<p>नुवाकोट । ट्रिफर र मोटरसाइकल एक–आपसमा ठोक्किदा नुवाकोटको बट्टारमा आज एक जनाको मृत्यु भएको छ । <br>बट्टारबाट गगंटेतर्फ जादै गरेको मोटरसाइकललाई विपरित दिशाबाट आएको ट्रिपरले ठक्कर दिदाँ विदुर नगरपालिका–२ का दिवाकर खनालको मृत्यु भएको जिल्ला प्रहरी कार्यालयका प्रमुख कृष्णबहादुर पल्लिमगरले जानकारी दिनुभयो । प्रहरीको अनु्सार ट्रिफरको ठक्करबाट ना. ३३ प ३४६६ नंं को मोटरसाइकल चालक २३ वर्षका खनालको घटनास्थलमा नै मृत्यु भएको हो । मोटरसाइकलमा सवार मुन्ना गुप्ता सामान्य घाइते भएका छन् । दुर्घटना पश्चात आक्रोशित स्थानीयबासीले मोटरसाइकललाई ठक्कर दिने बा.५ ख २८९८ नं. को ट्रिफरमा आगजनी गरेर क्षति पु-याइदिएका छन् । </p><p><img style="width: 1024px;" src="https://topnepalnews.comuploads/posts/c431bddded07376d3a823496997b2e3b1555041865.jpg"><br></p><p>दोषी चालकलाई कडा कारबाही, पीडित परिवारलाई उचित क्षतिपूर्तिको माग गर्दै स्थानीयबासीले बट्टारबजार–गगंटे सडक खण्ड अबरुद्ध बनाइरहेका छन् । &nbsp;<br>स्थानीयबासीले ट्रिपर धनी रामबाबु जिसी आएर माग सम्बोधन गरेपछि मात्र शव उठाउने भन्दै बिरोध प्रदर्शन गरिरहेका छन् । <br><br>तिव्र गतिमा रहेको ट्रिफरले नियन्त्रण गुमाउदाँ मोटरसाइकललाई ठक्कर दिएको देखिएको प्रहरीले जनाएको छ । ट्रिपरका चालकलाई भागिरहेको अबस्थामा प्रहरीले बट्टार बजारबाट नियन्त्रणमा लिएर कारबाहीको लागी आवश्यक प्रक्रिया अघि बढाएको जनाएको छ । <br><br>नुवाकोटमा बिहीबार&nbsp; विदुरमा माइक्रोबसले ठक्कर दिदाँ एक गम्भीर सहित दुई घाइते भएका थिए । यसैगरी धादिङतर्फको कोल्प्खोला नजिकै मिनीट्रकले ठक्कर दिदा नुवाकोट घर भएका एक बृद्धको ज्यान गएको थियो । <br><br><br><br><br></p>

<p>काठमाडौ । झण्डै साढे ३ किलो सुनसहित तीन जना चिनियाँ नागरिक पक्राउ गरेका छन् ।<br><br>त्रिभुवन विमानस्थल प्रहरी र भन्सार कार्यालयको टोलीले तीन किलो ३०० ग्राम सुनसहित उनीहरुलाई पक्राउ परेको हो । मलद्धारमा सुन लुकाएर ल्याउँदै गर्दा उनीहरु पक्राउ परेका हुन् ।<br>&nbsp;<br></p>

काठमाडौ । विकिलिक्सका सहसंस्थापक जुलिएन एसान्ज लण्डनमा पक्राउ परेका छन् । उनलाई लण्डनस्थित एक्वेडोरिएन राजदूतावासबाट पक्राउ गरिएको हो ।<br><br>लण्डन प्रहरीका अनुसार अदालतमा आत्मसमर्पण गर्न अस्वीकार गरेपछि उनलाई पक्राउ गरिएको हो । <br>उनले अन्तर्राष्ट्रिय संयन्त्र उल्लंघन गरेपछि उनको शरण फिर्ता लिएको एक्वेडोरका राष्ट्रपति लेनिन मोरेनोले जनाएको बीबीसीले जनाएको छ । <br><br>तर, विकिलिक्सले ट्वीट गर्दै इक्वेडोरले गैरकानूनी रुपमा पक्राउ गरेको जनाएको छ । <br><br>उनी सन् २०१२ देखि इक्वेडरमा निर्वासनको जीवन बिताइरहेका थिए । <br>

<p>काठमाडौ । सरकारले पब्जी खेलमा प्रतिबन्ध लगाएको छ । सञ्चार तथा सूचना प्रविधिमन्त्री गोकुल बास्कोटाले पब्जी खेलले आत्महत्याकाे घटना बढेकाे भन्दै प्रतिबन्ध लगाउन निर्देशन दिएका हुन् । पब्जी खेलका कारण विभिन्न घटना भएको भन्दै प्रहरीमा उजुरी परेपछि नेपाल दुरसञ्चार प्राधिकरणले बन्द गर्ने निर्णय गरेको हो।<br><br>नेपाल दुरसञ्चार प्राधिकरणका प्रवक्ता मीनप्रसाद अर्यालले पब्जी खेलमा प्रतिबन्ध लगाएको बताए । पब्जी इन्टरनेटबाट खेलिने भिडियो गेम हाे । यो खेल दक्षिण कोरियाली भिडियो गेम कम्पनी ब्लूहोल मातहतको पब्जी कर्पोरेसनले बनाएकाे हाे ।<br></p>

<p>नुवाकोट । शिवपुरी गाउपालिका वडा १ तलाखुमा डोजरले सडक खनेको हेर्न गएका एक व्यक्तिको सोही समयमा ढलेको रुखले लागेर मृत्यु भएको छ । </p><p>मृत्यु हुनेमा ३७ वर्षका कान्छा तामाङ रहेको प्रहरीले जनाएको छ । बुधबार राती करीब दश बजेको समयमा डोजरले सडक खनेको हेर्न गएको समयमा डोजरले ढालेको रुखले लागेर घाइते भएका तामाङको उपचारको लागी काठमाडौ तर्फ लैजादै गर्दा मृत्यु भएको हो । </p><p>शवलाई शिक्षण अस्पताल महाराजगञ्जमा परीक्षण पश्चात परिवारलाई जिम्मा लगाइएको छ ।<br><br><br></p>

<p>विदुर । नुवाकोटको विदुरबाट आज बिहान त्रिशूलीतर्फ जादै गरेको मोटरसाइकल र त्रिशूलीबाट आउदै गररेको माइक्रोबस एक–आपसमा ठोक्किदा दुई जना घाइते भएका छन् । <br><br>बा.८४ प ९२१४ नं. को मोटरसाइकललाई त्रिशूलीबाट आउदै गरेको बा. १ ज ९३४४ नंं को माइक्रोबसले विदुर स्थित लोकतान्त्रिक चौतारो नजिकै ठक्कर दिदाँ मोटरसाइकल चालक विदुर नगरपालिका–९ का राजकुमार ढकाल र त्यसमा सवार सन्तोष तामाङ गम्भीर घाइते भएको जिल्ला प्रहरी कार्यालयका प्रहरी उपरीक्षक कृष्णबहादुर पल्लिमगरले जानकारी दिनुभयो ।</p><p><img style="width: 720px;" src="https://topnepalnews.comuploads/posts/438778d822db4c14af464877564616461554967542.jpg"></p><p><img style="width: 720px;" src="https://topnepalnews.comuploads/posts/b74cdee54da2c01c0db329d812e58b821554967566.jpg"><br></p><p> उहाँको अनुसार दुर्घटनामा परेका ३४ वर्षका ढकालको अबस्था गम्भीर छ ।</p><p><img style="width: 1024px;" src="https://topnepalnews.comuploads/posts/14338081c02a342c84fccaa593d97a711554966612.jpg"><br></p><p> उहाँको दायाँ खुट्टामा गहिरो चोट लागेको छ । ३३ वर्षका तामाङको दायाँ हात भाचिएको र शरीरको विभिन्न स्थानमा चोट लागेको छ । </p><p><img style="width: 1024px;" src="https://topnepalnews.comuploads/posts/6b3d948303dc994cdaf278b1e67a827d1554966586.jpg"></p><p><img style="width: 1024px;" src="https://topnepalnews.comuploads/posts/09782db8a2340e7c14f24668336d53ed1554966594.jpg"><br><br>उनीहरुलाई जिल्ला स्थित नुवाकोट सिटी अस्पतालमा उपचार हुन नसकेपछि हेलिकोप्टर मार्फत काठमाडौको ग्राण्डी अस्पतालमा पठाइएको छ । </p><p><img style="width: 1024px;" src="https://topnepalnews.comuploads/posts/55732fcbad0896f5d274f74bfc90a2a21554966639.jpg"><br>दुर्घटना पश्चात स्थानीयवासीले माइक्रोबसमा तोडफोड गरेका छन् । चालक फरार भएकाले खोजी भइरहेको प्रहरीले जनाएको छ । प्रहरीको अनुसार ती चालकको सवारी चालक अनुमति पत्र नभएको पाइएको छ । <br><br><br></p>

<p>सिन्धुपाल्चोक । गोर्खा भूकम्पपछि बन्द भएको सिन्धुपाल्चोकको तातोपानी नाकाको सरकारी उच्चस्तरीय टोलीले मंगलबार स्थलगत निरीक्षण गरेको छ । तातोपानी नाका र अरनिको राजमार्ग पुनःसञ्चालनमा ल्याउन निर्माण कार्य धमाधम भइरहेको छ ।<br><br>प्रधानमन्त्री केपी शर्मा ओलीको निर्देशनमा मन्त्रीहरु, प्रधानमन्त्रीका सल्लाहकार, पुनःनिर्माण प्राधिकरणका प्रमुख, सांसदलगायतको टोलीले यो क्षेत्रमा पुगेर नाका सञ्चालनका हालसम्म भैरहेको प्रगतिकाबारेमा जानकारी लिनुभएको हो । <br><br>एक साताअघि भूकम्प प्रभावित १४ जिल्लाका सांसदले प्रधानमन्त्रीसँग भेट्दा तातोपानी नाका सञ्चालनका विषयमा कुरा भएको र सोहीअनुसार&nbsp; निरीक्षण गरिएको सांसद अग्नि सापकोटाले जानकारी दिनुभयो ।<br><br>नाकाको स्थलगत निरीक्षणका लागि परराष्ट्रमन्त्री प्रदीप ज्ञवाली, भौतिक पूर्वाधार तथा यातायातमन्त्री रघुवीर महासेठ, सांसद सापकोटा, प्रधानमन्त्रीका प्रमुख राजनीतिक सल्लाहकार विष्णु रिमाल, परराष्ट्र सल्लाहकार राजन भट्टराई, पुनःनिर्माण प्राधिकरणका प्रमुख सुशील ज्ञवाली र घनश्याम भट्टराई उक्त क्षेत्रमा पुग्नुभएको थियो । <br><br>भूकम्पपछि बन्द रहेको तातोपानी नाका सञ्चालन गर्न चिनियाँ पक्षले सीमा क्षेत्रदेखि बसेरीसम्म र बाह्रबीसेदेखि बसेरीसम्म डिभिजन सडक कार्यालय चरिकोटले सडक निर्माण गरिरहेको सडक कार्यालय दोलखाका प्रमुख धर्मेन्द्र झाले बताउनुभयो । टोलीले निर्माणाधीन सुक्खा बन्दरगाह, मितेरी पुल र एक दर्जनभन्दा बढी स्थानमा बिग्रेभत्केको सडकक्षेत्रको निरीक्षण गरेको थियो । <br><br>सुक्खा बन्दरगाह निर्माण कार्य अन्तिम चरणमा पुगेको चिनियाँ पक्षले जानकारी गराएको थियो । चिनियाँ पक्षले मे ३१ (जेठ १७ गते) नाका सञ्चालनको तयारी गरेको सांसद सापकोटाले जानकारी दिनुभयो । <br><br>“अब नाका सञ्चालन हुने सुनिश्चित भयो, यसमा हामी खुशी छौ”, बाह्रबिसे नगरपालिकाका प्रमुख निमफुञ्जो शेर्पाले बताउनुभयोे ।<br></p>

<p>काठमाडौ । बानेश्वरबाट पूर्वतिरको शान्तिनगर चोक । धेरै पसलका बीचमा एउटा पसल छ । नाम रोजगारी पसल । पसलको नाम लेखिएको बोर्डमा नामभन्दा तल लेखिएको छ – यहाँ काम र कामदार पाइन्छ ।<br><br>पसलभित्र चार/पाँच जना कर्मचारी काम गरिरहेका छन् । अघिल्लो हप्ता रोजगारी पसलमा पुग्दा पसलका बिजनेस म्यानेजर सन्जिव निरौला त्यो दिनका लागि कामदार खोज्दै आएका आवेदन हेर्दै हुनुहुन्थ्यो । शुक्रबार मात्रै पसलमा काठमाण्डौका लागि २० जना कामदार चाहियो भन्दै आवेदन परेको थियो ।</p><p><img style="width: 768px;" src="https://topnepalnews.comuploads/posts/f8858793200d836ac0f170964a5739eb1554907294.jpg"><br><br>‘आजका लागि मात्रै काठमाण्डौमा २०, इटहरीका लागि ३, पोखराका लागि ४ अनि बुटवलबाट २ जना मान्छे चाहियो भनेर माग आएको छ’ कम्प्युटरमा अध्यावधिक भएको विवरण सुनाउँदै निरौलाले भन्नुभयो, ‘आएका मागमध्ये कुकमा बढी छ अनि त्यसपछि धेरै कामदार खोज्ने क्षेत्र सेल्स र मार्केटिङ हो ।’<br><br>यो पसलमा दिनहुँ यसरी नै आफूलाई चाहिने कामदारको माग आउँछ अनि काम खोज्नेहरुका आवेदन पनि । काम खोज्दै आउनेहरुका निवेदनका आधारमा उनीहरुसँग अन्तरवार्ता लिएर काम खोजिदिने काम गर्छ पसलले । <br><br>पछिल्लो ७/८ वर्षमा रोजगारी पसलले झण्डै एक लाख जनालाई काम खोजिदिएको छ । अनि त्यतिकै मात्रामा कामदार खोज्नेहरुको माग पनि पूरा गरिदिएको छ पसलले&nbsp; । <br>अनलाइन हेरेर काम गर्न जाँदा सजिलो<br><br>काठमाण्डौका मिङ्मा दावा शेर्पा एउटा होटलमा कुकको काम गर्नुहुन्छ । उहाँले यो काम गर्न थालेको अढाई वर्ष भयो । त्योभन्दा पहिले पनि मिङ्मा होटल र रेष्टुरेण्टहरुमै काम गर्नुहुन्थ्यो । तर त्यतिबेला न काम गर्ने समय निश्चित थियो, न त्यसबापत पाइने पैसाकै टुङ्गो थियो । <br><br>त्यही भएर उहाँले ६ महिना जति काम छोड्नुभयो । तर काम छोडेपछि उहाँलाई झनै तनाव भयो । त्यतिबेला मिङ्मालाई उहाँका दाइले अनलाइनबाट आवेदन गरेकै आधारमा काम खोजिदिने रोजगारी पसलका बारेमा बताउनुभयो ।<br><br>पसलमा निवेदन दिएपछि तीन ठाउँमा अन्तरवार्ता दिएपछि मिङ्माले कुक हेल्परको जागिर पाउनुभयो । अढाई वर्षपछि उहाँको बढुवा भएको छ । अहिले उहाँ कुक हुनुहुन्छ । <br><br>आफैं काम खोज्दै हिँड्दा काम दिने व्यक्तिले जति भन्यो त्यति समय काम गर्नुपथ्र्यो । अनि आफूले सोचेको जस्तो तलब पनि पाइँदैनथ्यो । यो दुःख मिङ्माले पनि नभोग्नुभएको होइन । तर पसलमा आवेदन दिएर त्यहाँ कामदार खोज्न आएका होटलहरुमध्ये अन्तरवार्ता दिएर काम गर्न थालेको होटलमा यी समस्या छैनन् । </p><p><img style="width: 768px;" src="https://topnepalnews.comuploads/posts/35b52e0faa9bcd06896bde4f44a060e31554907283.jpg"><br><br>काजोल लामाले पनि पसलमार्फत नै काम खोजनुभएको हो । तीन वर्षअघि उहाँ एउटा म्यानपावरमा काम गर्नुहुन्थ्यो । आफैंले काम गर्ने म्यानपावरमा दुबईबाट राम्रो कामको माग आएपछि उहाँ दुबई पुग्नुभयो । दुई वर्षमा कम्पनी बन्द भएपछि नेपाल फर्किएकी काजोल अहिले एउटा कम्पनीमा रिसेप्सनमा काम गर्नुहुन्छ ।<br><br>दुबईबाट फर्किएर काम खोजिरहेकी काजोललाई अनलाइनबाट काम खोजिदिने पसलका बारेमा बहिनीले सुनाइन् । सुरुमा त काजोललाई यो कुरा पत्यार लागेन । तर पसलमा आएर आफ्नो विवरण छोडेको केही समयमा उहाँले जागिर पाउनुभयो ।<br><br>‘मैले अहिलेसम्म अनलाइनबाट कुनै पनि कुरा खोजेको थिइनँ, त्यसमाथि काम नै खोजिदिन्छन् भनेर बहिनीले भन्दा त ठग्ने होला भन्ने जस्तो पनि लागेको थियो ।’ रोजगारी पसलमै भेटिएकी काजोलले भन्नुभयो, ‘तर होइन रहेछ । पसलले आफ्नो क्षमता अनुसारको काम खोजिदिने रहेछ ।’<br></p><p><br><b>भनेका कामदार पाउन समस्या :</b><br><br>काम पाइएन भने काम खोज्न शहर पस्नेको सङ्ख्या ठूलै छ । प्रायः धेरैले कार्यालयको १० देखि ५ बजेको जागिर खोज्छन् । यही कारणले शहरमा घरका काम गर्ने कामदार पाउन गाह्रो छ । कञ्चनपुरको बेलौरीका जनक भट्टलाई केही वर्षअघि एउटा समस्या पर्‍यो । <br><br>उहाँ बसेको कोठाको ढोका बिग्रिएर मर्मत गर्नुपर्ने भयो । ढोका मर्मत गरिदिने मान्छे खोज्न उहाँलाई हप्ता दिनभन्दा धेरै लाग्यो । ढोका बनाउन आएका व्यक्तिले एक घण्टा काम गरेर दुई हजार रुपैयाँ लिएर गए । <br><br>एक त कामदार पाउन भागेको सास्ती अनि अर्कोतिर एक घण्टामा ती व्यक्तिले दुई हजार रुपैयाँ लिएपछि जनकले यस्ता काममा कामदारको अभाव रहेछ भन्ने मात्रै बुझ्नुभएन कमाइ पनि राम्रै हुने रहेछ भन्ने थाहा पाउनुभयो । <br><br>उहाँ कम्प्यूटर इञ्जिनियरको विद्यार्थी । पढाइकै क्रममा जागिर खाँदा उहाँको भेट सिरहाका सुनिल साहसँग भएको थियो । दिल्ली युनिभर्सिटीमा पढेका सुनिल पनि अरुको कम्पनीमा काम गर्नुभन्दा आफ्नै केही गर्न चाहनुहुन्थ्यो । जनक र सुनिलले त्यतिबेलै मिलेर आफ्नै केही गर्ने सोच्नुभएको थियो ।<br><br>जनकले भोगेको कामदार नपाउने समस्यासँग उहाँहरुको सोच मिलेपछि उहाँले घरमा चाहिने विभिन्न कामका लागि कामदार खोजिदिने सोच बनाएर सुरु गर्नुभयो ‘होम सेवा’ । <br><br>होम सेवाले विभिन्न क्षेत्रका कामदार चाहिएका बेलामा उपलब्ध गराउने गर्छ । होम सेवाले अहिले पेन्टर, कम्प्यूटर बनाउने, मेसन, इलेक्ट्रिसियन, प्लम्बर, कार्पेन्टर र ब्यूटिसियन चाहिएमा भनेको ठाउँमा पठाइदिने गरेको छ ।<br><br>‘यो हामीले काम गर्ने मुख्य क्षेत्र भए पनि हामी प्रायः जसले जे कामका लागि कामदार माग गर्छन ती सबै कामका लागि कामदार उपलब्ध गराउँछौं ।’ होम सेवाका सञ्चालकमध्येका एक सुनिल साहले भन्नुभयो । <br><br>तर भनेका कामदार पाउन उहाँहरुलाई पनि त्यति सजिलो छैन । रोजगारी पसलले जस्तै उहाँहरुले पनि अहिले भनेको समयमा भनेको जस्तो कामदार पाउन सकिरहनुभएको छैन । <br><br>युवाहरु काम पाइएन भन्दै देश छोडेर विदेश गइरहेका छन् । वैदेशिक रोजगारीमा जानेमध्ये ७५ प्रतिशतभन्दा धेरै अदक्ष रुपमै विदेश गइरहेका छन् । उनीहरुले विदेशमा काम&nbsp; गरेबापत १५ देखि २५ हजार रुपैयाँ पाउने गरेको विभिन्न सरकारी तथ्याङ्कले देखाउँछ ।<br><br>तर यतिको कमाइ हुने काम नेपालमै धेरै रहेको रोजगारी पसलका बिजनेश म्यानेजर सञ्जिव निरौलाको भोगाइले बताउँछ । उहाँ भन्नुहुन्छ, ‘कामदारको माग हामी कहाँ आइरहन्छ, तर हामीले भनेको जस्तो कामदार नै पाइरहेका छैनौं । हामीलाई आफ्नो ठाउँमा काम गर्न केले छेक्छ छेक्छ ।’ <br><br>उहाँको विचारमा गाउँ समाजमा अझै पनि कामलाई हेर्ने दृष्टिकोण सकारात्मक हुन सकेको छैन । जसका कारणले युवाहरु देशमा काम गर्नभन्दा विदेश नै जान जोड गरिरहेका छन् । <br><b><br><a href="http://ujyaaloonline.com/desh-paradesh/story/18391">यो सामाग्रि पत्रकार मोहन पौडेलले उज्यालो अनलाईनको लागी तयार गर्नुभएको हो ।</a><br></b><br><br></p>