<p>चितवन ।&nbsp; पत्रकार शालिकराम पुडासैनीको आत्महत्या दुरुत्साहन आरोपमा पक्राउ परेर धरौटीमा रिहा भएका टिभी कार्यक्रम प्रस्तोता रवि लामिछानेलाई अदालतले पुडासैनी घटनाबारे कार्यक्रममा बोल्न नपाउने फैसला सुनाएकोे छ। <br><br>रविले आफ्नो कार्यक्रम चलाउन पाउने भए पनि अदालतमा विचाराधीन मुद्दा भएकाले त्यसबारे बोल्न नपाउने भएका हुन्।<br><br>न्युज २४ टेलिभिजनका कार्यक्रम प्रस्तोता रवि लामिछानेसँग जिल्ला अदालत चितवनले ५ लाख धरौटी लिई रिहा गर्न आदेश दिँदै यो प्रकरणबारे बोल्न नपाउने गरी सिधा कुरा जनतासँग कार्यक्रम चलाउन दिने निर्णय गरेको छ। &nbsp;<br><br>जिल्ला अदालत चितवनका न्यायधीश हेमन्त रावलको इजलासले लामिछानेसँग धरौटी माग गरेर छाड्न आदेश दिएको हो। </p><p>उनीसँगै पत्रकार युवराज कँडेललाई ३ लाख र नर्स अस्मिता कार्कीलाई साधारण तारेखको आदेश सुनाइएको छ।&nbsp; सरकारी वकिलको तर्फबाट गोपीलाल देवकोटा, राजकुमार श्रेष्ठ, स्वागत नेपाल लगायत ८ जनाले बहस गरेका थिए भने प्रतिवादीको तर्फबाट सुशील पन्त, सुनीलकुमार पोखरेल, सुभाष पोखरेल र राजु थापाले बहस गरेका थिए।</p><p><b>रवि लामिछाने अदालतको अनुमति बिना विदेश जान नपाउने :</b><br>त्रकार शालिकराम पुडासैनी प्रकरणमा पक्राउ परेका रवि लामिछानेलाई ५ लाख धरौटीमा माग गरेपछि उक्त रकम बुझाएर उनी रिहा भएपछि विदेश यात्रामा भने शर्त तेर्स्याएको छ। <br><br>जिल्ला न्यायाधीश हेमन्त रावलको इजलासले 'सिधा कुरा जनतासँग' कार्यक्रम सञ्चालन गर्दै आएका लामिछानेलाई विदेश जानु अघि जिल्ला अदालतको अनुमति लिनु पर्ने आदेश गरेको छ। <br><br>मुद्दाको फैसला नभएसम्मका लागि लामिछानेमाथि यो शर्त राखिएको हो।<br>ad<br><br>मुलुकी फौजदारी संहिताको दफा १८५ को आत्महत्याका लागि दुरुत्साहन गरेको अभियोगमा रविसहित ३ जना विरूद्ध चितवन जिल्ला अदालतमा मुद्दा दायर भएको थियो। <br><br>पत्रकार शालिकराम पुडासैनीको आत्महत्यामा उक्साएको आरोपमा उनीसहित तीन जना विरुद्ध दायर भएको मुद्दामा मंगलबार थुनछेक आदेश भएको छ।<br><br>मुलुकी अपराध संहिता अनुसार फौजदारी मुद्दा लागेको आरोपी व्यक्ति भएको भन्दै अदातलले रविलाई विदेश जानुअघि अनुमति लिनुपर्ने आदेश गरेको हो। <br><br>जिल्ला अदालतमा मुद्दा विचाराधीन अवस्थामा विदेश आरोपी विदेश जाँदा फरार हुने वा अदालत पुनः उपस्थित हुन नसक्ने सम्भावना हेरेर यस्तो आदेश गरेको हो। <br><br>लामिछानले जिल्ला अदालतमा रहेको मुद्दा बारेस मार्फत लड्न पाउनेछन्। तर वैदेशिक यात्राका लागि भने अग्रिम जानकारी गराएर अदालतबाट स्वीकृत भएमा मात्र जान पाउने छन्। यदि अदालतले अनुमति नदिएमा उनले नेपाल छोड्न पाउने छैनन्।</p>&nbsp;<br>

<p>चितवन । पत्रकार शालिकराम पुडासैनीको आत्महत्या दुरुत्साहन आरोपमा पक्राउ परेका न्युज २४ टेलिभिजनका कार्यक्रम प्रस्तोता रवि लामिछाने नगदै ५ लाख धरौटी लिई रिहा भएका छन्।<br><br>जिल्ला अदालत चितवनका न्यायधीश हेमन्त रावलको इजलासले लामिछानेसँग धरौटी माग गरेर छाड्न आदेश दिएको हो। लामिछानेले नगद ५ लाख बुझाएका हुन्।<br><br>नर्स अस्मिता कार्की साधारण तारेखमा रिहा भएकी छन्। पत्रकार युवराज कँडेल पनि ३ लाख धरौटीमा रिहा हुँदैछन्। सरकारी वकिलको तर्फबाट गोपीलाल देवकोटा, राजकुमार श्रेष्ठ, स्वागत नेपाल लगायत ८ जनाले बहस गरेका थिए भने प्रतिवादीको तर्फबाट सुशील पन्त, सुनीलकुमार पोखरेल, सुभाष पोखरेल र राजु थापाले बहस गरेका थिए।<br><br>जिल्ला सरकारी वकिलको कार्यालय चितवनले मुलुकी फौजदारी संहिताको दफा १८५ अनुसार आत्महत्या गर्न दुरुत्साहन गरेको भन्दै लामिछाने, कँडेल र कार्कीलाई विपक्षी बनाउँदै आत्महत्या दुरुत्साहनको मुद्दा जिल्ला अदालत चितवनमा दायर गरेको थियो।<br><br>मुद्दा दायर गरिएसँगै आरोपीहरुको बयान र थुनछेक बहसपछि अदालतले आज यस्तो फैसला गरेको हो। उनीहरुलाई हदैसम्मको अर्थात् ५ वर्ष कैद र ५० हजार रुपैयाँ जरिवाना हुनुपर्ने माग गर्दै सरकारी वकिल कार्यालयले मुद्दा दायर गरेको थियो। गत साउन २० गते चितवनको एक होटलमा पत्रकार पुडासैनी झुन्डिएको अवस्थामा फेला परेका थिए। <br></p>

<p>चितवन । पत्रकार शालिकराम पुडासैनीको आत्महत्या दुरुत्साहन आरोपमा पक्राउ परेकी नर्स अस्मिता कार्की बिना धरौटी रिहा भएकी छिन्।&nbsp; जिल्ला अदालत चितवनका न्यायधीश हेमन्त रावलको इजलासले कार्कीलाई बिना धरौटीमा छाड्ने आदेश दिएको हो।<br><br>उनलाई सामान्य तारिकमा रिहा हुने आदेश दिएको हो। उनी शालिकरामकी प्रेमिका हुन्। <br>न्युज २४ टेलिभिजनका कार्यक्रम प्रस्तोता रवि लामिछानेसँग ५ लाख, पत्रकार युवराज कँडेलसँग भने ३ लाख धरौटीमा माग गरिएको छ।<br><br>जिल्ला सरकारी वकिलको कार्यालय चितवनले मुलुकी फौजदारी संहिताको दफा १८५ अनुसार आत्महत्या गर्न दुरुत्साहन गरेको भन्दै लामिछाने, कँडेल र कार्कीलाई विपक्षी बनाउँदै आत्महत्या दुरुत्साहनको मुद्दा जिल्ला अदालत चितवनमा दायर गरेको थियो।<br><br>मुद्दा दायर गरिएसँगै आरोपीहरुको बयान र थुनछेक बहसपछि अदालतले आज यस्तो फैसला गरेको हो। <br><br>गत साउन २० गते चितवनको एक होटलमा पत्रकार पुडासैनी झुन्डिएको अवस्थामा फेला परेका थिए। उनले मर्नुअघि आफ्नो मोबाइलमा एक भिडियो बनाउँदै आत्महत्याको अवस्थासम्म र्पुयाउनुमा टिभी कार्यक्रम प्रस्तोता लामिछाने, पत्रकार कँडेल र नर्स कार्की जिम्मेवार रहेको बताएका थिए।<br></p>

<p>चितवन । त्रकार शालिकराम पुडासैनीको आत्महत्या दुरुत्साहन आरोपमा पक्राउ परेका न्युज २४ टेलिभिजनका कार्यक्रम प्रस्तोता रवि लामिछानेसँग जिल्ला अदालत चितवनले ५ लाख धरौटी लिई रिहा गर्न आदेश दिएको छ।<br><br>जिल्ला अदालत चितवनका न्यायधीश हेमन्त रावलको इजलासले लामिछानेसँग धरौटी माग गरेर छाड्न आदेश दिएको हो।<br><br>उनीसँगै पत्रकार युवराज कँडेललाई ३ लाख र नर्स अस्मिता कार्कीलाई साधारण तारेखको आदेश सुनाइएको छ। <br><br>जिल्ला सरकारी वकिलको कार्यालय चितवनले मुलुकी फौजदारी संहिताको दफा १८५ अनुसार आत्महत्या गर्न दुरुत्साहन गरेको भन्दै लामिछाने, कँडेल र कार्कीलाई विपक्षी बनाउँदै आत्महत्या दुरुत्साहनको मुद्दा जिल्ला अदालत चितवनमा दायर गरेको थियो।<br><br>मुद्दा दायर गरिएसँगै आरोपीहरुको बयान र थुनछेक बहसपछि अदालतले आज यस्तो फैसला गरेको हो। <br><br>उनीहरुलाई हदैसम्मको अर्थात् ५ वर्ष कैद र ५० हजार रुपैयाँ जरिवाना हुनुपर्ने माग गर्दै सरकारी वकिल कार्यालयले मुद्दा दायर गरेको थियो। <br><br>गत साउन २० गते चितवनको एक होटलमा पत्रकार पुडासैनी झुन्डिएको अवस्थामा फेला परेका थिए।<br><br>उनले मर्नुअघि आफ्नो मोबाइलमा एक भिडियो बनाउँदै आत्महत्याको अवस्थासम्म पुर्‍याउनुमा टिभी कार्यक्रम प्रस्तोता लामिछाने, पत्रकार कँडेल र नर्स कार्की जिम्मेवार रहेको बताएका थिए। सोही आधारमा प्रहरीले उनीहरुलाई पक्राउ गरेर अनुसन्धान सुरु गरेको थियो।<br><br>उनीहरु तीनै जना साउन ३० गते पक्राउ परेका थिए। जिल्ला प्रहरी कार्यालयले अनुसन्धानका लागि दुई पटक गरी अदालतबाट ५र५ दिनको म्याद पाएको थियो।<br><br>रविका समर्थकहरुले उनको रिहाइको माग गर्दै सुरुदेखि नै प्रदर्शन जारी राखेका थिए। उनीहरुको प्रदर्शन उग्र हुन जिल्ला प्रशासन कार्यालय चितवनले आज बिहान ६ बजेदेखि लागू हुने गरी निषेधित क्षेत्र तोकेको छ।<br></p>

<p>चितवन । पत्रकार शालिकराम पुडासैनीको आत्महत्या दुरुत्साहनको आरोपमा पक्राउ परेका टेलिभिजन कार्यक्रम प्रस्तोता रवि लामिछाने, पत्रकार युवराज कँडेल र नर्स अस्मिता कार्कीको बैंक खाता खोज्न भन्दै प्रहरीले राष्ट्र बैंकलाई परिपत्र गरेको छ । <br><br>आत्महत्या गर्नुअघि पुडासैनीले बनाएको भिडियोमा अकुत सम्पत्ति कमाएको भन्ने आरोप लागेपछि प्रहरीले तीनै जनाको बैंक स्टेटमेन्ट माग गरेको हो। अनुसन्धानका लागि प्रहरीको केन्द्रीय अनुसन्धान ब्युरो सिआइबीबाट गएको एसपी दीपक रेग्मीको टोलीले जिल्ला प्रहरी कार्यालय चितवनमार्फत बैंक खाता विवरण माग गर्दै राष्ट्र बैंकलाई पत्र लेखेको हो। &nbsp;<br><br>यसबारे जानकारी दिँदै एसपी रेग्मीले भने, 'हामीले आरोपीहरु तीनै जनाको बैंक स्टेटमेन्ट माग्दै राष्ट्र बैंकलाई पत्र लेखेका छौं। अहिलेसम्म स्टेटमेन्ट आइसकेको छैन।’ <br>आत्महत्या गर्नुअघि पुडासैनीले विभिन्न व्यापारीहरुबाट रविले मोटो रकम उठाउने गरेको आरोप लगाएका थिए। <br><br>गत साउन २० गते चितवनको एक होटलमा पत्रकार पुडासैनी झुन्डिएको अवस्थामा फेला परेका थिए। उनले मर्नुअघि आफ्नो मोबाइलमा एक भिडियो बनाउँदै आत्महत्या गर्नुको कारण टिभी कार्यक्रम प्रस्तोता लामिछाने, पत्रकार कँडेल र नर्स कार्की मुख्य रहेको बताएका थिए।<br><br>सोही भिडियोको आधारमा प्रहरीले उनीहरुलाई पक्राउ गरेर अनुसन्धान सुरु गरेको हो। तीनै जना हाल जिल्ला प्रहरी कार्यालयको हिरासतमा छन्।<br><br><br></p>

<p>काठमाडौ । सरकारले संसद्मा दर्ता गरेको ‘राष्ट्रिय परिचयपत्र तथा पञ्जीकरणको सम्बन्धमा व्यवस्था गर्न बनेको विधेयक’माथि राज्य व्यवस्था तथा सुशासन समितिले सहमतिको प्रतिवेदन तयार गरेको छ । संघीय संसद् सचिवालयले तयार गरेको सम्भावित कार्यसूचीमा यो विधेयक सोमबारको प्रतिनिधिसभामा पारित हुने क्रममा छ ।&nbsp; </p><p><br>राष्ट्रिय परिचयपत्र भइसकेपछि अन्य कागजात खासै आवश्यक नपर्ने विधेयकमा उल्लेख छ । हरेक नागरिकले सार्वजनिक सेवा प्राप्ति गर्दा परिचयपत्र मुख्य आधार बन्ने गरी विधेयक प्रतिनिधिसभाबाट पारित हुन लागेको हो । प्रतिनिधिसभाबाट विधेयक पारित भएपछि राष्ट्रिय सभामा जानेछ । राष्ट्रिय सभाबाट पनि यही विधेयक हुबहु पारित भए कार्यान्वयनमा आउनेछ । <br><br>कुनै प्रयोजनका लागि जारी भएका परिचयपत्र वा प्रमाणपत्रमा समावेश हुने विवरण राष्ट्रिय परिचय व्यवस्थापन सूचना प्रणालीमा समावेश भइसकेपछि अन्य कागजात आवश्यक पर्दैन । राष्ट्रिय परिचयपत्रमा नाम, थर, जन्ममिति, लिंग, राष्ट्रियता, परिचय नम्बर, फोटो, परिचयपत्र जारी मिति र जारी गर्ने अधिकारी, स्थायी ठेगाना, नागरिकताको किसिम र नागरिकता नम्बर देखिने गरी उल्लेख गरिनेछ । <br><br><b>&nbsp;विदेशी र गैरआवासीय नेपालीलाई छुट्टै परिचयपत्र</b><br>गैरआवासीय नेपाली तथा विदेशीलाई भने अस्थायी परिचयपत्र जारी हुने गरी विधेयकमा सहमति जुटेको छ । नेपाल भ्रमणकै लागि केही दिनलाई मात्रै आउने विदेशीलाई भने परिचयपत्र उपलब्ध गराइनेछैन । ‘तोकिएको अवधिभन्दा बढी बसोवास गर्ने विदेशीलाई तोकिएको दस्तुर लिने’ विधेयकमा व्यवस्था छ ।<br></p>

<p>विदुर । राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञवालीले ऐतिहासिक सम्पदालाई बिझाउने गरी निजी आवास पुनःनिर्माण हुन दिन नहुने बताउनुभएको छ । साततले दरबार र वरपरको सम्पदा तथा निजी आवासको पुनःनिर्माणको अवलोकनपछि आइतबार आयोजित छलफल कार्यक्रममा उहाँले सम्पदा बस्ती निर्माण गर्ने भनिए पनि आधारभूत मान्यताको पालना नभएको बताउनुभयो ।<br><br>“सम्पदा बस्ती भनिएको छ तर, छेवैमा रहेको ऐतिहासिक सम्पदालाई बिझाउने गरी निजी आवास पुनःनिर्माण गरिएको छ”, उहाँले भन्नुभयो, “यसलाई नगरपालिकाले कडाइका साथ पालना गराउनुपर्छ, पुरातत्व विभागले सम्पदा बस्तीको लागि मापदण्ड तोकेको छ, सम्पदा बस्ती निर्माण गर्ने हो भने त्यो मापदण्ड पूरा गर्नुपर्छ ।”<br><br>जिल्लामा सम्पदा बस्ती निर्माण गर्ने भनेर काम थालिए पनि केही भूकम्प पीडितले आफू खुशी घर बनाएका छन् । यसतर्फ ज्ञवालीले असन्तुष्टि जनाउँदै भन्नुभयो “विश्व सम्पदा क्षेत्रमा पार्नुपर्छ भन्ने तर, हामीले हाम्रा सम्पदा र सम्पदा वरपरका बस्तीको स्वरुप बिगार्ने, अनि कसरी पर्छ ? विश्व सम्पदा सूचीमा ।”<br><br>प्रमुख कार्यकारी अधिकृत ज्ञवालीले चीन सरकारको सहयोगमा पुनःनिर्माण शुरु भएको नुवाकोट दरबार क्षेत्रको पुनःनिर्माणको काम चाँडै सम्पन्न हुने आशा व्यक्त गर्नुभयो । उहाँले भन्नुभयो, “दरबार पुनःनिर्माण शुरु भएको छ, आशा गरौँ चाँडै पूरा हुनेछ, नुवाकोटको सांस्कृतिक, धार्मिक, ऐतिहासिक पक्षलाई प्रवद्र्धन गर्नको लागि गुरु योजना निर्माण गर्ने काम अन्तिम चरणमा रहेकाले वृहत्तर विकास हुनेछ ।”<br><br>कार्यक्रममा पूर्वपरराष्टमन्त्री तथा नेपाल कम्युनिष्ट पार्टी(नेकपा)का जिल्ला ईन्चार्ज महेन्द्रबहादुर पाण्डेले नुवाकोट दरबार क्षेत्रसँगै जोडिएका जिल्लाका अन्य सम्पदाको पुनःनिर्माण गर्नु पर्ने बताउनुभयो । उहाँले भूकम्पभन्दा अघि भत्किएका सम्पदाको पनि उत्खनन् गरी पुनःनिर्माण गर्न सकेमात्र सम्पदाको असली संरक्षण हुने बताउनुभयो । “साततले दरबार क्षेत्रमा रहेको रणबहादुर शाहको दरबार भनिने सेतो दरबार उहिल्यै भत्कियो, त्यसको नक्सा छ भन्ने सुनेको छु, यहाँका चार ढोका पनि सङ्कटमा परेका छन्, यसको पनि पुनःनिर्माण र संरक्षण खाँचो छ”, उहाँले भन्नुभयो ।</p><p><br>जिल्ला समन्वय समितिका प्रमुख सन्तमान तामाङले परम्परागत घर, बस्ती लोप हुँदै गएका बताउनुभयो । उहाँले भूकम्पको कारण सिमेन्ट र रड प्रयोग गरेका घरमात्र बलियो हुन्छ भन्ने सोचाइका कारण परम्परागत घर सकिएका बताउनुभयो । उहाँले सरकारले पनि यस्ता घरको संरक्षणका कार्यक्रम ल्याउन नसकेको गुनासो गर्नुभयो । विदुर नगरपालिकाका प्रमुख सन्जु पण्डितले नगरपालिकाले सम्पदा बस्तीको मापदण्डअनुसारका निजी आवास निर्माण गराउनको लागि पहल गरिरहेको बताउनुभयो ।</p><p><br><img style="width: 1024px;" src="https://topnepalnews.comuploads/posts/9f3331a90ef9df68290756bae6d52dc81566785526.jpg"></p><p>जिल्ला समन्वय समितिका प्रमुख सन्तमान तामाङले परम्परागत घर, बस्ती लोप
हुँदै गएका बताउनुभयो । उहाँले भूकम्पको कारण सिमेन्ट र रड प्रयोग गरेका
घरमात्र बलियो हुन्छ भन्ने सोचाइका कारण परम्परागत घर सकिएका बताउनुभयो ।
उहाँले सरकारले पनि यस्ता घरको संरक्षणका कार्यक्रम ल्याउन नसकेको गुनासो
गर्नुभयो । विदुर नगरपालिकाका प्रमुख सन्जु पण्डितले नगरपालिकाले सम्पदा
बस्तीको मापदण्डअनुसारका निजी आवास निर्माण गराउनको लागि पहल गरिरहेको
बताउनुभयो ।</p><p><img style="width: 1024px;" src="https://topnepalnews.comuploads/posts/4e117608b9a1ab247aeb1623946d92ed1566785603.jpg"><br></p>

<p>चितवन ।&nbsp; पत्रकार शालिकराम पुडासैनी आत्महत्या प्रकरणमा पक्राउ परेका रवि लामिछानेको समर्थनमा विरोध प्रदर्शन बढ्दै गएपछि चितवनको भरतपुर महानगरपालिकाका विभिन्न ठाउँमा निषेधाज्ञा लगाइएको छ ।<br><br>जिल्ला प्रशासन कार्यालयले विज्ञप्ति निकालेर सोमबार बिहान ६ बजेदेखि अर्को आदेश जारी नभएसम्म निषेधाज्ञा लगाएको हो । प्रशासनले हुलदंगा वा अशान्ति गर्ने उद्देश्यले एकै ठाउँमा ५ जनाभन्दा धेरै मानिस जम्मा हुन नपाउने गरी निषेधाज्ञा लगाइएको जनाएको छ । <br><br>भरतपुर महानगरपालिका वडा नम्बर १० मा रहेको मुद्दाको अनुसन्धान अभियोजन&nbsp; र न्यायिक निरुपण गर्ने निकाय रहेका क्षेत्रमा हुलदंगा र अशान्ति हुनसक्ने देखिएकाले स्थानीय प्रशासन ऐन २०२८ को दफा ६ को ३ क बमोजिम निषेधाज्ञा लगाइको विज्ञप्तिमा उल्लेख गरिएको छ । </p><p>यसरी निषेधाज्ञा लगाइनुको कारण आज हुने थुनछेक बहश पछि रवी तत्कालको लागी कारागार चलान हुने संकेतको रुपमा पनि लिइएको छ । यसअघि हुदै आएका उश्रृङ्खल प्रदर्शनको क्रमममा समेत संयमता अपनानएको प्रशासने आज सुरक्षा व्यवस्था कडाई गर्न खोज्नुको आशय त्यस्तै देखिएको हो । <br><br></p><p><br></p><p><img style="width: 529px;" src="https://topnepalnews.comuploads/posts/6e6ebab1b730e93ce0189acdf774c2cf1566785112.jpg"><br><br><b>निषेधाज्ञा लगाइएका क्षेत्रहरु</b><br><br><b>पूर्व :&nbsp;</b> बाइपास सडकतर्फको आन्तरिक राजस्व चोकदेखि घरेलु कार्यालय चोकसम्म ।<br><br><b>पश्चिम </b>: पूर्वपश्चिम लोकमार्गतर्फको सप्तगण्डकी अस्पताल चोकदेखि चौबीस कोठीसम्म।<br><br><b>उत्तर :</b> बाइपास सडकतर्फको आन्तरिक राजस्व कार्यालयको चोकदेखि भरतपुर अस्पताल पुरानो मेडिकल कलेज जाने चोक ।नारायणी मावि चोककृषि ज्ञान केन्द्र हुँदै पूर्वपश्चिम राजमार्गको चौबीसकोठी चोकसम्म ।<br><br><b>दक्षिण : </b>बाइपास सडकतर्फको घरेलु कार्यालयको चोकदेखि दूरसञ्चार चोक हुँदै पूर्वपश्चिम लोकमार्गको सप्तगण्डकी अस्पताल चोकसम्म ।</p>

<p>चितवन । पत्रकार शालिकराम पुडासैनी मत्यु प्रकरणका आरोपीको बयान भोलिसम्मका लागि लम्बिएको छ। जिल्ला अदालतका श्रेष्तेदार रुद्रमणि गिरीका अनुसार आइतबार पुडासैनीकी प्रेमिका भनिएकी अस्मिता कार्की रुकुको बयान सकिएको छ। बाँकी २ जना रवि लामिछाने र युवराज कँडेलको बयान भोलि बिहान १० बजेपछि लिइने छ। </p><p>अदातलका मुख्य न्यायधिस हेमन्त रावलको इजलासमा लिखित बयान लिइएको हो। उनीहरूलाई आइतबार प्रहरी हिरासतमानै राखिने छ। सरकारी वकिलको कार्यालयले आत्महत्या दुरुत्साहनसम्बन्धी अभियोगपत्र आइतबार चितवन जिल्ला अदातलमा दर्ता गराएपछि बयान लिन सुरु भएको थियो। प्रहरीले आइतबार बिहान १० बजेपछि सरकारी वकिलको कार्यालयमा अनुसन्धान प्रतिवेदन मिसिलसहित पेस गरेको थियो। एउटै इजलासमा पालैपालो बयान लिइने भएकाले बयान लम्बिएको हो।</p><p> बयान सकिएपछि भोलि बहस हुनेछ। बहसपछि मात्रै रिहा गर्ने वा कारागार चलान गर्ने आदेश अदालतले दिनेछ। मृत्यु प्रकरणका आरोपी रवि, युवराज र अस्मितालाई गएको साउन ३० गते काठमाडौंबाट पक्राउ गरी चितवन ल्याई प्रहरी हिरासतमा राखिएको छ। पत्रकार पुडासैनी साउन २० गते नारायणगढस्थित पोखरा बसपार्कमा रहेको होटल कंगारुको कोठाभित्र झुण्डिएको अवस्थामा मृत फेला परेका थिए।<br></p>

<p>काठमाडौ । प्रदेश नम्बर ३ ले गत आर्थिक वर्ष २०७५-०७६ मा नमुना परियोजनाको रूपमा ‘एक विद्यालय एक नर्स’ कार्यक्रम सञ्चालनमा ल्यायो । सरकारले यो कार्यक्रम प्रभावकारी भएकाले चालू आव २०७६-०७७ मा प्रदेशका सबै स्थानीय तहका कम्तिमा १-१ वटा विद्यालयमा सञ्चालन गर्ने तयारी थालेको छ । <br>सामाजिक विकास मन्त्रालयले गत आवमा २० वटा विद्यालयमा नर्सको सेवा सुरु गरेको थियो । कार्यक्रम प्रभावकारी भएको भन्दै सरकारले चालू आव २०७६-०७७ मा प्रदेशका सबै १ सय १९ वटा स्थानीय तहका एक-एक विद्यालयमा लागू गर्ने तयारी थालेको छ । यसको लागि मन्त्रालयले एक विद्यालय एक नर्स कार्यक्रम सञ्चालन कार्यविधि बनाएर विद्यालय छनौट तथा नर्स छनौट गर्दैछ । </p><p>कार्यक्रमको लागि चालू आवमा ६ करोड ६५ लाख रुपैयाँ खर्च गरिँदै छ ।<br>सामुदायिक विद्यालयका विद्यार्थीले विद्यालयमै सामान्य किसिमका स्वास्थ्य सेवा तथा स्वास्थ्यबारे ज्ञान दिने उद्देश्यले एक विद्यालय एक नर्स लागू गरिएको प्रदेशका सामाजिक विकास मन्त्री युवराज दुलाल बताउँछन् । उनले नमुना कार्यक्रम प्रभावकारी देखिएकाले चालू आवमा १ सय १९ वटा विद्यालयमा कार्यक्रम विस्तार गर्न लागिएको बताए ।<br>“यसको लागि स्थानीय तहसँग समन्वय गरिनेछ,” उनले भने, “सरकारले क्रमशः प्रदेशभित्रका सबै सामुदायिक विद्यालयमा नर्स सेवा विस्तार गर्दै लैजान्छ ।” चालू आवको लागि विद्यालय छनौट गरी नर्स पठाउने तयारी भइरहेको मन्त्रालयकी पब्लिक हेल्थ नर्स मिलन घिमिरेले बताइन् । उनका अनुसार नर्सका लागि प्रत्येक विद्यालयले दुईवटा कोठाको व्यवस्था गरिएको छ र नर्सहरुलाई आवश्यक ल्यापटप, उपचारका सामग्री तथा विभिन्न औषधि समेत उपलब्ध गराइएको छ ।<br><b><br>नमुना परियोजना लागू भएका जिल्ला र विद्यालय</b><br>सिन्धुपाल्चोक– कृष्णरत्न मावि, भीमेश्वर मावि<br>सिन्धुली– जनज्योति मावि <br>&nbsp;रसुवा– कालिका हिमालयन मावि<br>रामेछाप– मन्थली मावि<br>&nbsp;नुवाकोट– विन्दुकेशर मावि र त्रिभुवन मावि<br>मकवानपुर– महेन्द्र मावि, आधुनिक मावि<br>&nbsp;ललितपुर– आदर्शसोल मावि, त्रिपद्मा विद्याश्रम मावि<br>काभ्रेपलाञ्चोक –पार्वती मावि <br>काठमाडौं– जनसेवा मावि (पाङ्गा), पद्मकन्या मावि<br>दोलखा– हनुमन्तेश्वर मावि<br>चितवन– नारायणी मावि , दुर्गाशेषकान्त अधिकारी मावि <br>धादिङ– निलकण्ठ मावि , चन्द्रोदय मावि<br>भक्तपुर– बागेश्वरी मावि<br><br><b>के छ उद्देश्य ?</b><br>बालबालिकाहरूले प्रभाकारी स्वास्थ्य सेवा पाउन नसक्दा विद्यालयमा हुने खानपान र सरसफाईका कारण बिरामी भैरहने तथा किशोर अवस्थाका छात्राहरू महिनावारी हुँदा विद्यालय नआउने समस्या बढ्दै गएकाले प्रदेश सरकारले एक विद्यालय एक नर्स कार्यक्रम लागू गरेको हो । विद्यालयमा प्रबर्धनात्मक, प्रतिकारात्मक उपचारात्मक स्वास्थ्य सेवा दिने, विद्यार्थीहरूलाई पोषिलो खाना तथा सरसफाईबारे सचेत गराउने र पत्रु खाद्य (जंकफुड) को निरुत्साहित गरी पोषणको अवस्थामा सुधार ल्याउने, यौन तथा प्रजनन् मानसिक, मुख, दात एवं अाँखाको स्वास्थ्य जस्ता विषयमा परामर्श तथा स्वास्थ्य परीक्षण गरी विद्यार्थीहरूको स्वास्थ्य सुधारमा सहायोग गर्ने उद्देश्य छ । विद्यार्थीमार्फत् परिवार एवं समुदायलाई स्वस्थ बनाउन सचेतना जगाउने तथा स्वस्थ जीवन शैली अपनाउन प्रोत्साहन गर्ने, सर्ने तथा नसर्ने रोगहरूको रोकथामका लागि विद्यार्थीहरूको सहभागितामा चेतनामूलक कार्यक्रमहरू सञ्चालन गर्ने र विद्यालय स्वास्थ्यसँग सम्बन्धित अन्य कृयाकलापहरू गर्ने उद्देश्य छ ।<br><b><br>सामान्य बिरामी हुँदा अस्पताल लैजानु नपर्ने</b><br>रामेछापको मन्थली माविमा गत आर्थिक वर्षदेखि लागू भएको एक विद्यालय एक नर्स कार्यक्रम प्रभावकारी बन्दै गएको छ । कार्यक्रम सञ्चालन भएसँगै चालू शैक्षिक सत्रदेखि विद्यार्थीको संख्या बढेको र विद्यार्थी सामान्य बिरामी भएर अस्पताल लैजानुपर्ने समस्या टरेको शिक्षकहरूले बताएका छन् । यो कार्यक्रम लागु भएपछि कुनै बालबालिकालाई सामान्य चोटपटक लाग्यो भने नजिकैको अस्पतालमा लैजानु पर्ने र महिनावारी भएका किशोरीहरू ४-५ दिनसम्म विद्यालय नआउने समस्या हटेको विद्यालयका प्राचार्य टंक प्रसाद दाहाल बताउँछन् ।<br>विद्यालय व्यवस्थापन समितिका अध्यक्ष जगदिश प्रसाद सुवेदीले यो कार्यक्रम लागू भएपछि विद्यालयमा विद्यार्थीको संख्या वृद्धि भएको, विद्यार्थीहरूले सहजै रुपमा स्वास्थ्य सेवा पाउने गरेको र विद्यार्थीहरूको खानपानमा सुधार आउनुका साथै दैनिक सरसफाइमा ध्यान दिने गरेको बताए ।<br><br><b>विद्यालयमा अस्पताल</b><br>नीलकण्ठ माध्यमिक विद्यालयमा २०७५ साल माघ ७ गतेबाट अस्पताल सञ्चालनमा आएको छ । त्यो अस्पतालमा विद्या श्रेष्ठ सेवा दिन आइपुगेकी छन् । एक विद्यालय एक नर्स कार्यक्रमलाई व्यवस्थित गर्न नगरपालिकामा विद्यालय समन्वय समिति र विद्यालयमा स्वास्थ्य ईकाइ गठन गरिएको छ । ती समितिहरू पूर्ण चलायमान नभएपनि कार्यक्रमको गति द्रुत छ । कार्यक्रमलाई विद्यालय व्यवस्थापन समितिले सहजिकरण गर्दै आएको छ । विद्यालय स्वास्थ्य इकाई गठन गर्दा कक्षा ८ र ९ का १० जना विद्यार्थी समितिमा राखिएको छ ।<br>एक विद्यालय एक नर्स कार्यक्रम भएपछि पाँच कक्षासम्मका विद्यार्थीहरूले घरबाट खाजा ल्याउन थालेका विद्यालयका प्रअले बताए । विद्यार्थी संख्याको अनुपातमा बेड, नर्स र कोठाको संख्या भने कम भएको उनको भनाइ छ ।<br><br><b>विद्यार्थीमा देखियो परिवर्तन</b><br>केही समय अघिसम्म सामान्य बिरामी हुँदा विद्यालय नआउने विद्यार्थीहरू विद्यालय नर्सको व्यवस्था भएपछि विद्यालय आउन थालेका छन् । </p><p>सामान्यदेखि प्राथमिक उपचार विद्यालयमा नै हुने व्यवस्था भएपछि विद्यार्थीको अनुपस्थित घटेको छ । प्रदेश सरकार मार्फत ‘एक विद्यालय एक नर्स) कार्यक्र शुरु भएपछि काभ्रेको बेथानचोक गाउँपालिकामा रहेको पार्वती माध्गमिक विद्यालयमा शतप्रतिशत नै विद्यार्थी टिकेको प्रधानाध्यापक गोविन्द शर्माले जानकारी दिए ।<br>कार्यक्रम सञ्चालन भएपछि विद्यार्थीको व्यक्तिगत सरसफाई, स्वास्थ्य अवस्था व्यवस्थित गर्न सहयोग पुगेको, वातावरणीय सरसफाई भएको, जंकफुड निषेध, शौचालय गएपछि सावुनपानीले हात धुने बानी, महिनावारी भएका छात्राहरूको स्वस्थ्य हेरचाह, वानी व्यवहारमा परिवर्तन, किशोरअवस्थाका परिवर्तन, तनावका कुरामा समेत सहयोग पुगेको विद्यालयले जनाएको छ ।</p><p><br>अभिभावकलाई समेत पोषणको महत्वका कुरा, जंकफुडका असर बारे जानकारी गराइने गरेको विद्यालय नर्स सिर्जना तिमल्सिनाले जानकारी दिइन् । अहिले विद्यालयमा जंक फुडको सट्टामा अभिभावकले घरवाटै खाजा बनाएर पठाउन थालेका छन् । विद्यालयमा ३ वटा बेडसहितको स्वास्थ्य केन्द्र स्थापना भएको छ । औषधीको व्यवस्था छ ।<br></p>