दुबई,चैत १६ । दुबई नजिकैको अजमान शहरको दुई विशाल भवनमा सोमबार राति आगलागी भएको छ । दुबईबाट उत्तरी भागमा रहेको अजमान एमिरेट नामक अग्लो आवसीय भवनमा आगलागी भएको थियो ।
आगो लागेपछि यी भवनबाट मानिसहरुलाई सुरक्षितरुपमा बाहिर निकालिएको छ । राति लागेको आगोलाई अग्निनियन्त्रकले निभाउन सफल भएका छन् । त्यहाँ करिब ३ हजार अपार्टमेन्ट रहेका छन् ।
७३५ मिलियन डलरमा निर्माण भएको उक्त कम्लेक्स सन् २००९ मा सकिनुपर्नेमा केही वर्ष ढिला गरी सकिएको थियो ।
१८ चैत,काठमाडौं । श्रमजिवी पत्रकारहरुको न्युनतम पारिश्रमिक बृद्धिका लागि भएको सिफारिस कार्यन्वयनका लागि सूचना तथा सन्चार मन्त्री शेरधन राईले सरोकारवालाहरुसँग छलफल अघि बढाउनुभएको छ । चाँडैनै प्रमुख सरोकारवालाको बैठक राखी न्युनतम तलबमान तोकिने भएको छ ।
न्युनतम पारिश्रमिक निर्धारण समितिले गरेको सिफारिस अनुसार पत्रकारहरुको न्युनतम पारिश्रमिक व्यवहारमा कार्यन्वयनका सन्दर्भमा मन्त्री राईले ठूला सन्चारगृहका लगानीकर्ताहरुसँग विहिवार परामर्श गर्नुभएको छ । सन्चार मन्त्रालयमा आयोजित मिडिया सोसाइटीसँगको छलफलमा मन्त्री राईले सरकार न्युनतम पारिश्रमिक निर्धारण समितिको सिफारिसलाई बलजफ्ति लागु गराउने भन्दा पनि सरोकारवालाहरुसँगको छलफलबाट प्राप्त सुझाबका आधारमा सबैलाई मान्य हुने खालको तलबमान तोक्ने पक्षमा रहेको प्रष्ट पार्नुभयो ।
मन्त्री राईले श्रमजिवी पत्रकार ऐन कार्यन्वयन र न्युनतम पारिश्रमिक बृद्धि गर्ने सन्दर्भमा सकारात्मक ढंगले सघाउन लगानीकर्ताहरुलाई आग्रह गर्नुभएको सन्चार मन्त्रालयका प्रेस सल्लाहकार मात्रिका पौडेलले जानकारी दिनुभयो । ‘सरकार लगानीकर्तालाई मर्कामा पारेर मिडिया उद्योग कमजोर बनाउने दिशामा जादैन तर पत्रकारहरुको न्युनतमक पारिश्रमिक र श्रमजिवी पत्रकार ऐन कार्यन्वयनमा सहजकर्ता बन्न चाहान्छ’ मन्त्री राईको भनाइ थियो । उहाँले पत्रकार महासंघ,मिडिया सोसाइटी लगायत सबै सरोकारवालाहरुसँगको साझा सहमतिका आधारमा नयाँ वर्षदेखि पत्रकारहरुको न्युनतम पारिश्रमिक बृद्धि गर्ने सोच आफ्नो रहेको प्रष्ट पार्नुभएको थियो ।
करीव डेढ घण्टा लामो छलफलमा मिडिया सोसाइटीका पदाधिकारी र सन्चार उद्यमीहरुले अहिले सिफारिस भएको १९ हजार ५ सय न्युनतम पारिश्रमिक कुनै पनि हालतमा लागु गर्न नसकिने बताएका थिए । उनीहरुले सरकारलेनै यो निर्णय गर्ने हो भने आफूहरुले सामुहिक रुपमा सन्चारगृह बन्द गरेर चाबी सरकारलाई एकमुष्ट रुपमा बुझाउने बताए । मिडिया सोसाइटीका अध्यक्ष पुष्करलाल श्रेष्ठले जसले पारिश्रमिक दिनुपर्ने हो उसैलाई बाहिर राखेर जबर्जस्ति गरिएको सिफारिस मान्य नहुने बताउनुभयो । मिडिया सोसाइटीका निवर्तमान अध्यक्ष कैलाश सिरोहियाले संसारमा कहिँ पनि आफ्नो तलब आफैं तोक्ने व्यवस्था नरहेको भन्दै सन्चार उद्यमीको प्रतिनिधित्व नभएको समितिको सिफारिस मान्न नसकिने र सरकारले यसमा वृहत छलफल गर्नुपर्ने बताउनुभयो ।
उहाँले न्युनतम पारिश्रमिक तोक्ने बारेमा सरकारले छलफल गरेमा आफूहरु सहभागी हुने र सहमतिमा आउन सकिने प्रष्ट पार्नुभयो । मिडिया सोसइटीका महासचिव शुभशंकर कँडेल,आरके मानन्धर,मदन लम्साल,शिशिर भट्ट,निर्मल गुरुङ,निकिता पौडेल लगायत सन्चार उद्यमीहरुले भूकम्प र नाकाबन्दीको ९ महिना लामो सकसबाट तहसनहस अवस्थामा पुगेको सन्चार उद्योगलाई बन्द गराउने षडयन्त्रस्वरुप अहिले न्युनतम पारिश्रमिक बृद्धिको हतियार चलाइएको आरोप लगाउनुभयो । मिडिया सोसाइटीले सन्चार उद्योगलाई सेवामूलक उद्योगको मान्यता दिन र सन्चार नीति लगायत अन्य विषयमा सन्चार उद्यमीको सहमति लिन मन्त्रालयसँग आग्रह गरेको छ ।
सन्चार उद्यमीहरुसँगको छलफलले पत्रकारहरुको न्युनतम पारिश्रमिक लागु गर्ने सम्बन्धमा थप छलफल र बीचको बाटो निकास आवश्यक देखिएको सन्चार सचिव दिनेशकुमार थपलियाले बताउनुभयो । उहाँले ऐन कानुन पालना गराउने दायित्व सरकारको भएकाले सहमतिमा आएर सघाउन मिडिया सोसाइटीका पदाधिकारीहरुलाई आग्रह गर्नुभयो । मन्त्री राईले चाँडैनै मन्त्रालयले सन्चार उद्यमी र पत्रकार महासंघ सहित प्रमुख सरोकारवालाहरुको संयुक्त बैठक राखेर न्युनतम पारिश्रमिकमा सहमति जुटाउने प्रतिबद्धता व्यक्त गर्नुभयो । मन्त्रीको भनाइमा मिडिया सोसाइटीका पदाधिकारीले सहमति जनाएका छन् । मन्त्री राईले सन्चार उद्योगलाई सेवा उद्योगको मान्यता दिलाउने लगायत सन्चार उद्यमीका समस्या समाधानमा आफूले सन्चार मन्त्रीका हैसियतमा पूर्णरुपमा सघाउने बचन समेत व्यक्त गर्नुभएको छ । एक साताभित्रै पारिश्रमिक बृद्धिका लागि मन्त्रालयले सरोकारवालाको बैठक बोलाउनेभएको छ ।
काठमाडौं । विश्व क्रिकेटमा बेलाबेलामा धुम मच्चाउँदै आएको वेस्ट इण्डिज विश्वमानचित्रमा कुन देश होला भनेर धेरैलाई चासो नहुन सक्छ । यो कुन महादेशमा पर्छ भनेर धेरैलाई थाहा नहुन पनि सक्छ । सन् १९७० देखि १९८० बीचका दुई विश्वकप क्रिकेट जितेर यो देशले धुम मच्चाएको थियो । १९७५ र १९७९ को विश्वकप क्रिकेट वेस्ट इण्डिजल जितेको थियो । त्यतिखेर वेस्ट इण्डिजलाई हराउन जुनसुकै टोलीको लागि पनि सहज थिएन ।
टेस्ट मान्यता प्राप्त वेस्ट इण्डिजले पछिल्ला वर्ष फेरि क्रिकेटमा धूम मच्चाउँदै आएको छ । केही महिना अघि यू १९ क्रिकेटको विश्वकप जितेको यो टोलीले आइतबार एकै दिन दुई विश्वकप जितेर विश्वकप उपाधिमा ह्याट्रिक गरेको छ । आइतबार महिला टोलीले टी ट्वान्टी विश्वकपमा अष्ट्रेलियालाई ८ विकेट र रोचक भिडन्तमा पुरुष टोलीले इङल्याण्डलाई स्तब्ध पार्दै अन्तिम ओभरमा ४ विकेटको जित निकाल्दै उपाधि जितेको छ । सन् २०१२ को टीट्वान्टी क्रिकेटको विश्वकप पनि वेस्ट इण्डिजले जितेको थियो ।
सनसनी मच्चाउने वेस्ट इण्डिज के हो त ?
वेस्ट इण्डिज आफैंमा एउटा छुट्टै देश होइन । यो दक्षिण र उत्तर अमेरिकाबीचमा पर्ने क्यारेबियन क्षेत्रका टापु देशहरुको युनियन हो । यिनै टापु देशहरु जहाँ प्रायः अंग्रेजी भाषा बोल्ने साना देशहरु मिलेर बनाइएको टिम नै वेस्ट इण्डिज हो । यो बहुराष्ट्रिय क्रिकेट टिम हो । वेस्ट इण्डिज बहुराष्ट्र १९५८ मा नामाकरण गरिएको थियो ।
क्यारेबियन आइसल्याण्ड देशमा जम्मा २८ वटा देश पर्दछन् । जहाँ क्युवा, हैटी जमैका, ट्रिनिडाडा एण्ड टोबागो, डोमिनिका, बाराबाडोससहितका देश पर्दछन् । तर, बेलायती उपनिवेश रहेका नरहेका प्रायः अग्रेजी भाषा बोल्ने १५ वटा देश मिलेर वेस्ट इण्डिजको क्रिकेट टिम बनेको हो । १९५८ मा वेस्ट इण्डिज बनेपछि यसैमा केही देशहरु संगठित हुँदै यही नाममा क्रिकेट खेल्न थालेका हुन् ।
क्रिकेट खेल्ने क्यारेबियनका स्वतन्त्र जमैका, बाराबाडोस, डोमिनिका, गुएना, ट्रिनिडाड एण्ड टोबागो, एन्टिगुआ एण्ड बर्बुडा, सेन्ट लुसिया, सेन्ट भिन्सेन्ट एण्ड ग्रेनाडिनिज, ग्रेनेडा देश छन् । त्यस्तै, सेन्ट किट्स एण्ड नेभिस जुन बेलायती महारानीलाई मान्ने कवनवेल्थ देश अन्तर्गतका सेन्ट किट्स र नेभिस, बिट्रिस डिपेन्डिेन्सिका एंगुलिया, मोन्टसेरान्ट, बिट्रिस भर्जिन आइसल्याण्ड, डच डेपेन्डिेन्सीका सिन्ट मार्टेन र अमेरिकी डिपेन्डिेन्सीका युएस भर्जिन आइसल्याण्ड जस्ता साना देश पनि वेस्ट इण्जिसँग जोडिएका छन् । फुटबलसहितका ओलम्मिकसहितका अरु खेलकुद गतिविधिमा भने यी देशहरु छुट्टाछुट्टै खेल्ने गर्दछन् ।
अहिलेका चर्चित खेलाडी को कुन देशबाट
वेस्ट इण्डिजका नाममा खेल्ने खेलाडीहरु विभिन्न देशबाट आएका छन् । क्रिस गेल जमैका, सामुयल बद्रि ट्रिनिडाड एण्ड टोबागो, डवेन ब्राभो ट्रिनिडाड टोबागो, आन्द्रे रसेल जमैका, सुनिल नारने ट्रिनिडाड, लेन्डल सिमोन्स ट्रिनिडाड, कार्लोस बार्थोवेटे बाराबाडोस, डरेन ब्राभ्रो ट्रिनिडाड, जोन्सन चाल्र्स सेन्ट लुसिया, डरेन सामी सेन्ट लुसिया, जेरोमी टेलर जमैका, एन्ड्रे फ्लेचर ग्रेनेडा, केरन पोलार्ड ट्रिनिडाड, केमोर रोच बारबाडोस, मारलन सामयल्स जमैका, क्रागज बार्थवेटे बाराबाडोस, रबि रामपाल ट्रिनिडाड आदि छन् ।
वेस्ट इण्डिजका महान खेलाडी यस्ता छन्
सर भिभि रिचर्डस, ब्रायन लारा, सर गारफिल्ड रोबर्स, लेन्स गिब्स, शिवनारायण चन्दपोल यो क्षेत्रका चर्चित टेस्ट र वनडे खेलाडी हुन् ।
-खबर डबली
करिब ६ वर्ष पछि १८ वर्षिय बिपना ठगुन्ना (नाम परिवतर्तन गरिएको) भारतको कर्नाटक, बैगलोर, अन्तराष्ट्रिय बिमानस्थल, हेचल मुकेश पाली एप्पल नेष्ट १३ क्रस १४ स्थितबाट भागेर दोधारा चाँदनी नगरपालिका वडा नं. २, कालिका टोल फर्केका छन् । बिपनाले युवतीले करिब ६ वर्ष सम्म जून क्रुरता भोग्नु प¥यो त्यो संसारमै अकल्पनीय छ । देह व्यापारको धन्दा गर्दै आएका केही मानिसले उनलाई दिन भरि काममा लगाउने र राती बुकिङ्ग गरेर शारीरिक सम्पर्क राख्न बाध्य पारेका थिए ।
बिपना जब मात्र १२ वर्षकी थिईन तब उनलाई जागिरको प्रलोभनमा दलालहरुले नेपालबाट भारत पु¥याएका थिए । दोधारा चाँदनी नगरपालिका वडा नं. २, कालिका टोल बस्ने उनका छिमेकी दाई भन्ने शंकर धामीले उनलाई १२ वर्षको उमेरमा बिभिन्न पैसा कमाउने प्रलोभन देखाएर भारतको कर्नाटक, बैगलोर, अन्तराष्ट्रिय बिमानस्थल, हेचल मुकेश पाली एप्पल नेष्ट १३ क्रस १४ मा पुगाएर वेश्याबृद्धी गर्न बाध्य बनाएका थिए ।
जब उनी भारत पुगिन तब उनलाई एउटा सानो अध्यारो कोठामा बन्द गरेर राखे । किनकी उनी अब दलालहरुको हातबाट वेश्यालयमा पुगिसकेकी थिईन् । उनलाई काँचो उमेर र छिमेकी शंकर दाई प्रतिको बिश्वासले यस्तो कुराको थाहै भएन् । बैगलोरका ठुला महलहरुमा उनि दिनदिनै बेचिएकी उनलाई ६ वर्ष सम्म राम्रो संग सुत्न समेत नदिएर दिनरात ग्राहकको यौन प्यास मेटाउन बाध्य पारियो ।
रातमा उनलाई सुतेको भएपनि व्युझाएर ग्राहक संग जबरजस्ती शारीरिक सम्बन्ध राख्न लगाइन्थ्यो । उनले रातमा पनि राम्रो संग सुत्न पाउदैनथी । त्यही बीचमा केही समय पछि उनलाई त्यहांको पीडा असह्य भयो । सानो उमेरको शरिरलाई सेठहरुको बडेमानको जिउले शरिरै थाकिसकेको थियो । दिभरीको अर्काको घरमा गएर काम गर्नु पर्ने सातामा ४ चोटी तथा ५ चोटी शंकर धामीले लगेर ८÷१० मञ्जील अग्ला कोठामा छाडेर जान्थे, बिपनालाई । त्यही बेला भाग्यले त्यो नर्कबाट बाहिर निस्कने एउटा बाटो देखायो त्यो उनको लागि गर्व र सम्मान बाटो सावित भयो । खबर अनुसार बिनिताले एक दिन राती बुकिङ्गमा गएको बेला शौचालय लागेको बहाना काडेर भाग्ने योजना बनाईन् जसमा उनी सफल भइन् ।
यसै सन्द्रभमा दोधारा चाँदनी नगरपालिका वडा नं. २, कालिका टोल बस्ने १८ वर्षिय बिपना ठगुन्ना (नाम परिवतर्तन गरिएको) संग गरिएको संक्षिप्त कुराकानी ः–
“कहाँ बाट सुरु गरौ । सुरु गर्न समेत आफैलाई लाज लागेर आउछ् । आज घरबाट बाहिर निस्कन समेत सकिरहेको छैन् । मेरो जिवननै बरबाद भयो । सानोको छदाको अर्काको भनाईमा लागेर पैसा कमाउन जादा मेरो जिन्दगी नै बरबाद भएर आयो । म त्यती बेला कक्षा ८ मा पढ्दै गर्थे । हाम्रो घरको करिब ५ मिनेको दुरीमा शंकर धामीको घर थियो । शंकर दाई बैगलोरबाट आउनु भएको थियो । उहाँको सबै आफन्त यतै दोधारा चाँदनीमा भएपनि शंकर दाई भारतको बैगलोरमा आफ्ना जहान लगेर बस्नु हुन्थ्यो । बैगलोरबाट शंकर दाईले मलाई राम्रो जागीर लगाई दिन्छु भन्दै भारत जान भन्दै आउनु भएको थियो । मेरो उमेर १२ वर्षको थियो ।
अहिले म १८ वर्षको पुगेकी छु । तिम्रो ४ बहिनी छौं, तिम्रा बाबा पनि बेरोजगार रहेका छन् । तिमीले पैसा कमाएर महिनै पिच्छे घरमा पठाई दिएपछि तिम्रा घर परिवार कति खुशी मान्लान् भन्दै आउनु भएको थियो । शंकर दाईले । मैले पनि आफ्नो घरको आर्थिक कठिनाईको बारेमा निकै सोचे । पछि आएर जान ईच्छा पनि जाग्यो । मैले शंकर दाई लाई मेरो घर परिवारलाई सोध्नु भने । शंकर दाईले घरमा सोधे तिमीलाई जान दिदैनन् त्यसैले थाहै नदिई रोजगारीको जानको लागी मलाई फकाए । म पनि कस्तो । शंकर दाई माथी बिश्वास गरे । मलाई भोली जाने तयार हुन शंकर दाईले भने । उहाँ अन्तजी ४२ वर्षको उमेरको मैले सानै देखि चिन्ने छिमेकी दाई हुनुहुन्छ् । उहाँको श्रीमती र छोरा छारी बैगलोरमा बस्ने गर्थे ।
मलाई उहाँ प्रति निकै बिश्वास गर्थे । भोली जानको लागी शंकर दाईले भने पछि मैले घरपरिवारमा कसैलाई सुईको समेत दिएन् । त्यस साँझ खान खाई सकेपनि सुत्न ओछ्यानमा सुते । अबेर सम्म निन्द्रा लागेन् । त्यस रात मलाई खुशी र दुखको पिडा मनमा लिएर निकै लामो परिकल्पना गरे ।
एकातिर मैले कमाएको पैसाले मेरो घरको आर्थिक परिवर्तन गर्न सक्छु भन्ने खुशी थियो भने बाबा, आमालाई नसोधेर छोरी मान्छेले त्यती टाढा जानुको पिडा एकातिर थियो । बिभिन्न परिकल्पनामा डुब्दै कति बेला सुतेछु पत्तोनै भएन् । बिद्यालय जाने बहानाले बिहान घरबाट हिडे । म, एकसरो लुगामा भारत पसे । हामी ४ दिन लगाएर भारतको कर्नाटक, बैगलोर, अन्तराष्ट्रिय बिमानस्थल, हेचल मुकेश पाली एप्पल नेष्ट १३ क्रस १४ भन्ने स्थानमा पुग्यौ । शंकर दाईले मलाई आफ्नै नाता पर्ने भन्ने प्रेम सिंह ठगुन्ना भन्नेको घरमा छाडेर आफु आफ्नो कोठामा जानुभयो ।
प्रेम सिंह ठगुन्नाको घरमा उनका श्रीमती बसन्ती ठगुन्ना र २ छोराहरु थिए । सुरु सुरमा त्यहा मलाई राम्रै ब्यहार गरे । एक साता नबित्दै मेरो नौकरी पनि सुरु भयो । मैले १४ अलग अलग घरमा गएर भाडा सफा गर्नु पर्ने थियो । १४ अलग अलग घरमा गएर भाडा सफा गरेबाफत मासिक २३ हजार भारतिय रुपियाँ पाउने सम्झौता शंकर दाईले मिलाउनु भएको थियो ।
मासिक रकम पाउने बित्तिकै शंकर दाई म बाट खोसेर लगिहाल्नुहुन्थ्यो । काममा लागेको २ महिना नबित्दै मलाई कुटपिट गर्न थालियो । प्रेम सिंह ठगुन्नाका छोरो समेतले म माथी यौन शोषण गर्न थाले । शंकर धामीले सातामा ४ चोटी कोठा देखि टाढा अग्ला अग्ला कोठामा लगेर छाडेर आउनु हुन्थ्यो । रातभरी मेरो यौन शोषण गर्थ्यो ।
मेरो कजोर शरिर थियो । मोटा मोटा सेठहरुको शरिरले मेरो शरिर थकित गराउथ्यो । त्यहांको असह्य पिडाले मेरो मनमा निकै चोट लाग्थ्यो । तब देखि लाग्ने मान्छे देखि डर लाग्छ् । म, पिडाले नमाने पछि मदिरा सेवन गरेपछि निर्घातरुपमा मलाई पिट्थ्यो । एक रात म सेठको सुते बाफत शंकरले रु. ५ हजार देखि १० हजार सम्म रकम लिने गर्थे ।
मलाई भाडा माझेको मासिक तलब समेत पैसा दिएनन् । दिन रात मेरो रोएरै बित्यो । सञ्चो नभएपनि दिन रात म बलत्कारको शिकार बन्नु प¥यो । कति जनाको ओछ्यानको शिकार हुनु प¥यो, मैले औलामा गन्ती गर्न सकेन्”
-दोधारा चाँदनीका पत्रकार पप्पु गुरुङ पिडीतसँग गरेको कुराकानीमा आधारित
काठमाडौं,चैत २९ । संयुक्त लोकतान्त्रिक मधेसी मोर्चाले राजधानी ठप्प पार्ने गरि आन्दोलन गर्ने तयार िगरेको छ । नयाँबानेश्वरस्थित सद्भावना पार्टीको मूख्यालयमा सोमबार बसेको मधेसी मोर्चाको सचिवालय बैठकले आन्दोलनको नयाँ कार्यक्रम घोषणा गर्न लागेको हो । वैशाख ६ गते बृहत अन्तरक्रिया गरी आन्दोलनका कार्यक्रम घोषणा गर्ने निर्णय गरेको छ ।
मंगलबारसम्म सरकारलाई दिएको अल्टिमेटमको समय बाँकी रहेको जनाएको सचिवालयले प्रधानमन्त्री केपी ओलीले अल्टिमेटमलाई सम्बोधन नगरे वैशाख ६ गते थप आन्दोलनका कार्यक्रम सार्वजनिक गरिनेछ उल्लेख गरेको छ ।
२६ चैत, काठमाडौं ।
व्यवस्थापिका संसद्मा हरेक वर्षको जेठ १५ गते अर्थमन्त्रीले बजेट पेश गर्नुपर्ने संविधानमा व्यवस्था भए अनुरुप आगामी आर्थिक वर्षको बजेट निर्माणको प्रक्रियालाई तीब्रता दिइएको अर्थ मन्त्रालयले जनाएको छ ।
शुक्रबार अर्थ मन्त्रालयमा रेडियो नेपालसँग कुरा गर्दै अर्थ मन्त्रालयका बजेट महाशाखा प्रमुख एवं सहसचिव रामशरण पुडासैनीले आगामी बजेटका नीति र कार्यक्रम सम्बन्धमा राष्ट्रिय योजना आयोग, अर्थ मन्त्रालय र विभिन्न मन्त्रालयहरुबीचको छलफल अन्तिम चरणमा पुगेको जानकारी दिनुभयो ।
सहसचिव पुडासैनीले आगामी आर्थिक वर्षको बजेट मुलुकलाई आर्थिक सम्वृद्धितिर लैजाने, आत्मनिर्भर बनाउने र संघीयता कार्यान्वयनमा सघाउने गरी आउने बताउनुभयो ।
सहसचिव पुडासैनीले रणनीतिक पूर्वाधार निर्माणमा लगानी बढाउने, सरकारले नै नेतृत्व गरेर लगानीको वातावरण बनाउने र नयाँ नयाँ आर्थिक अवसरहरु सिर्जना गर्नेतर्फ बजेटमा जोड दिइने बताउनुभयो ।
आगामी बजेट यथार्थमा आधारित, कार्यान्वयनयोग्य र प्रतिफल निष्कने क्षेत्रमा लगानी केन्द्रित गर्ने गरी आउने उहाँले स्पष्ट गर्नुभयो ।
एक प्रश्नको जवाफमा सहसचिव रामशरण पुडासैनीले भूकम्पबाट क्षतिग्रस्त संरचनाहरुको पुनर्निर्माणका लागि राष्ट्रिय पुनर्निर्माण प्राधिकरणलाई ६५ अर्ब रुपियाँ खर्चको अख्तियारी दिइसकिएको, त्यो खर्च भए थप नौ अर्ब र त्यत्तिले पनि नपुगे अन्यत्र खर्च नभएको रकम समेत व्यवस्थापन गरी अर्थ मन्त्रालयले उपलब्ध गराउने जानकारी दिनुभयो ।
एजेन्सी,चैत २३ । वेष्ट इन्डिजले इंग्ल्याण्डलाई चार विकेटले हराउँदै उपाधि जितेसँगै आइसिसी ट्वेन्टी–ट्वेन्टी विश्वकप क्रिकेट आइबार राति सकियो । वेष्ट इन्डिजले दोस्रो पटक उपाधि उचालेको हो । यो विश्वकपमा पूरुष तर्फ सहभागी विभिन्न देशका दुई ११ खेलाडीले ब्याटिङ गरे । यी खेलाडीले प्रतियोगिता भरमा जम्मा ९ हजार सात सय ३२ रन बनाए । यो प्रतियोगितामा तीन सय १४ छक्का तथा ६४ अर्धशतक बन्यो । यस्तै प्रतियोगिताभरमा चार सय २१ विकेट गएको आइसिसीले जनाएको छ ।
दुई सय ९५ रन बनाएका बंगलादेशका तमिम इकबाल सर्वाधिक रन बनाउने खेलाडी हुन् । यस्तै १२ विकेट लिएका अफगानिस्तानका मोहम्मद नाबी सर्वाधिक विकेट लिने खेलाडी हुन् । ३३ खेलाडीले एक रन पनि जोड्न सकेनन् भने एक सय भन्दा बढी रन बनाउने खेलाडी २९ जना रहे । महिला विश्वकप तर्फ यो पटक सबै खेलमा गरेर पाँच हजार दुई सय ९४ रन भएको छ ।
unn.com.np
काठमाडौं,चैत १८ । अन्तराष्ट्रिय क्रिकेट काउन्सील आईसीसीको प्रस्तावमा पुबुदु नेपालको सल्लाहकार प्रशिक्षक बन्न सहमत भएका छन् । आइसीसीको सर्तअनुसार बनेको स्वतन्त्र कमिटीले नेपालको टीम छनोट गर्नेछ । जुन कमिटीमा कप्तान पारस खड्का र प्रशिक्षक टमाटा छन् भने पुबुदु आइसीसीका प्रतिनिधि सल्लाहकारको रुपमा रहनेछन् ।
विश्व क्रिकेट लिग च्याम्पियनसिपमा नामिवियाविरुद्ध वैशाख पहिलो साता हुने खेलका लागि नेपालका पूर्व प्रशिक्षिक पुबुदु दसानायके नेपाल आउने लागेका हुन् । नेपालले नामिवियासँग वैशाख ४ र ६ गते कीर्तिपुरमा खेल्ने छ ।
एजेन्सी,चैत २७ । इन्डियन प्रिमियर लिग क्रिकेट (आईपीएल)मा महेन्द्रसिंह धोनीको कप्तानीमा रहेको नव प्रवेशी टिम राइजिङ पुने सुपर जायन्ट्सले विजयी सुरुवात गरेको छ । घरेलु टोली मुम्बइ इन्डियन्सलाई ९ विकेटले हराउदै पुनेले पहिलो जित दर्ता गरेको हो । टस जितेर पहिले व्याटिङमा गरेको मुम्बईले २० ओभरमा ८ विकेट गुमाउँदै एक सय २१ रन बनायो।
सामू एक सय २२ रनको चुनौती पछ्याएको पुनेले १४.५ ओभरमा ३२ बल बाँकी छदै उक्त लक्ष्य भेट्टायो । पुनेको लागि अजित रहानेले ४२ बलको सामना गर्दै ७ चौका र ३ छककमो सहयोगले नटआउट ६६ रन बनाए । पिटरसन २१ रनलमा नटआउट रहे । मुम्बईको लागि एक मात्र विकेट हरवजन सिंहले लिए । टस जितेर पहिले व्याटिङमा गरेको मुम्बईका लागि हरभजन सिंह ४५ रनमा नटआउट रहे। यस्तै अम्बाटीले २२, विनय कुमारले १२ तथा हार्दिक पाण्डेले ९ र सिमोन्सले ८ तथा कप्तान रोहित शर्माले मात्र ७ रनको योगदान दिएका थिए।
राइजिङ पुनेका लागि इसान्त शर्मा र मार्सले समान २–२ विकेट लिए भने रजत बटिया, रविचन्द्र आश्विन, मुरुगान आश्विन र आरपी सिंहले समान १–१ विकेट लिए।
२० चैत, काठमाडौं ।
एकीकृत नेकपा 'माओवादी' का अध्यक्ष पुष्पकमल दाहाल र नेपालका लागि चीनका राजदूत वु चुन्ताईबीच भेटवार्ता भएको छ ।
अध्यक्ष दाहालको निवास लाजिम्पाटमा भएको भेटवार्तामा प्रधानमन्त्री केपी शर्मा ओलीले केही दिन पहिले गर्नुभएको चीन भ्रमण र त्यसक्रममा भएका दुई देशबीचको सम्झौताबारे छलफल भएको थियो ।
यस्तै मुलुकको पछिल्लो राजनीतिक अवस्था र चीन भ्रमणले पारेको प्रभावलगायतका विषयमा छलफल भएको अध्यक्ष दाहालका प्रेस संयोजक सूर्यकिरण शर्माले जानकारी दिनुभयो ।
२७ चैत, टोकियो ।
अनमोल केसी अभिनित सुपरहिट चलचित्र ड्रिम्स जापानमा भोली प्रदर्शन हुँदैछ ।
चलचित्र प्रदर्शनको एकदिन अगावै अधिकाशं टिकट सकिएपछि हौसिएको प्रदर्शन गर्ने युनिटले तयारी पुरा भएको जानकारी दिएको छ ।
जापानमा बहुप्रतिक्षित चलचित्रको रुपमा हेरिएको ड्रिम्स प्रदर्शन भोली आइतबार अप्रिल १० तारिखका दिन साँझ ५ बजे टोकियो नाकानो जिरो हलमा हुँदैछ ।
मात्र ३ हजार ऐन टिकटदर राखिएको चलचित्र ड्रिम्स प्रदर्शन नेपाली नयाँ बर्ष २०७३ को केहीदिन मात्र अगाडी हुन लागेकाले जापानवासी नेपालीहरुको उत्साहजनक सहभागीता रहने भएको चलचित्र प्रदर्शन तथा टिकट विक्रि हेरिरहनुभएका सरोजकुमार खत्रीले टपनेपालन्युजडटकमलाई जानकारी दिनुभयो ।
चलचित्र ड्रिम्स साँझ प्रदर्शन हुने भएकाले दिउँसो हुने बुद्ध नेपालमा जन्मिएका हुन् भनि निकाल्न लागिएको शान्ति पदयात्रामा पनि जापानमा रहेका सबै नेपालीलाई सहभागीता जनाइदिनुहुन चलचित्र विक्रिको एकाअधिकार पाउनुभएका सफल व्यवसायी तथा समाजसेवी प्रल्हादसिंह महतले आग्रह गर्नुभएको छ ।
भोली नै अपरान्ह भारतले बुद्ध भारतमा जन्मीएको भन्दै गरिरहेको गलत प्रचार चिर्न र केही जापानीमा बुद्ध भारतमा जन्मीएको भनि परेको गलत सन्देश हटाउन शान्ति पदयात्रा गरिँदैछ ।
पदयात्रामा बुद्ध नेपालमा जन्मिएका हुन्, नेपाल जापान सम्वन्ध लगायतका विषयका प्लेकार्ड र व्यानर सहित जापानमा रहेका हजारौं नेपालीले आफ्नो राष्टिय पोशाक सहित सहभागीता जनाउँदैछन् ।
यो पनि पढ्नुहोस् ।
जापान ड्रिम्स पर्खाइ सकियो, टोकियो नाकानो जेरो हलमा १० तारिखमा पदर्शन
जापान १० तारिख -अपरान्ह शान्ति पदयात्रा, साँझ लामो पर्खाइपछिको 'ड्रिम्स'
काठमाडौं, चैत २१ । नेपाल आर्चरी संघले भारतको गुवाहटी÷सिलोङमा भएको १२ औं दक्षिण एसियाली खेलकुद (साग) अन्तर्गत आर्चरीमा कांस्य पदक जितेका प्रेमप्रसाद पुनलाई आइतबार नगदसहित सम्मान गरेको छ । राष्ट्रिय खेलकुद परिषद् (राखेप) का सदस्य–सचिव केशवकुमार विष्टले २५ हजार रुपैयाँसहित सम्मान पत्र प्रदान गरी प्रेमलाई सम्मान गरे । नगद पुरस्कार डिकी आर्चरी एन्ड स्पोर्ट्स तथा मेन्थाङ ओर्गानिक एप्पल फार्मले बराबर प्रायोजना गरेको हो ।
सिलोङमा फेब्रुअरी २ देखि ९ तारिखसम्म सञ्चालित आर्चरीको पुरुष व्यक्तिगत रिकर्भमा प्रेमले कांस्य जितेका थिए । उनले श्रीलंकाली खेलाडीलाई ६–० ले हराउदै सागको आर्चरीतर्फ व्यक्तिगत स्पर्धामा पहिलो पदक जित्ने खेलाडीको कीर्तिमान रचेका थिए । सागको टिम इभेन्ट भने नेपालले आर्चरीमा पदक जितेको छ ।
सम्मान कार्यक्रममा सदस्य–सचिव विष्टले राज्यबाट खेलाडीलाई सम्मान गर्न बाँकी रहेको अवस्थामा संघले आफ्ना खेलाडीलाई सम्मान गर्नु खुशीको कुरा भएको बताउदै प्रक्रियामा जानु पर्ने भएकोले राज्यबाट सम्मान हुन ढिलाइ भइरहेको बताए ।
उनले राज्यबाट सागमा पदक जित्ने खेलाडीलाई नगद पुरस्कारसहित सम्मान गर्ने नीतिगत निर्णय नै भइसकेको बताउदै त्यसका अलावा राष्ट्रपतिबाट पनि छुट्टै कार्यक्रम गरी पदक जित्ने खेलाडीलाई सम्मान गर्ने योजना रहेको अवगत गराए ।
© 2026 TopNepalNews. All Rights Reserved. Maintained by Trishuli Web
16.99¡ÆC