<p><span style="line-height: 1.42857143;">काठमाडौं, असार १ । &nbsp;ललित स्मृति यू-१८ &nbsp;फुटबल प्रतियोगितामा संकट क्लव र नेपाल पुलिस क्लव विजयी भएका छन् । एन्फा कम्लेक्स सातदोबाटोमा भएको पहिलो खेलमा संकटासँग थ्री स्टार क्लव ३-२ ले पराजित भयो भने एलन थापाको ह्याट्रिकको मद्दतमा नेपाल पुलिस क्लवले सरस्वती क्लवाई ५–३ को अन्तरले हरायो । खेलमा दुई पटक पछाडि परेर पनि बराबरी गरेको थ्री स्टार अन्तिम समयको पेनाल्टीले पराजित भयो । १८ औं मिनेटमा दिपेन्द्र केसीले गरेको गोलको मद्दतमा संकटले पहिलो अग्रता लियो । तर ९ मिनेटपछि अर्जुन सिंहले थ्री स्टारका तर्फबाट बराबरी गोल फर्काए ।</span><br></p><p><br></p><p>३७ औं मिनेटमा संकटाका कप्तान सञ्जोक राईले डी बक्स बाहिरबाट गरेको शक्तिशाली प्रहारलाई थ्री स्टारका गोलकिपरले बचाउन सकेनन् र थ्री स्टार दोश्रो पटक पछि पर्यो । तर पनि ७८ औं मिनेटमा आदित्या शाक्यले गोल गर्दै खेल बराबरी गरेका थिए । तर ८८ औं मिनेटमा कमल थापाले डी बक्समा ह्याण्ड गरेपछि संकटाले पेनाल्टी पायो । त्यो पेनाल्टीलाई गोल गर्दै सुमन डंगेलले संकटालाई जिताए &nbsp;।</p><p>बुधबारकै अर्को खेलमा पुलिसका लागि थापाले ह्याट्रिक पुरा गरे भने अलन थापा र राजन गुरुङले एक एक गोल थपे । सरस्वतिका लागि ओमप्रकाश सिंहले २ तथा मिङमा शेर्पाले गोल गरे ।&nbsp;</p><p><br></p><p>एक वर्षअघि करेन्ट लागेर ज्यान गुमाएका आफ्ना तत्कालिन कार्यवाहक अध्यक्ष ललितकृष्ण श्रेष्ठको स्मृतिमा एन्फाले यो प्रतियोगिता आयोजना गरेको हो । प्रतियोगिताको विजेता टिमले नगद ३ लाख रुपैयाँ पुरस्कार पाउने छ ।</p>

<p><span style="line-height: 1.42857143;">एजेन्सी,असार १ । घरेलु टोली जिम्बाब्बे &nbsp;भारतसँग लगातार पराजित भएको छ । बुधबार सम्पन्न तेस्रो एकदिवसिय क्रिकेटमा भारतले जिम्बाब्बेलाई १० विकेटले हराँउदै गर्दै सिरिज ३-० ले कब्जा गरेको छ । यस अघि शनिबार र सोमबार सम्पन्न खेलहरुमा पनि जिम्बाब्बे भारत सँग पराजित भएको थियो।&nbsp;</span><br></p><p><br></p><p>टस जितेर सुरुमा ब्याटिङ्ग गरेको जिम्बाब्बेले ५० ओभरको खेलमा ४२ दशमलव २ ओभरमा न‌ै आफ्नो सम्पुर्ण विकेट गुमाउद‌ै मात्र एक सय २३ रन बनाउन सक्यो, जिम्बाब्बेका भुसिमुझी सिबान्दाले ३८ रन बनाउनु बाहेक अरु ब्याट्मेन क्रिज टिक्न &nbsp;नसक्दा जिम्बाब्बे सस्तैमा समेटीन पुगेको हो । भारतका जस्प्रित भुम्रहाले ४ विकेट युजभेन्द्र चाहालले २ विकेट, धवल कुल्क्रनी र अक्षर पट्टेलले &nbsp;१-१ विकेट हात पारे।</p><p><br></p><p>एक सय २४ रनको सामान्य लक्ष्य सहित मैदानमा उत्रिएको भारतले २१ दशमलव ५ ओभरमा बिना विकेट लक्ष्य भेटायो भारतका लागी लोकेश राहुलले ६३ रनको अर्धसतकिय पारी खेले भने फौज फजलले नटआउट ५३ रन बनाए ।&nbsp;</p>

<p><span style="line-height: 1.42857;">एजेन्सी,असार १ । &nbsp;इंग्लिस प्रिमियर लिगको खेल तालिका सार्वजनिक भएको छ । आउँदो सिजनका लागि हुने खेलको तालिका बुधबार सार्वजनिक भएको हो । तालिका अनुसार प्रिमियर लिगको खेल अगस्ट १३ तारिखमा सुरु भएर आउँदो वर्षको मे २१ तारिखमा सकिने छ ।&nbsp;</span><br></p><p><br></p><p>पहिलो दिनमा नै आर्सनलले आफ्नो घरेलु मैदानमा लिभरपुलसँग खेल्ने छ । प्रिमियर लिगको उपाधि विजेता लिसेस्टर सिटीले आफ्नो पहिलो खेल नवप्रवेशी हल सिटीसँग खेल्ने छ । &nbsp;प्रशिक्षकका रुपमा पेपे ग्वार्डिओला र जोसे मोरिन्होको भेट १० सेटेम्बरमा हुने छ । यो दिन मोरिन्होको म्यानचेष्टर युनाइटेडले आफ्नो घरेलु मैदानमा ग्वार्डिओलाको म्यानचेष्टर सिटीसँग खेल्ने छ ।&nbsp;</p>

<p><span style="line-height: 1.42857143;">एजेन्सी,असार १ । बोलिभियालाई हराँउदै अर्जेन्टिना कोपा अमेरिका फुटबलमा समूह विजेता बनेको छ । समूह डी अन्तर्गत बुधबार बिहान वासिङटनमा भएको आफ्नो अन्तिम खेलमा बोलिभियालाई ३–० ले हराउँदै अर्जेन्टिनाले समूह विजेता बनेको हो । अर्जेन्टिनाले बोलिभियालाई हराएसँगै क्वाटरफाइनलको समिकरण पूरा भएको छ। खेलको १३ औ मिनेटमा लामेलाले गोल गर्दै अर्जेन्टिनालाई सुरुवाती अग्रता दिलाए। त्यसको दुई मिनेटपछि १५ औँ मिनेटमा लाभाजीले गोल गर्दै अर्जेन्टिनाको अग्रता दोब्बर पारे।&nbsp;</span><br></p><p>&nbsp;<span style="line-height: 1.42857143;">यस्तै खेलको ३२ औँ मिनेटमा भिक्टोर लिएन्ड्रोले गोल गरेपछि अजेन्टिना पहिलो हाफमै ३–० को अग्रता लिन सफल भएको थियो। पहिलो हाफमा ३–० को अग्रता लिएको अर्जेन्टिनाले दोस्रो हाफमा दोस्रो हाफमा बोलिभियालाई दबाबमा राखे पछि अर्जेन्टिनाले थप गोल गर्न भने सकेन । समूह चरणमा सबै खेल जितेको अर्जेन्टिनाको ९ अंक भएको छ ।&nbsp;</span></p><p><span style="line-height: 1.42857143;">सन् २००७ पछि ९ अंकसहित समूह विजेता बन्ने अर्जेन्टिना पहिलो टिम हो । पहिलो खेलमा चिलीलाई २–१ ले हराएको अर्जेन्टिनाले दोस्रो खेलमा पानामाथि ५–० को शानदार जित दर्ता गरेको थियो । समूह डी बाट चिली उपविजेता बन्दै अन्तिम ८ मा पुगेको छ । क्वाटरफाइनलमा अब अर्जेन्टिनाले समूह सीको उपविजेता भेनेजुएला तथा चिलीले समूह सीको विजेता मेक्सिकोसँग खेल्नेछ ।&nbsp;</span><br></p>

<p><span style="line-height: 1.42857143;">काठमाडौं,असार १ ।</span></p><p><span style="line-height: 1.42857143;">युरो कप फुटबलको उपाधि दावेदार पोर्चुगललाई आईसल्याण्डले बराबरीमा रोकेको छ । मंगलबार राति भएको आफ्नो पहिलो खेलमा पोर्चुगलले पहिलो पटक ठूलो प्रतियोगिता खेलिरहेको आइसल्याण्डसँग एक एक गोलको बराबरी खेलेको हो ।</span></p><p><span style="line-height: 1.42857143;">खेलको ३१ औं मिनेटमा पोर्चुगलका नानीले पहिलो गोल गरे । तर दोस्रो हाफको ५० औं मिनेटका आईसल्याण्डका बिर्की बार्नासनले एक गोल फर्काउँदै खेल बराबरी गरेका हुन् ।</span><br></p><p><br></p><p>यो बराबरीपछि पहिलो पटक युरोकप फुटबल खेलिरहेको आईसल्याण्डले प्रतियोगिताको पहिलो खेलबाटै १ अंक जोडेको छ । यही समुहको अर्को खेलमा हंगेरीले अष्ट्रियालाई २–० ले हरायो । खेलमा हंगेरीका लागि एडम जालाई र जोल्टन स्टिबरले एक–एक गोल गरे ।त्यस्तै अर्को खेलमा &nbsp;हंगेरीले विजयी सुरुवात गरेको छ । हंगेरीले अष्ट्रियालाई २–० ले हराँउदै विजयी सुरुवात गरेको हो ।</p><p>खेलमा हंगेरीका लागि एडम जालाई र जोल्टन स्टिबरले एक–एक गोल गरे । सन् १९८६ पछि पहिलो पटक मुख्य अन्तर्राष्ट्रिय प्रतियोगितमा फर्किएको हंगेरीका लागि युरोकपको पहिलो खेल महत्वपूर्ण बन्यो ।&nbsp;</p><p>हंगेरी ३० वर्ष अघि विश्वकपमा सहभागी भएयता कुनै पनि ठूलो अन्तर्राष्ट्रिय प्रतियोगितामा सहभागी भएको यो पहिलो पटक हो । युरोकपमा हंगेरी ४४ वर्षपछि फर्किएको हो ।</p><p>यसअघि सन् १९७२ मा हंगेरीले युरोकप खेलेको थियो । छनौट चरणमा उत्कृष्ट प्रदर्शन गरेको तथा फिफा बरियतामा १० औं स्थानमा रहेको अस्ट्रियाले भने त्यो प्रदर्शनलाई कामय राख्न सकेन ।&nbsp;</p>