विवरणको वार्षिक प्रतिवेदन नबुझाउने आयोगले तोकेको भनाई पेश गर्ने अवधिमा चित्त बुझ्दो भनाई पेश नगर्ने ८२ वटा राजनीतिक दलहरुलाई एक सय रुपिया जरिवाना गर्ने निर्णय समेत गरेको प्रवक्ता शर्माले जानकारी दिनुभयो ।<br><br><br><br><br></p>