<p>काठमाडौं ।<br>संविधान जारी हुन नदिइ रोक्ने देखी तराई केन्द्रित नेताहरुलाई उचालेर तराईमा हिंसा भड्काउने र नेपालमा अशान्ति सिर्जना गर्दै राजनीतिक स्थायित्व हुन नदिएका भारतीय राजदूत रञ्जित रे को ठाउँमा भारतले नयाँ राजदूत नेपाल पठाएको छ ।<br><br>नेपालका लागि नवनियुक्त भारतीय राजदुत मन्जिव सिंह शनिबार विहान काठमाडौं आइपुगेका छन् ।<br><br>शनिवार बिहान त्रिभुवन अन्तराष्ट्रिय विमानस्थल ओर्लिएका राजदूत सिंहलाई भारतीय दूतावासका कर्मचारी लिन गएका थिए ।<br><br>सिंहले सोमबारबाट कार्यभार सम्हाल्ने भारतीय दूतावासले जनाएको छ ।<br><br>सोमबार नै राजदूत सिंहले राष्ट्रपति विद्यादेवी भण्डारीसमक्ष ओहोदाको प्रमाणपत्र बुझाउने छन् ।<br><br>निवर्तमान राजदूत रणजित रे कार्यकाल पूरा गरी दिल्ली फर्किएको करिब ३ सातापछि सिंह काठमाडौं आएका हुन् ।<br><br></p>

<p>पुनर्वास घटनाबारे स्थलगत अध्ययनका लागि आएका संसदको सामाजिक न्याय तथा मानवअधिकार समितिका सांसद्समक्ष कञ्चनपुरका राजनीतिक दलले भारतसँगको खुला सीमा हटाई व्यवस्थित र वैधानिक सिमाना मात्र प्रयोग गर्न सुझाव दिएका छन् ।</p><p>उनीहरूले पटक–पटक सीमाक्षेत्रमा हुने साना घटनालाई बेवास्ता गरेकैले पुनर्वास क्षेत्रमा नेपालीले ज्यान गुमाउनुपरेको बताए ।</p><p>‘पुनर्वास घटनामा कोही जिम्मेवार नभएकाले गोविन्द गौतमले ज्यान गुमाउनुपरेको हो,’ बिहीबार महेन्द्रनगरमा संसदीय टोलीलाई घटनाबारे जानकारी गराउँदै एमाले कञ्चनपुरका अध्यक्ष तारा लामा तामाङले भने, ‘सीमामा देखापरेको विवादपछि सुरक्षा तथा प्रशासनिक निकायले उच्च सतर्कता अपनाउन नसक्दा यस्तो भयो ।’

उनले उक्त घटनाबाट पाठ सिक्दै नेपाल र भारतको उच्चस्तरीय सीमाटोलीले तत्काल सीमा निर्धारण गर्नुपर्ने र सीमाक्षेत्रमा सुरक्षा पोस्ट राख्नुपर्ने बताए ।</p><p>कांग्रेस कञ्चनपुरका सभापति हरि बोहराले तत्काल सीमांकन गर्नु नै समस्याको दीर्घकालीन समाधान भएको बताए। उनले सीमामा वैध नाका मात्र प्रयोग गर्न सुझाए। सीमा क्षेत्रमा भारतले एसएसबी तैनाथ गरेझैं नेपालले पनि सशस्त्र प्रहरी पोस्ट राख्नुपर्ने उनले बताए ।</p><p>राष्ट्रिय जनमोर्चा कञ्चनपुरका अध्यक्ष लोकेन्द्र लम्सालले भने, ‘पटकपटक भारतीय सुरक्षाकर्मी हात हतियारसहित नेपाल प्रवेश गर्दा पनि उनीहरूलाई ससम्मान फिर्ता पठाउने सरकारी रवैयाकै कारण भारतको हेपाहा प्रवृत्ति बढेको हो।’ उनले घाइते टीकाराम चापागाईंलाई जिउँदो सहिद घोषणा गर्न माग गरे ।</p><p>राप्रपाका जिल्ला अध्यक्ष पूर्णबहादुर चन्दले भने, ‘खुला सीमा व्यवस्थित गर्नैपर्छ। एसएसबी तैनाथ भएकै ठाउँमा हाम्रो प्रहरीको पोस्ट पनि हुनुपर्छ।’ प्रशासन र सुरक्षा निकाय सतर्क नहुँदा पुनर्वास घटना भएको माओवादी केन्द्रका जिल्ला संयोजक वीरबहादुर थापाले बताए। यसपटकको विवादको प्रमुख जड आनन्दबजार नजिक सीमाक्षेत्रको नेपाली भूभागमा कल्भर्ट निर्माण नै रहेको उनले बताए ।</p><p>कार्यक्रममा प्रशासन तथा सुरक्षा निकायका प्रमुखहरूले घटनाबारे संसदीय टोलीलाई जानकारी गराएका थिए।

टोलीमा संयोजक धनबहादुर रायमाझी, कमलाकुमारी घिमिरे, प्यारेलाल राना र राममाया बोगटीसमेत ४ सांसद थिए। टोलीले सामाजिक न्याय तथा मानव अधिकार समितिद्वारा गठित उपसमितिलाई प्रतिवेदन बुझाउनेछ ।<br><i>graternepal.blogpost.com
</i></p>

काठमाडौैं ।
सडक दुर्घटनामा परि एमाले सांसद दुलारी देवीको निधन भएको छ ।

उनको बिहीबार साँझ भएको मोटरसाइकल दुर्घटनामा निधन भएको हो ।

चैत पाँच गते भारतको सीतामढीमा दुर्घटनामा परेकी सांसद दुलारीको उपचारकाका क्रममा बिहीबार साँझ ललितपुरको बी एण्ड बी अस्पतालमा निधन भएको हो ।

सामान किन्न भारतको सीतामढी बजारतर्फ मोटरसाइकलमा जाँदा उनी सवार मोटरसाइकललाई भारतको रामनगरा चोकमा ट्रकले ठक्कर दिएको थियो ।

उनीसँगै दुर्घटनामा परेका मोटरसाइकल चालक रवीन साहको घटनास्थलमै मृत्यु भएको थियो ।

एमालेको तर्फबाट उनी सर्लाहीबाट समानुपातिक सांसद थिइन् ।
दुलारीदेवीको आज पशुपती आर्यघाटमा दाहसंस्कार गरिंदैछ ।

<p>काठमाडौं ।<br>नेपाल भ्रमणमा रहेका चीनका रक्षामन्त्री जनरल चाङ्ग वानक्वानले आज प्रधानमन्त्री सहित रक्षामन्त्री र नेपाली सेनाका प्रधानसेनापतीसँग भेटवार्ता गरेका छन् ।<br><br>प्रधानमन्त्री निवास बालुवाटारमा भएको भेटमा प्रधानमन्त्री पुष्पकमल दाहाल र चीनिया रक्षामन्त्रीबिच द्विपक्षीय सम्बन्ध, नेपाली सेना र चिनियाँ सेनाबीचको सम्बन्ध सुदृढीकरण लागि आर्थिक सहयोग, प्रधानमन्त्रीको चीन भ्रमण लगायतका विषयमा छलफल भएको प्रधानमन्त्रीका परराष्ट्र सल्लाहाकार ऋषिराज अधिकारीले जानकारी दिए ।<br><br>भेटमा प्रधानमन्त्रीले एक चीन नीतिप्रति नेपालको दृढ समर्थन रहँदै आएको र चीनविरोधी तिब्बत र ताइवान गतिविधिको नेपालले सँधै विरोध गर्ने बताए ।<br><br>प्रधानमन्त्रीले चीनले अघि सारेको वान बेल्ट वान रोड परियोजनामा साझेदार बन्न नेपाल इच्छुक रहेको र नेपालको राजनीतिक स्थायित्व र आर्थिक विकासका लागि चिनियाँ सहयोग महत्वपूर्ण रहेको बताए ।<br><br>नेपाली सेना र चीनको जनमुक्ति सेनाबीच विकसित सम्बन्धप्रति सन्तोष व्यक्त गर्दै प्रधानमन्त्रीले रक्षामन्त्री चाङको नेपाल भ्रमणको पूर्ण सफलताको कामना गरेका थिए ।<br><br>भेटमा चिनका रक्षामन्त्री जनरल चाङ्ग वानक्वानले ताइवान र तिब्बत मामिलामा चीनप्रति नेपालको दृढ समर्थनका लागि धन्यवाद दिँदै वान वेल्ट वान रोडमा सहभागि हुने इच्छाप्रति धन्यवाद व्यक्त गरेका थिए ।<br><br>रक्षामन्त्री जनरल चाङ्गले प्रधानमन्त्री प्रचण्डको चीन भ्रमणको सफलताको कामना गर्दै नेपाल सरकार र नेपाली जनताले चीनप्रति देखाएको सदभाव र आत्मीय सम्बन्ध प्रति आभार व्यक्त गरेका थिए ।<br><br>रक्षामन्त्री खाँण र चिनियाँ रक्षामन्त्री भेट <br><br>आजै रक्षामन्त्री बालकृष्ण खाँण र चीनका रक्षामन्त्री जनरल चाङ्ग वानक्वानबीच भेटवार्ता भएको छ ।<br><br>सिंहदरवार स्थित रक्षा मनत्रालयमा भएको भेटमा नेपाली सेनालाई विपत व्यवस्थापन , विकास निर्माणका लागि आवश्यक पर्ने हेवी इक्पिमेन्ट, नेपाली सेनाको क्षमता अभिवृद्धिका लागि आवश्यक सैन्य सामग्री, सैन्य अभ्यास लगायतका विषयमा सहयोग गर्ने सम्बन्धमा छलफल भएको रक्षामन्त्री खाँडले जानकारी दिए ।<br><br>चीनका रक्षामन्त्री जनरल चाङ वानक्वान नेपालको तीनदिने औपचारिक भ्रमणका लागि आज काठमाडौ आएका हुन् ।<br><br>नेपालमा १६ वर्षपछि चिनियाँ रक्षा मन्त्रीको भ्रमण भएको हो ।<br><br>यसैगरि आज चिनियाँ रक्षामन्त्रीले नारायणहिटीस्थित नेपाली सेनाको श्री उपत्यका पृतना हेडक्वाटरको निरीक्षण गरेका छन् ।<br><br>निरीक्षणको क्रममा चीनीयाँ रक्षामन्त्रीद्वारा विनासकारी भुकम्पको दौरान नेपाली सेनासँग सहकार्य गर्दै सहयोग गरेको कुरा स्मरण गर्दै सांस्कृतिक सम्पदा जगेर्नामा नेपाली सेनाले खेलेको भुमिकाको प्रशंसा गरेका थिए ।<br></p>

<p>काठमाडौं ।<br>प्रधानमन्त्री पुष्पकमल दाहाल साताव्यापी चीन भ्रमणमा आज राति त्यसतर्फ प्रस्थान गरेका छन् ।<br><br>प्रधानमन्त्री दाहाल चैत्र १२ गते शनिबार राजधानी बेइजिङ पुगेर चिनियाँ राष्ट्रपति सि जिनपिङसँग द्विपक्षीय वार्ता गर्ने कार्यक्रम छ ।<br><br>प्रधानमन्त्री पुष्पकमल दाहालले आफ्नो चीन भ्रमण दुई देशबीचको सम्बन्ध सुदृढ गर्न महत्वपूर्ण रहने बताएपनि कुनैपनि महत्वपूर्ण विषयमा वार्ता तथा सहमती नगर्ने भएपछि उनको भ्रमण उपलब्धिहिन हुने देखिएको छ ।<br><br>प्रधानमन्त्री निवास वालुवाटारमा चीन भ्रमणका सन्दर्भमा चीन उड्ने दिन पूर्व प्रधानमन्त्री र विज्ञहरुसँग सुझाव ग्रहण गर्दै प्रधानमन्त्रीले आफू मुख्यतः बोआओ सम्मेलनमा सहभागी हुन चीन जान लागेको र यस क्रममा उच्च स्तरीय भेटघाट र छलफल हुने बताए ।<br><br>प्रधानमन्त्रीले आफ्नो चीन भ्रमण मूलतः सद्भावना भ्रमण भएको जानकारी दिँदै यस क्रममा दुई देशबीच विश्वासको वातावरण बढाउने तथा नेपालको हितका विविध विषयमा छलफल हुने जानकारी दिए ।<br><br>प्रधानमन्त्रीले पूर्व प्रधानमन्त्री र विज्ञका सुझाव धेरै फलदायी रहेको बताउँदै सुझावका लागि धन्यवाद समेत दिएका थिए ।<br><br>उक्त भेटमा पूर्व प्रधानमन्त्री शेरबहादुर देउवा, माधव नेपाल, झलनाथ खनाल, पूर्व मन्त्रीहरु डा. रामशरण महत, रमेशनाथ पाण्डेसहित विज्ञहरु टंक कार्की, राजेश्वर आचार्य, राजेशकाजी श्रेष्ठ, चन्द्र ढकाल, हरिभक्त शर्मा लगायतले आफ्ना महत्वपूर्ण सुझाव दिएका थिए ।<br><br></p>