<p><span style="line-height: 1.42857;">काठमाडौं ।</span><br></p><p>नेपालको लुम्बिनी क्षेत्रबाट रहस्यमय रुपमा हराईरहेका पूर्व पाकिस्तानी सैनिक अधिकारीमा भारतीय संलग्नताको आशंका गरिएको छ ।</p><p><br></p><p>पाकिस्तानी सेनावाट अवकाशप्राप्त लेफ्टिनेन्ट कर्णेल मोहम्मद हबिब जाहिर बेपत्ता हुनुमा पाकिस्तानको अवैध गुप्तचरी गर्ने भारतीय कुलभुषण यादवलाई पाकिस्तानमा मृत्युदण्ड दिएको घटनासँग सम्वन्धित रहेको देखिएको पाकिस्तानी समाचार संस्थाहरुले उल्लेख गरेका छन् ।</p><p><br></p><p>भारतीय मिडियाहरुले समेत पाकिस्तानी कर्णेल जाहिर बेपत्ता र यादवको मृत्युदण्ड सजाए एकै समयमा हुनु, भारतीय सिमा नजिकबाट रहस्यमय ढंगबाट जाहिरलाई बेपत्ता बनाउनु तथा उनलाई नेपाल बोलाउन प्रयोग गरिएका वेवसाइट र सम्पर्क आदि भारतमा दर्ता गरिनु आदि कारण घटनामा भारतीय संलग्नता देखिएको उल्लेख गरेका छन् ।</p><p><br></p><p>भैरहवास्थित गौतम बुद्ध विमानस्थलवाट बाहिरिएपछि हालसम्म कुनै संकेत फेला नपरेको नेपाली अधिकारीहरुले बताइरहँदा पाँचदिन अघि बेपत्ता हबिब जाहिर रोजगारीका लागि अन्तर्वार्ता दिन ओमान भएर काठमाण्डु आएलगत्तै भैरहवा विमानस्थालमा पुगेर बेपत्ता हुनु रहस्यमय भनेका छन् ।</p><p><br></p><p>प्रहरी अनुसन्धान अनुसार उनी बुद्धएअरको विमान चढेर काठमाडौंबाट गौतमबुद्ध विमानस्थल उत्रेपछि अचानक सम्पर्कविहीन भएका थिए ।</p><p><br></p><p>नेपाल प्रहरीको विशेष ब्युरोको सहयोगमा जिल्ला, अञ्चल र क्षेत्रीय प्रहरी कार्यालयले उनको फोटो र सीसीटीभी फुटेजका आधारमा अनुसन्धान गरिरहेको अञ्चल प्रहरी कार्यालयले जनाएको छ ।</p><p><br></p><p>प्रहरीलाई प्राप्त भएको सीसीटीभी फुटेजमा हराएको भनिएका हबिब जाहिर एउटा पछाडी भिर्ने झोला र अर्को हाते झोलावोकेर विमानस्थल बाहिरसम्म हिंडेर आएको देखिने प्रहरीको भनाइ छ ।</p><p><br></p><p>सिसिटिभिमा देखिए अनुसार ती हराएका व्यक्ति विमानस्थल बाहिर आएलगत्तै एकजना परिचित जस्तै देखिने अर्का व्यक्ति उनलाई लिन एक ब्यक्ति आएको जस्तो देखिन्छ ।</p><p><br></p><p>उनलाई लिन आएको हुनसक्ने ब्यक्ति र विमानस्थलवाट बाहिरिनकालागि प्रयोग गरिएको सवारिसाधन पहिचानकालागि पनि अनुसन्धान अधिकारीहरु खटिएको प्रहरीको भनाइ छ ।</p><p><br></p><p>यद्यपी यसमा नेपाल प्रहरीले कुनैपनि तथ्य पत्ता लगाउन सकेको छैन भने भैरहवा, लुम्बिनी, कपिलवस्तु, नवलपरासीस्थित होटलहरुमा निजको नाममा कुनैपनि कोठा बुक नभएको पाइएपछि उनको अपहरण नै भएको र यो योजनाबद्ध रुपमा भएको देखिएको सुरक्षाअधिकारीहरुले बताएका छन् ।</p><p><br></p><p>नेपालको परराष्ट्र मन्त्रालयमार्फत पाकिस्तान सरकारको औपचारिक अनुरोध प्राप्त गरेलगत्तै खोजी कार्यलाई तीव्रता दिईएपनि हालसम्म कुनै संकेत फेला नपरेको गृहमन्त्रालयका प्रवक्ता बालकृष्ण पन्थीले बताएका छन् ।</p><p><br></p><h3><a href="https://topnepalnews.comnational/7297" target="_blank">पाकिस्तानी पूर्व कर्णेल लुम्बिनीबाट बेपत्ता, भारतीय संलग्नताको आशंका</a></h3>

<div><span style="line-height: 1.42857;">भक्तपुर ।</span><br></div><div>नववर्षको आगमनसँगै सुरु हुने भक्तपुरको प्रसिद्ध सांस्कृतिक एवम् ऐतिहासिक महत्व बोकेको बिस्केट जात्राको पाँचौ दिन आज ५५ हात लामो लिङ्गो &nbsp;ढालिंदैछ ।&nbsp;</div><div><br></div><div>नयाँ वर्ष वैशाख १ गतेका दिन आज दिनभर जात्रा गरी साँझ लिङ्गो ढालिन्छ ।</div><div><br></div><div>हिजो साँझ लिङ्गो उठाउने क्रममा पहिलो लिङ्गो भाँच्चिएर एकजनाको ज्यान गएको थियो भने पाँचजना घाइते भएपछि स्थानीयवासीले राति १० बजे अर्को लिङ्गो उठाएका थिए ।&nbsp;</div><div><br></div><div>स्थानीयका अनुसार लिङ्गो भाँचिनुलाई अपसगुन र अनिष्टको सङ्केतको रुपमा लिने गरिएको छ ।</div><div><br></div><div>नाग र नागिनीको प्रतीकको रूपमा लिइने लिङ्गो ढाल्न साँझ हजारौँ स्थानीयवासी सहभागी हुने गर्दछन् ।&nbsp;</div><div><br></div><div>तान्त्रिक विधिअनुरूप पूजाअर्चना गरी साँझ लिङ्गो ढालिन्छ । लिङ्गको कोखामा नाग र नागिनीको प्रतीकस्वरूप दुइटा ध्वजा बाँधेर अष्टमातृकाका प्रतीक आठ डोरीले तानी आठ कुनामा बसेर लिङ्गो ढालिन्छ ।&nbsp;</div><div><br></div><div>लिङ्गाको कोखामा झुन्ड्याइएका दुई ध्वजालाई वीरध्वजा, विश्वध्वजा &nbsp;र आकाशभैरवका ध्वजासमेत भनिन्छ ।&nbsp;</div><div><br></div><div>लिङ्गो जात्रा हेर्नाले सुख, समृद्घि,सहकाल आउनाका साथै शत्रु नाश हुन्छन् भन्ने धार्मिक मान्यता रहेकाले जात्रालाई शत्रुहन्ता जात्रा पनि भन्ने गरिएको इतिहास तथा संस्कृतिविद् बताउँछन् ।&nbsp;</div><div><br></div><div>लिङ्गो ढाले लगतै खँला टोलमा भैरवनाथ र भद्रकालीको रथलाई एकआपसमा जुधाइने परम्परा रहेको छ ।</div><div>साँझपख दुमाजु देवीको जात्रासमेत गरिन्छ ।&nbsp;</div>

<p><span style="line-height: 1.42857;">काठमाडौं ।</span><br></p><p>नेपाली सेना र चीनको जनमुक्ति सेनाबीच पहिलो पटक आगामी वैशाख ३ देखि १२ गतेसम्म काठमाडौँमा संयुक्त सैन्य अभ्यास हुने भएको छ ।&nbsp;</p><p><br></p><p>विश्वको गम्भीर सुरक्षा चुनौतीका रुपमा देखापरेको आतङ्कवादबाट भविष्यमा आउन सक्ने सम्भावित सुरक्षा चुनौतीलाई ध्यानमा राखी सगरमाथा फ्रेन्डसिप– १७ नाम दिएर दुई देशका सेनाबीच सो तालिम सञ्चालन गरिने नेपाली सेनाले जनाएको छ ।&nbsp;</p><p><br></p><p>छिमेकी तथा अन्य मित्र राष्ट्रको सेनासँग सञ्चालन हुँदै आएका संयुक्त तालिम तथा अभ्यासलाई निरन्तरता दिने क्रममा पहिलो पटक चीनको जनमुक्ति सेनासँग दशदिने तालिम हुने सैनिक जनसम्पर्क निर्देशनालयले आज जनाएको छ ।&nbsp;</p><p><br></p><p>तालिमका क्रममा विपद् व्यवस्थापनलगायत साझा हित र सरोकारका विषयमा पनि छलफल हुने पनि सैनिक जनसम्पर्क निर्देशनालयले जनाएको छ । &nbsp;</p>