सरकारको भरमा पर्दा भूकम्प पीडितको दशैं घरको न घाटको भयो

<p>२४ असोज, धादिगं ।<br>गत वर्ष बैशाख १२ गतेको भूकम्पबाट विस्थापितहरु यसपटक पनि दशै अस्थायी टहरा मै बिताउन बाध्य छन् ।<br><br>भुकम्पबाट विस्थापितहरुको अझै पुनस्र्थापना हुन नसक्दा र पुनर्निर्माणको कार्यले गति लिन नसक्दा पीडितहरु मर्कामा परेका छन् ।<br><br>भुकम्पले घरवास उठेपछि री ५ धादिङका बुद्धसिंह तामाङ नीलकण्ठ १२ दामगाडे शिविरमा बस्दै आउनुभएको छ । गत वर्षको दशै त्रिपाल टहरामा अस्तव्यस्त बसाइमै मनाउन बाध्य भएपनि यो वर्ष भने गाउँमा गएर उमंगले मनाउने सोचमा हुनुहुन्थ्यो । तर भुकम्पले एकटुक्रो जग्गा जमिन वाकी नराखेपछि विस्थापित भुकम्प पिडित गाउँ फर्कन सकेका छैनन् ।<br><br>यसपटकको दशै पनि पीडितहरु अस्थायी टहरामै मनाउन बाध्य छन् । विस्थापितहरु मात्र होइन, भुकम्पले घर भत्किएपछि अधिकांश पिडितहरुको बास अझै पनि टहरामै छ । एकपछि अर्को गरी टहरा बनाउदा बनाउदा थाकेका पिडितलाइ हिजो आज टहरा नै प्यारो लाग्न थालेको छ ।<br><br>दशै तिहार नजिकीदै गर्दा यस वर्षको दशै टहरामै भएपनि खुषीले मनाउने सोचमा हुनुहुन्छ, नीलकण्ठ १२ धादिङकी उजेली कुमाल ।<br><br>भूकम्पजस्तो प्राकृतिक प्रकोपलाई कसैले रोक्न सक्दैन तर भूकम्पपछि पीडित बनेकाहरुको समयमै बासको व्यबस्था हुन नसक्दा उनीहरु मर्कामा परेका छन् । पीडितहरुको थातबासको ब्यवस्था मिलाउने दायित्व सरकारको हो । तर करिब डेढ वर्षसम्म पनि उनीहरुको पुनस्र्थापना हुन नसक्दाको परिणाम पीडितले दसँै तिहारको खुसी साट्न पाएनन । अहिले धादिङका भुकम्प पिडितहरु सरकारले दशै मनाउने व्यवस्था मिलाइदिन्छ भन्ने आशामा बस्दा घरको न घाटको भएको बताउन थालेका छन् ।<br><br></p>