<p>पप्पु गुरुङ दोधारा–चाँदनी दोधारा,पुस ११ – चादनीमा कार्यक्रमको सुरुवात क्रम संगै खाजा, नास्तामा बिबादमा चुलिदै आएको ग्रामिण सामुदायिक बिकास केन्द्रले संचालन गरेको सामाजिक एकता र सदभाव प्रवद्र्धनका लागि स्थानिय पहल कार्यक्रममा आर्थिक हिसाव किताव निश्पक्षता गर्न स्थानियहरुले माँग गरेका छन् ।<br></p><p>दोधारा चाँदनीमा भए गरेका धेरै कार्यक्रममा संस्थाले आएको रकम खर्चा नगरेर रकम जोगाउने कार्य गरेको स्थानियहरुको आरोप रहेको छ ।</p><p><br></p><p>बिद्यालय स्तरिय कार्यक्रममा दोधारा चाँदनीका ५ वटा उच्च माबिमा कार्यक्रम गरेर रकम जोगाएको स्थानिय शिक्षिका करन मगरले जानकारी दिएका छन् । कार्यक्रममा छुट्याईएको रकम रु. १ सय ५० रुपियाँको नास्ता तथा खाजा खुवाउने साटो ५ बिद्यालय तथा दोधारा चाँदनीमा संचालित बिभिन्न कार्यक्रममा रु. २० देखि रु. ३५ सम्मको नास्ता तथा खाजा खुवाएर रकमको जोगाउदै गरेको सामाजिक एकता र सदभाव प्रवद्र्धनका लागि स्थानिय पहल कार्यक्रमका कार्यक्रम संयोजक रमेश ओडलाई आरोप लगाएका छन् ।</p><p><br></p><p>कार्यक्रम संयोजक रमेश ओडले अध्यक्ष बिर बहादुरको रु. ४० देखि ५० रुपिया बराबरको कार्यक्रममा नास्ता तथा खाजा खुवाउने निर्देशन अनुसार आफुले अध्यक्षको नियम पालना गरेको बताएका छन् । “अध्यक्ष बिर बहादुर नेपाली ज्युले भने अनुसार रु.४० देखि रु. ५० बराबरको नास्ता खुवाएका हौ” उक्त बिषयमा बिद्यालयका बिद्यार्थी, शिक्षकहरुले समेत आपत्ती जनाएका थिए ।</p><p><br></p><p>बिद्यालय लगाएत कार्यक्रममा २ वटा समोसा, एक टुक्रा जेरी र एक पिस लड्डु खुवाएको बताएका छन् । जसको मुल्य करिब रु. २० हुन्छ् । एक बिद्यालयकोृ एक कार्यक्रममा बिद्यार्थी, शिक्षक तथा बिद्यालय ब्यवस्थापन समिति लगाएतलाई हल भाडा, यातायात तथा खाजा, नास्ता खुवाए बाफत रु. ११ हजार २ सय ५० खर्च गर्ने कार्यक्रम भएपनि श्री अम्बिका उच्च माबिमा हल भाडा यातायात तथा खाजा, नास्तामा रु. ५ हजार ४ सय, भानु उच्च माबिमा रु. ४ हजार ९ सय, लक्ष्मी उच्च माबिमा रु. ३ हजार ९ सय, शारदा सरस्वती उच्च माबिमा रु. ५ हजार ४ सय र युनिक सनराईज उच्च माबिमा रु. ५ हजार ४ सय रकम खर्च गरेको कार्यक्रम संयोजक रमेश ओडले जानकारी दिएका छन् ।</p><p><br></p><p>उच्च माबि स्तरिय अभिमुखिकरणमा यातायात खर्चा रु. २ सयको दरले १५ जनालाई दिने भनिएको सुनिए पनि लक्ष्मी उच्च माबिको कार्यक्रममा मात्र ३ जनालाई रु. ६ सय दिएको लक्ष्मी उच्च माबिका एक शिक्षकले बताएका छन् । यस सम्बन्धमा संस्थाका अध्यक्ष बिर बहादुर नेपालीले “मिलाएर खर्चा गर्नु भनेको छु” भनेको बताए । दोधारा चा“दनीको भानु उच्च माबि, लक्ष्मी उच्च माबि, सनराईज उच्च माबि, शारदा सरस्वती उच्च माबिमा ग्रामिण सामुदायिक बिकास केन्द्रले बिद्यार्थीहरुमा बिद्यालय स्तरिय स्लोगन प्रतियोगिता तथा सदभाव बढाउने बिभिन्न कार्यक्रम संस्थाले गरेको हो ।</p><p><br></p><p>“कार्यक्रमको लागी छुटयाईएको रकममा कम खर्चा गरेर सामाजिक एकता र सदभाव प्रवद्र्धनका लागि स्थानिय पहल कार्यक्रमका संचालक तथा अध्यक्षले ठुलो रकम संस्थाले जोगाउने कार्य गरेको दखिएको छ्” एक शिक्षकले भने– “कयौं कार्यक्रममा ५० प्रतिशत पनि रकम खर्च भएको छैन” सामुदायिक सुरक्षाको अवस्थामा र सामाजिक एकता तथा सदभाव अभिबृद्धि गरी सकारात्मक शान्ति सहितको सभ्य समाज निर्माणका लागी जनताका बिचमा खुल्ला सहकार्य र समन्वय गर्न, आवश्यक जनचेतना अभिबृद्धि गर्ने उद्धेश्यले दोधारा चाँदनी क्षेत्रमा संचालन आएपनि कार्यक्रमको संस्थाले पारदर्शीता नगर्दा संस्थाले लुकीछिपी कार्यक्रम संचालन गर्दै आएका अर्का स्थानिय डम्मर गुरुङ्गले जानकारी दिएका छन् ।</p><p><br></p><p>“निश्पक्षता कार्यक्रम नगर्दा ग्रामिण सामुदायिक बिकास केन्द्रलाई हामीले बहिष्कार गरेका हौ । तै पनि दोधारा चा“दनीमा संस्थाले लुकीछिपी कार्यक्रम संचालन गरिनै रह्यो” स्थानिय डम्मर गुरुङ्गले भने । यस्ता अपारदर्शी तथा रकम जोगाउने संस्थालाई आगामी दिन पस्न दिन रोक्नु पर्ने गुरुङ्गको भनाई रहेको छ् ।</p><p><br></p><p>“कार्यक्रममा बिल भर्पाई बढाएर रकम जोगाउने चलखेल भएको छ्” ग्रामिण सामुदायिक बिकास केन्द्रका एक पदाधिकारी श्रोतले भन्यो । श्रोत अनुसार संस्थाका अधिकांश पदाधिकारीलाई सामाजिक एकता र सदभाव प्रवद्र्धनका लागि स्थानिय पहल कार्यक्रम संचालनमा कहिले सुरु भयो र कहिले समाप्त भयो भन्ने बारे समेत थाहा नभएको बताएका छन् । “कार्यक्रममा एकल निर्णय छ्” एक पदाधिकारीले भने । दोधारा चाँदनीका अधिकांशलाई कार्यक्रमको बारे थाहै नभएको स्थानियहरुले बताएका छन् ।</p>

<p>काठमाडौं,पुस १० । राजा हुँदा हिन्दु सम्राटका रुपमा चिनिएका पूर्वराजा ज्ञानेन्द्र शाह र पूर्वयुवराज पारस शाह क्रिश्चियन धर्मबलम्वीहरुको किसमस इभको पार्टीमा रमाएका छन् । नेपालमा रहेका क्रिश्चियन धर्मबलम्वीहरुले लाजिम्पाटको त्रिसरा रेष्टुरेन्टमा द ह्वाइट अफेयर पार्टी राखेका थिए । नाचगान सहितको पार्टीमा पूर्वराजा ज्ञानेन्द्र शाह र पूर्वयुवराज पारस पुगेका थिए ।<br></p><p><br></p><p>उनीहरुले क्रिश्चियन धर्मबलम्वीहरुलाई किसमसको शुभकामना दिनुको साथै शुभचिन्तकहरुसँग तस्विर पनि खिचाएका थिए । ति तस्विरहरु अहिले सामाजिक सञ्जालमा भाइरल भएका छन् । इभ पार्टीमा पुगेका मोडेलहरुले उनीसँग खिचेका तस्विरहरु सार्वजनिक गरेका छन् । पार्टीमा बाबुछोरा संगै पुगेका थिए । बाबु छोराले नै शुभचिन्तकहरुसँग तस्विर पनि खिचाएका थिए । नेपाललाई हिन्दुराष्ट बनाउन देशी विदेशीहरुसँग सम्वाद गरिरहेका पूर्वराजाले क्रिसमसमा पुगेका क्रिश्चियन धर्मवलम्बीको पनि मन जित्न खोजेका छन् ।</p><div><br></div>

<p>काठमाडौं,पुस १० । सरकारले आजदेखि सवारी चालक अनुमति पत्रको फारम अनलाइनबाटै भर्न मिल्ने व्यवस्था गरेको छ । अनलाइन फारम यातायात व्यवस्था विभागको बेवसाइट &nbsp;www.dotm.gov.np &nbsp;मा गएर भर्न सकिन्छ । तर यो सुविधा चार पाङ्ग्रेको लाइसेन्सवालाले भने लिन पाउने छैन् । उनिहरुको लागि दर्ता अनलाइनबाट नहुने भएको छ । , दुई पाङ्ग्रेको पनि दिनमा ५ सय मात्रै निवेदन लिइने सूचनामा जनाईएको छ ।<br></p><p>यातायात व्यवस्था विभागको बेवसाइटमा राखिएको सूचना अनुसार हाललाई दुई पाङ्ग्रे सवारी साधनको वर्ग ए (मोटरसाइकल) र वर्ग के (स्कूटर, मोपेड) का लागि मात्रै दरखास्त दिन सकिन्छ। त्यसैगरी ए र के वर्गमा आवेदन पनि दिनमा ५ सय जनाको मात्र स्वीकार गरिने व्यवस्था गरिएको विभागले बताएको छ।<br></p><p>यस अनुसार अब अनलाइनमा पनि जसले पहिला दर्ता गर्‍यो उसको मात्र आवेदन स्वीकार हुनेछ। अनलाइनमा फाराम भरेर पठाएपछि दर्ता नम्बर र कार्यालयमा सम्पर्क राख्न जाने समय अनलाइनबाटै दिइने विभागका प्रवक्ता टोकराज पाण्डेले जानकारी दिए। अनलाइनबाट आवेदन भर्नका लागि सबैभन्दा पहिला यातायात व्यवस्था विभागको वेभसाइट डब्लुडब्लुडब्लु डट डिओटिएम डट जीओभी डट एनपी खोल्ने। त्यसपछि त्यहाँ बाहिर नै अनलाइन सवारी चालक अनुमति पत्र भन्ने देखिन्छ।<br></p><p><br></p><p><b>सवारी चालक अनुमति पत्रको अनलाइन फारम भर्ने तरिका&nbsp;</b></p><p>त्यहाँ क्लिक गरेपछि भर्नुपर्ने आवश्यक विवरणहरु देखिन्छ। सम्पूर्ण विवरण भरेपछि सेन्डिङ गर्ने । सेन्डिङ एसेप्ट भइसकेपछि आवेदकले एउटा पेपर पाउँछ। त्यो प्रिन्ट गर्ने। त्यसमा पुनः फोटो र फिंगरप्रिन्टका लागि जानुपर्ने समय तोकिएको हुन्छ। त्यही समय पुग्नेगरी त्यो प्रिन्ट कागज लिएर सम्वन्धित कक्षमा जानुपर्दछ। त्यहाँ पुनः फोटो र फिंगरप्रिन्ट लिइसकेपछि भोलिपल्टदेखि नै अन्य परीक्षामा सहभागी हुन सकिनेछ। उत्पयकाबाट लिइने स्मार्टलाइसेन्स बाहेक अन्यको हकमा भने यो नियम लागू हुँदैन। सुरुवातमा यो सेवा काठमाडौं उपत्यकामा मात्र लागू हुनेछ । विभागका अनुसार फारम त देशभरीबाटै भर्न सकिनेछ । तर, अनलाइन फारम भरेका हरुको लिखित परीक्षादेखि ट्रायल सबै काठमाडौंमै हुनेछ ।</p>

<p>काठमाडौं,पुस ९ । गृह मन्त्रालयले निकालेको विदाको सूचनामा गम्भीर त्रुटी भेटिएको छ । इसाई धर्मावलम्बीको पर्व क्रिसमस डे परेको भन्दै आईतवार &nbsp;विदा दिने निर्णय गरेको भन्दै निकालेको सूचनामा &nbsp;त्रुटी देखिएको छ । &nbsp;<br></p><p>अंग्रेजी महिनाको सन् २०१६ डिसेम्बर २५ तारिख हुनुपर्नेमा सूचनामा मन्त्रालयले डिसेम्बर १० तारिख उल्लेख गरेको छ । राजपत्रमा प्रकाशित सार्वजनिक विदा सूचीमा भोलि &nbsp;(आइतबार) &nbsp;क्रिष्टियन धर्मावलम्बीहरुका लागि मात्र विदा दिइएको भएपनि मन्त्रीस्तरीय निर्णयबाट विदा दिने निर्णय गरेको हो ।<br></p><p>मुलुक धर्मनिरपेक्ष भएको घोषणा भएपछि सरकारले विसं २०६४ पछि डिसेम्बर २५ अर्थात ‘क्रिसमस डे’का दिन सार्वजनिक बिदा दिन सुरु गरेको थियो। तर, एमाले अध्यक्ष केपी शर्मा ओली नेतृत्वको अघिल्लो सरकारले ‘क्रिसमस डे’ का दिन दिँदै अाइएको सार्वजनिक विदा कटाैती गरेको थियो। क्रिश्चियन धर्मका संस्थापक येशु ख्रिष्टको जन्मोत्सवका अबसरमा २५ डिसेम्बरका दिन देशभरका चर्चमा क्रिसमस पर्वका रुपमा विविध कार्यक्रम गरी क्रिश्चियन धर्मावलम्बीहरुले मनाउने गर्दछन्।</p><p><br></p>

<p>काठमाडौं,पुस ८ । मेलम्चीको पानी चक्रपथभित्रकै केही स्थानमा तत्काल वितरणका लागि नयाँ वितरण सञ्जाल नबन्ने भएको छ । आगामी वर्ष असोजमा मेलम्चीको पानी उपत्यकामा आएपछि कलङ्की, स्वयम्भू र महाराजगन्जको पूर्वी भागमा वितरण गर्न नसकिने काठमाडौँ उपत्यका खानेपानी लिमिटेड आयोजना कार्यान्वयन निर्देशनालयले जनाएको छ ।<br></p><p>चक्रपथभित्रको केही भागमा बजेट अभाव हुँदा पहिलो चरणमा मेलम्चीको पानी वितरणका लागि पाइप बिच्छ्याएर नयाँ सञ्जाल निर्माण गर्न नसकिएको निर्देशनालयका प्रवक्ता लीलाप्रसाद ढकालले राससलाई जानकारी दिनुभयो ।<br></p><p>“नयाँ सञ्जाल निर्माण गर्न नसकिए पनि यी स्थानमा पुरानो वितरण प्रणालीबाट पानी वितरण गरिन्छ, नयाँ सञ्जाल निर्माणका लागि पनि केही महिनामा ठेक्का आह्वान हुँदैछ, दुई वर्षभित्रमा नयाँ पाइपलाइन बिच्छ्याइन्छ”–उहाँले भन्नुभयो ।<br></p><p>चक्रपथ बाहिर गोकर्णेश्वर, जोरपाटी, ललितपुरको कुसुन्ती, नखिपोट, भनिमण्डल, भक्तपुरको टिग्नी र कटुञ्जे क्षेत्रमा पाइप बिच्छ्याउने काम भइरहेको छ । कपन, बौद्ध र बालाजु क्षेत्रभन्दा माथिको भागमा पनि पाइप बिच्छ्याउनका लागि बोलत्र आह्वान हुँदैछ । यी क्षेत्रमा पनि दुई वर्षमै पाइप बिच्छ्याएर पानी वितरण गरिने निर्देशनालयले जनाएको छ ।<br></p><p>विसं २०८० सम्म याङ्ग्री र लार्केको गरी दैनिक ५१ करोड लिटर पानी आउने बेलामा उपत्यकाको सबै भागमा पाइपको नयाँ वितरण सञ्जाल बिच्छ्याई पानी वितरण गर्ने योजना छ । त्यसबेलासम्म २४ घन्टा नै पानी वितरण गर्ने गरी गृहकार्य भइरहेको प्रवक्ता ढकालले बताउनुभयो । रासस<br></p>

<p>पप्पु गुरुङ्ग-दोधारा चाँदनी ,पुस ८ – चादनीको विवादास्पद श्री आदर्श रामलिला नाट्य मञ्चनको रकम भानु धनधान्यञ्चल महायज्ञमा दान दिदै रामलिला सममितिले सर्वदलिय तथा सर्वपक्षिय निर्णय लत्याएको छ । मंसिर १५ गते सर्वदलिय तथा सर्वपक्षिय निर्णय गर्दै रामलिला समितिको उधारो रकम उठाएर १ महिनामा महाकाली बिकास बैंकको खातामा जम्मा गर्ने निर्णय सहित सहमती कार्यान्वन हुन नपाउदै एक सुटुक्क रामलिला समितिका केही पदाधिकारीहरुले एकल निर्णय गरेर रामलिलाको कोषको रकम मध्ये एक लाख एक हजार एक सय एघार रुपिया महायज्ञको खातामा रकम जम्मा गरेको मुल समितिले श्रोतले जानकारी दिएको छ ।<br></p><p><br></p><p>“ मिति २०७३-०८-१५ गतेका दिन आदर्श रामलिला समितिबाट लिएका सम्पुर्ण कागज पत्र एक महिनाको लागि &nbsp;रामलिला समितिलाई हस्तान्तरण गरेका छौ । साथै आय–व्यय् खर्चको बिबरण भेला बोलाई सार्वजनिक गर्नु पर्ने छ । उधारो उठेको रकम महाकाली बिकास बैंकमा जम्मा गर्नु पर्ने छ् ।” सर्वदलिय तथा सर्वपक्षिय बैठकमा निर्णय तथा सर्वसहमती गरिएको एक सर्वदलिय सदस्यले बताए । “नियमसंगत भएको छैन्” एक सर्वदलिय सदस्यले भने ।</p><p><br></p><p>दोधारा चाँदनीमा रामलिला अर्को वर्ष रामलिला हुन नदिने षडयन्त्र पुर्वक प्रपञ्च रचिएको स्थानियहरुले बताएका छन् । यता भानु धनधान्यञ्चल महायज्ञ मुल आयोजक समिति सदस्य श्रोतले बिबादस्त रामलिलाको रकम महायज्ञमा स्विकार्य नहुने बताएका छन् । “रामलिलाको बिबादको रकम हामी महायज्ञमा समाबेश गर्दैनौं” महायज्ञ मुल आयोजक श्रोतले बतायो ।</p><p><br></p><p>असोज १५ गते देखि कार्तिक १ गते सम्म दोधारा चाँदनीमा संचालित श्री आदर्श रामलिला नाट्य मञ्चनको कुर्चीको फर्जी टिकट देखा परेपछि सर्वदलिय छानबिन समिति गठन भएको थियो । छानबिन समितिले प्रतिबेदन सर्वजनिक गर्दा सर्वपक्षिय बैठक बसेर एक महिना भित्र रामलिला समितिले उधारो रकम उठाएर महाकाली बिकास बैंकको खातामा जम्मा गर्ने आम सहमती भएपनि उक्त सर्वपक्षिय सहमतीलाई लत्याएर रामलिला समितिले सुटुक्क निर्णय गरेर महायज्ञको खातामा रामलिला समितिका केही सदस्यहरुले रकम जम्मा गरेपछि बिबाद चुलीन थालेको हो । रामलिला समितिका एक सदस्य डम्मर रानाले आफुहरुलाई कुनै जानकारी नदिएर एका सुटुक्क रामलिला समितिको बैठक बसेर रामलिला समितिको रकम महायज्ञमा बैकको खातामा रकम जम्मा गरेको बिषयमा आफुलाई थाहा नभएको बताएका छन् ।</p><p><br></p><p>“रामलिला समितिका पदाधिकारीहरुको छाडापन हो” सदस्य डम्मर रानाले भने । अर्का रामलिला समितिका सदस्य रामचन्द्र थापा अनुसार यसरी रामलिला समितिका साथीहरुले सर्वदलिय तथा सर्वपक्षियको निर्णयलाई तथा सा“झा सहमतीलाई तोडेर दोधारा चादनीको एतिहासिक तथा परम्परागतरुपमा संचालन हुने रामलिला नाट्य मञ्चनलाई अर्को पटक संचालनमा आउने नदिने बताबरण तयार गरेको आरोप लगाएका छन् ।</p><p><br></p><p>“केही रामलिला समितिका पदाधिकारीहरुको दम्भले यो निरन्कुश निर्णय गरिएको हो” रामलिला समितिका सदस्य रामचन्द्र थापाले भने । रामलिलामा कुर्चीमा बसेका प्रति ब्यक्ती दर्शकहरुका लागी रु. २० सहयोग रकम लिने रामलिला समितिको निर्णय अनुरुप गुलाबी कागजमा निलो मसीले लेखिएको सहयोग टिकट रसिद समितीले काट्दै आएकोमा असोज २६ गते गुलाबी कागजमा कालो मसीले लेखिएको कुर्चीको फर्जी सहयोग टिकट पनि बिभिन्न स्थान तथा दर्शकहरु संग फेला परेको श्री आदर्श रामलिला नाटय मञ्चनका समिति तथा उपसमिति बिच बिबाद श्रजना हुदै आएको छ ।</p>