22.58¡ÆC
प्युठान ।
प्युठानमा जीप दुर्घटना हुँदा कम्तिमा छ जनाको मृत्यु भएको छ ।
प्युठानको भिङ्ग्री भएको दुर्घटनामा परि अन्य तीन जना गम्भिर घाइते भएका छन् ।
घाइतेमध्ये दुई महिला र एकजना पुरुष रहेको बताइएको छ ।
स्वर्गद्वारी दर्शनका लागि ललितपुर सातदोबाटोबाट गएको बा ८ च १५६१ नम्बरको जीप आज बिहान पौने ८ बजे सडकबाट करिब १५० मिटर तल भिरमा खसेर दुर्घटना भएको हो ।
मृत्यु हुनेमा ५ महिला र १ पुरुष रहेका छन् । दुर्घटनामा २ महिला र सवारी चालक गरी तीन जना घाइते छन् ।
घाइते चालक ललितपुर जिल्ला गोठीखेल २ का २१ वर्षीय सरोज घले र एक महिलाको प्राथमिक स्वास्थ्य केन्द्र भिंगृमा उपचार भैरहेको छ । एक महिलालाई त्यहाँबाट बुटवल रिफर गरिएको प्रहरीले जनाएको छ ।
जीपमा ९ जना यात्रु सवार थिए । दुर्घटनास्थलबाट स्वर्गद्वारी आश्रम तीन किलोमिटरको दूरीमा पर्छ ।
