<p>११ कार्तिक, एजेन्सी ।<br>म्यानचेष्टर डर्बीमा गएराती भएको खेलमा म्यान्चेस्टेर युनाइटेड सिटीलाई पराजित गर्दै क्वाटरफाइनलमा प्रवेश गरेको छ ।<br><br>ईएफएल कपको क्वार्टरफाइनलमा स्थान पक्का गर्ने क्रममा युनाइटेडको लागि हुवान माटाले गोल गरेका हुन् ।<br><br>खेलमा म्यानचेष्टर युनाइटेडले सिटीलाई १-० गोल अन्तरले पराजित गरेको हो । <br><br>घरेलु मैदान ओल्ड ट्रार्फडमा भएको खेलमा युनाइटेडका लागि माटाले ५४ औं मिनेटमा एकमात्र निर्णायक गोल गरेका थिए ।<br></p>

<p><span style="line-height: 1.42857143;">काठमाडौं, कात्तिक १० । &nbsp;राष्ट्रिय खुला सुटिङ प्रतियोगितामा सप्तरीका असिम यादव र नेपाल प्रहरीकी फुलमाया क्याप्छाकीले बुधबार स्वर्ण जितेका छन् । व्यक्तिगत स्पर्धाको १० मिटर एयर राइफलको पुरुषमा असिम र महिलामा फुलमाया पहिलो भएका हुन् ।</span><br></p><p><span style="line-height: 1.42857143;">सातदोबाटोस्थित सुटिङ रेन्जमा असिमले २ सय पूर्णाङ्कको फाइनलमा सर्वाधिक १७५ अंक जोड्दै शीर्ष स्थान हात पारे । १७४ अंकमा सुनसरीका टीकाराम श्रेष्ठ दोश्रो र १५५ अंकमा नेपाल प्रहरीका हरिबहादुर थापा तेश्रो भए ।</span><br></p><p><span style="line-height: 1.42857143;">महिलामा फुलमायाले सर्वाधिक १९२ अंक जोडिन् । महिलाको फाइनल पनि २०० पूर्णाङ्कको थियो । १८५ अंकसाथ अस्मिता राई दोश्रो र १६५ अंकसाथ दुर्गा सिन्जाली तेश्रो स्थानमा रहे । शीर्ष दुई स्थान हात पार्ने खेलाडी पनि प्रहरीकै हुन् ।</span><br></p><p>एयर राइफलकै पुरुष टिम इभेन्टमा प्रहरी पहिलो, दाङ दोश्रो तथा नेपाल आर्मी तेश्रो बने । सोही स्पर्धाको महिलामा प्रहरी पहिलो, आर्मी दोश्रो र दाङ तेश्रो भए ।</p><p><span style="line-height: 1.42857143;">विजेतालाई आयोजक नेपाल सुटिङ संघका अध्यक्ष पुष्पदास श्रेष्ठलगायतले एक कार्यक्रमबीच पुरस्कृत गरे । चारदिने प्रतियोगितामा समान २८–२८ पुरुष÷महिला गरी ५६ खेलाडीले एयर राइफलतर्फ विभिन्न ४ स्पर्धामा प्रतिस्पर्धा गरेका थिए ।</span><br></p><p>&nbsp;</p>

<p><span style="line-height: 1.42857143;">काठमाडौं, कात्तिक १० । राष्ट्रिय खेलकुद परिषद् (राखेप) कर्मचारी संघले राखेपका अवकाश प्राप्त पूर्व कर्मचारीहरुलाई बुधबार सम्मान गरेको छ । २०६१ सालदेखि २०७३ सालसम्मको अवधिमा अवकाश पाएका प्राविविधिक र प्रशासन तर्फका विभिन्न तहका जम्मा ५० कर्मचारीलाई सम्मान गरिएको थियो ।&nbsp;</span><br></p><p><span style="line-height: 1.42857143;">सम्मानित हुनेमा रमेशराज जोशी, विश्वप्रकाश थापा, कमल प्रधान, प्रचण्डबहादुर सिंह, रमेशनाथ खनाल, शम्भुकुमार विष्ट, मुकुन्दलाल नकर्मी, धनबहादुर बस्नेत, भीम थापा, केशव गौतम, कपिलकिशोर श्रेष्ठ, शिवभक्त जोशी, दीपराज गुरुङ, अशोकराज पाण्डे, शान्ती सिंह, वृजेन्द्रबहादुर हमाल, नारायणबहादुर प्रधान, सुरेन्द्र सुवाल, कृष्ण थापा, मोहन गुरुङ घले, ध्रुवविक्रम शाह, ध्रुवबहादुर केसी, श्रीराम रन्जितकार, महेन्द्रलाल श्रेष्ठ, सुरेश सिंह आले, सोहन सिन्हा, सुरेन्द्र खाती, सत्येन्द्र बस्नेत, रुद्रप्रसाद ढकाल, बुद्धिसागर चापागाईं, लक्ष्मीनारायण वैद्य, रामनारायण राय, भगिरथ आले, लोकप्रसाद ओली, सन्तोषकुमार बानियाँ, जितेन्द्र चौधरी, शम्भु केसी, पूर्णमान वज्राचार्य, रामशरण अधिकारी, विजयमान राजभण्डारी, डा. प्रदीप जोशी, हरिबहादुर श्रेष्ठ, वैजुनाथ कपाली, नन्दलाल यादव, विकुलाल चौधरी, श्यामकुमार मण्डल, कैलाश श्रेष्ठ, कृष्णबहादुर लामा, लक्ष्मण महत तथा राजकुमार गौतम रहेका छन् ।</span></p><p><span style="line-height: 1.42857143;">उनीहरुलाई राखेपको ओलम्पियन सेमी कभर्डहलमा आयोजित एक कार्यक्रममा उपप्रधान एवं गृह मन्त्री विमलेन्द्र निधीले कदर पत्र प्रदान गरी सम्मान गरे ।</span><br></p>

<p><span style="line-height: 1.42857143;">काठमाडौं, कात्तिक १० । थाइल्यान्डको बैंककमा भएको ३१ औं किङ्स कप विश्व च्याम्पियनसिपमा नेपाली सेपाकताक्रो टोलीले दुई पदक जितेको छ । नेपाल सेपाकताक्रो संघले आफनो विभिन्न कार्यक्रम सार्वजनिक गर्ने उद्देश्यले आयोजित पत्रकार सम्मेलनमा संघका अध्यक्ष नेत्रप्रसाद लिम्बूले नेपालले दुई कांस्य पदक जितेको जानकारी गराए ।</span><br></p><p><br></p><p>अक्टोबर १७ देखि २३ तारिखसम्म भएको च्याम्पियनसिपमा नेपाली टोलीले रेगु इभेन्ट र डबल इभेन्टमा कांस्य पदक जितेको हो । नेपाली टोलीबाट अनिल गुरुङको कप्तानीमा अनिल जर्घा मगर, एलन गुरुङ, राजु तामाङ, शैलेश दाहाल, रोशन तामाङ, सुजन डंगोल, मुकुन्द गौतम र रुपेश सुनारले प्रतिस्पर्धा गरेका थिए । टिम प्रशिक्षकमा गंगा गुरुङ रहेका छन् ।</p><p><br></p><p>पत्रकार सम्मेलनमा सेपाकताक्रो संघका संस्थापक अध्यक्ष एवं प्रमुख सल्लाहकार सीताराम मास्के एसियाली सेपाकताक्रो महासंघको उपाध्यक्षमा निर्विचित भएको जानकारी गराइयो । मास्के अन्तर्राष्ट्रिय सेपाकताक्रो महासंघका सदस्य पनि हुन् ।</p><p>त्यस्तै दक्षिण एसियाली सेपाकताक्रो महासंघमा नेपालबाट पाँच जना निर्वाचित भएका छन् । अध्यक्षमा सीताराम मास्के, महासचिवमा ध्रुव गुरुङ, सचिवमा नेत्रप्रसाद गुरुङ तथा सदस्यमा राष्ट्रिय खेलकुद परिषद्का सदस्य–सचिव केशवकुमार विष्ट र गंगा गुरुङ निर्वाचित भए ।</p><p><br></p><p>कार्यक्रममा जनवरी १३ देखि १५ तारिखसम्म श्रीलंकाको कोलम्बोमा हुने दोश्रो दक्षिण एसियाली सेपाकताक्रो प्रतियोगितामा नेपालले सहभागिता जनाउने तथा तेश्रो दक्षिण एसियाली सेपाकताक्रो प्रतियोगिता नेपालमै आयोजना गर्ने योजना रहेका समेत जानकारी दिइएको थियो ।</p>