<p>२४ असोज, धनगढी ।<br>बडा दशैको अवसरमा कैलाली जिल्ला कारागारबाट ४ जनालाई कैदीलाई कैद मुक्त गरिएको छ ।<br><br>त्यसरी कैद मुक्त गरिएकाहरुमा जयलाल आर्चाय, भीखु चौधरी, हेमकर्ण साउद र धनीराम राना रहेका छन् ।</p><p>आर्चाय जुम्ला र बाकी तीन जना कैलालीका रहेको बताइएको छ ।<br><br>चालिस प्रतिशत कैद भुक्तान गरिसकेका र आचरण सुध्रिएका उनीहलाई कैद मुक्त गरिएको जेलर पुष्कर खड्काले बताउनु भयो ।<br><br>उनीहरु कर्तब्य ज्यान मुदामा कैद सजाए भोगिरहेका ब्यक्ति हुन् ।<br><br><br></p>

<p>२४ असोज, सल्यान । <br>सल्यानमा भिरबाट लडेर एक वृद्धको मृत्यु भएको छ । देवस्थल गाउँ विकास समिति वडा न ९ का ५२ वषिर्य जय बहादुर बुढाको मृत्यु भएको हो ।<br><br>आइतबार साँझ बाख्रालाई घाँस काटन घर नजिकैको भिरमा गएको समयमा लडेर घाइते भएको बुढाको आज उपचारका क्रममा सर्खुेतमा मृत्यु भएको पारिवारिक स्रोतले जानकारी दिएको छ ।<br><br>भिरबाट झन्डै २ सय मिटरभन्दा तल लडेका बुढाको टाउको र छातीमा चोट लागेको थियो । <br><br><br><br></p>

<p>पप्पु गुरुङ्, २३ असोज, दोधारा चाँदनी । कञ्चनपुरमा दशैका बेला २४ घन्टाका लागी मदिरा बिक्री वितरण र सेवनमा रोक लगाइएको छ । मदिरा नियन्त्रण समिति कञ्चनपुरले आयोजना गरेको सर्वपक्षीय बैठकमा दशैंका बेला २४ घन्टाका लागी मदिरा बिक्री वितरणमा रोक लगाउने निर्णय गरिएको हो । “चाडपर्वका बेला मदिरा बिक्री वितरण र सेवनले समाजमा अशान्ति मच्चाउने, झै झगडा हुने, दुर्घटना निम्तिने र महिला माथि हिंसा लगायतका घटना हुने भएकाले अवाञ्छित क्रियाकलाप न्यूनीकरणका लागि रोक लगाउने निर्णय गरेका छौ” – मदिरा नियन्त्रण समिति कञ्चनपुरका अध्यक्ष भगवती थापाले भनिन् । मदिरा बिक्री वितरण र सेवनमा रोक लगाउनका लागि प्रहरीका सबै एकाइमा पत्राचार गरिएको उनले बताए । रोक लगाइएका बेला मदिरा बिक्री वितरण र सेवन गरेको पाइए हदै सम्मको कारवाही हुने बताइएको छ ।<br><br><br></p>

<p>२४ असोज, ताप्लेजुङ ।<br>जिल्लाको खेवाङ गाउं विकास समिति–४ स्थित बजारमा गयराती आगलागी हुँदा ३ घर जलेर नष्ट भएका छन् । डेढ करोड बढि क्षति भएको प्रारम्भिक अनुमान गरिएको छ ।</p><p>श्रीप्रसाद भट्टराई, ऋतुवर्ण दाहाल र कृष्ण प्रसाद दाहालको घर जलेको जिल्ला प्रहरी कार्यालयले जानकारी जनाएको छ । घरसहित किराना पसलका समान र अलैचीको गोदाम जलेर क्षति पुगेको स्थानिय उमेस गौतमले बताउनुभयो&nbsp; ।</p><p>कृष्ण प्रसाद दाहालको घरको भान्साकोठाबाट आगो सल्किएको स्थानिय बताउँछन् । आइतबार पूरुष फुटबल फाइनल भएकाले आवतजावत गर्नेलाई खाजा नास्ता बनाउन भान्साकोठाको चुल्हो अवेरसम्म प्रयोग गरिएको थियो ।</p><p>आगो राम्रोसँग ननिभएकाले आगलागी भएको हो । रातको समयमै वरपरका सवै छिमेकीको सहयोगमा आगो नियन्त्रणमा लिईएकाले अरु घर आगलागीबाट जोगाउन संम्भव बनेको हो ।<br><br>दशैंमा घर जलेपछि तीन परिवार समस्यामा परेका छन् । घरमा भएको सबैजसो सामान र सम्पत्ती जलेपछि दशैं पाल टाँगेर बारीको पाटामा मनाउनुपर्ने भएको पिडितहरुले बताएका छन् ।<br></p>

<p>२३ असोज, सुनसरी<br>सुनसरीको इटहरी उपमहानगरपालिका–२४ सेउती खोलानिर भएको मोटसाइकल दुर्घटनामा एकैघरका दाजुभाइको मृत्यु भएको छ । <br><br>धरानबाट इटहरीतर्फ आउँदै गरेको को१६प ७७६८ नंको मोटरसाइकल दुर्घटना हुँदा इटहरी ५ का मदन गुरुङ र कुमार गुरुङ्गको मृत्यु भएको प्रहरीले जनाएको छ । <br><br>तिब्र गतिमा रहेको बेला मोटरसाइकल दुर्घटना भएको हो । <br><br><b>सवारी साधन दुर्घटनामा ६५ घाइते </b><br><br>दुई यात्रुबाहक बस एक आपसमा ठोक्किदा हेटौडा नारायणघाट सडकखण्डमा एक आपसमा ठोक्किदा ६५जना घाइते भएका छन् ।<br><br>काठमाडौँबाट सर्लाहीतर्फ गइरहेको ना ५ ख ४०९६ नम्बरको यात्रुबाहक बस र विराटनगरबाट नेपालगन्जतर्फ गइरहेको ना ४ ख ४३४३ नम्बरको अर्को यात्रुबाहक बस आज बिहान ४ः४५ बजे हेटौँडा नारायणघाट सडकखण्डको रमनटारमा एकापसमा ठोक्किएर दुर्घटना भएको हो ।<br><br></p>