<p><span style="line-height: 18.5714px;">कञ्चनपुर ।</span><br></p><p><span style="line-height: 18.5714px;">अख्तियार दुरुपयोग अनुसन्धान आयोग प्रदेश नं ७ को सम्पर्क कार्यालय भीमदत्तनगरले आज जिल्ला प्राविधिक कार्यालयका प्रमुख डिई केदार शर्मालाई ६ लाख रुपैयाँ घुससहित पक्राउ गरेको छ ।&nbsp;</span></p><p><span style="line-height: 18.5714px;"><br></span></p><p><span style="line-height: 18.5714px;">प्रमुख शर्माको निवासबाट उनीसहित प्राविधिक कार्यालयका सव इन्जिनियर डण्डीराज पाण्डेयलाई समेत नियन्त्रणमा लिएको छ ।&nbsp;</span></p><p><span style="line-height: 18.5714px;"><br></span></p><p><span style="line-height: 18.5714px;">उनीहरुको साथबाट नगद ६ लाख रुपैयाँसहित १४ लाखको चेक समेत नियन्त्रणमा लिएको अख्तियार दुरुपयोग अनुसन्धान आयोग प्रदेश नं ७ को सम्पर्क कार्यालय भीमदत्तनगरले जनाएको छ ।&nbsp;</span></p><p><span style="line-height: 18.5714px;"><br></span></p><p><span style="line-height: 18.5714px;">उक्त चेक नेपाल बंगलादेश बैंकको नाममा रहेको अख्तियारले जनाएको छ ।&nbsp;</span></p>

<p><span style="line-height: 1.42857;">बैतडी । आगामी निर्वाचनको सुरक्षालाई मध्यनजर गरेर बैतडीलाई मदिरा निषेधित क्षेत्र घोषणा गरिएको छ ।&nbsp;</span><br></p><p><br></p><p>आगामी मंसिर ५ गतेदेखि मतगणना नसकुन्जेल सम्मका लागि जिल्लालाई मदिरा निषेधित क्षेत्र घोषणा गरिएको प्रमुख जिल्ला अधिकारी सिद्धराज जोशीले जानकारी दिनुभयो ।</p><p><br></p><p>मंसिर ५ गतेदेखि जिल्लाभरि नै मदिराको कारोबारमा रोक लगाइने उहाँले बताउनुभयो ।</p>

<p><span style="line-height: 1.42857;">भक्तपुर । मंसिर २१ गते हुने प्रतिनिधि तथा प्रदेशसभा निर्वाचनको समाचार सम्प्रेषण गर्दा आचारसंहिता उल्लंघन गर्ने पत्रकारलाई कारवाही गरिने भएको छ ।&nbsp;</span><br></p><p><br></p><p>आज भक्तपुरमा प्रमुख जिल्ला अधिकारी द्रोण पोखरेलको संयोजकत्वमा मुख्य निर्वाचन तथा निर्वाचन अधिकृतले आयोजना गरेको पत्रकार सम्मेलनमा निर्वाचनमा पालना गर्नुपर्ने पत्रकार आचारसंहिताबारे जानकारी दिँदै आचारसंहिता उल्लंघन हुने कुनै पनि समाचार सम्प्रेषण नगर्न आग्रह गर्नुभयो ।&nbsp;</p>

<p><span style="line-height: 1.42857;">काठमाडौं ।</span><br></p><p>निर्वाचन आयोगले आगामी मंसिरमा हुने निर्वाचनका लागि भोलिदेखि मतदाता शिक्षा कार्यकर्ता परिचालन गर्ने भएको छ ।</p><p><br></p><p>मतदाता शिक्षा कार्यकर्ताले प्रत्येक मतदाताको घरघरमा पुगेर मतदातालाई मत संकेत गर्न सिकाउने छन् ।&nbsp;</p><p><br></p><p>निर्वाचन आयोगका प्रवक्ता नवराज ढकालका अनुसार निर्वाचन शिक्षा कार्यकर्ताले मतदातालाई मतदान केन्द्रको तयारी, समानुपातिकतर्फ एउटा मतपत्रमा प्रतिनिधिसभा र प्रदेशसभा सदस्यलाई मतदान गर्ने र प्रत्यक्षतर्फ प्रतिनिधि सभाका लागि छुट्टै र प्रदेशसभाका लागि छुट्टै मतपत्रमा मत संकेत गर्ने तरिका सिकाउने छन् ।&nbsp;</p><p><br></p><p>यसका लाग निर्वाचन अवधिभर २० हजार मतदाता शिक्षा कार्यकर्ता परिचालन गरिने आयोगले जनाएको छ ।&nbsp;</p>

<p><span style="line-height: 1.42857;">धनुषा । धनुषा जिल्लामा प्रहरीले चुनाव लक्षित सुरक्षा व्यवस्था कडा बनाउने क्रममा चेकजाँच गर्दा २ जनालाई कटुवा पेस्तोल र ३ राउण्ड गोलीसहित पक्राउ गरेर आज पत्रकार सम्मेलन मार्फत् सार्वजनिक गरेको छ ।&nbsp;</span><br></p><p><br></p><p>विशेष सुराकीको आधारमा धनुषा जिल्लाको सबैला नगरपालिकाका अनिल पासवान र सकुर मियाँलाई पक्राउ गरेको जिल्ला प्रहरी कार्यालय, धनुषाका प्रहरी उपरीषक चक्रबहादुर सिंहले जानकारी दिनुभयो ।&nbsp;</p><p><br></p><p>यसैगरी, १० किलोग्राम गाँजासहित ३ जनालाई प्रहरीले पक्राउ गरेर सोही पत्रकार सम्मेलन मार्फत् सार्वजनिक गरेको छ ।&nbsp;</p><p><br></p><p>धनुषा जिल्लाको भारतसँग सीमाना जोडिएका ठाउँहरुमा सुरक्षा जाँच बढाउनुको साथै जिल्लाभर नै चेकजाँच गर्ने क्रम बढाएको प्रहरीले जनाएको छ ।&nbsp;</p>

<p><span style="line-height: 1.42857;">काठमाडौँ । प्रमुख निर्वाचन आयुक्त डा. अयोधीप्रसाद यादवले आगामी प्रतिनिधिसभा र प्रदेशसभा सदस्य निर्वाचनको प्रचारप्रसारमा राजनीतिक दल र उम्मेदवारबाट भइरहेको अस्वाभाविक खर्चको अनुगमन गर्न सम्बद्ध सरकारी निकायसँग आग्रह गर्नुभएको छ ।&nbsp;</span><br></p><p><br></p><p>निर्वाचन आयोगमा आज निर्वाचनको तयारी तथा निर्वाचन आचारसंहितासम्बन्धी उद्योग वाणिज्य क्षेत्रका सरकारी पदाधिकारी तथा उद्योगी व्यवसायीसँगको छलफलमा उहाँले निर्वाचनमा दल र उम्मेदवारबाट भएको अधिक नगद प्रवाहको अनुगमन गर्न नेपाल राष्ट्र बैंक तथा सम्पत्ति शुद्धीकरण अनुसन्धान र आन्तरिक राजश्व विभागलाई आग्रह गर्नुभयो ।&nbsp;</p><p><br></p><p>प्रमुख आयुक्त डा. यादवले दल तथा उम्मेदवारले आफ्नो सिद्धान्त र घोषणापत्रका आधारमा जनताको मन जित्नुपर्नेमा पैसाका आधारमा निर्वाचन जित्छु भन्ने सोचलाई निरुत्साहन गर्नुपर्नेमा जोड दिनुभयो ।&nbsp;</p><p><br></p><p>निर्वाचन आयुक्त नरेन्द्र दाहालले उद्योगी व्यवसायीले दल र उम्मेदवारका चुनाव चिह्न अंकित टिसर्ट, गञ्जीजस्ता सामग्रीको उत्पादन र वितरणमा आयोगले रोक लगाइसकेकाले आफू मातहतका संस्थालाई त्यस्ता सामग्रीको उत्पादन नगर्न नगराउनका लागि तत्काल निर्देशन दिन आग्रह गर्नुभयो । अर्का आयुक्त सुधीरकुमार शाहले राजनीतिक दल तथा उम्मेदवारलाई आर्थिक सहयोग बैंकमार्फत दिन आग्रह गर्नुभयो ।&nbsp;</p><p><br></p><p>छलफलमा उद्योग वाणिज्य क्षेत्रका प्रतिनिधिले दल तथा उम्मेदवारलाई बैंकमार्फत सहयोग गर्न आफूहरू तयार रहेको तर त्यसरी दिइएको रकममा कर छुटको व्यवस्था हुनुपर्ने माग गर्नुभयो ।&nbsp;</p>

<p><span style="line-height: 1.42857;">सिन्धुली । राष्ट्रपति विद्यादेवी भण्डारीले अब नेपालको आर्थिक सामाजिक रुपान्तरणले मूर्त रुप पाउने बताउनुभएको छ ।&nbsp;</span><br></p><p><br></p><p>ऐतिहासिक सिन्धुली गढीको २५० औँ विजय उत्सवको अवसरमा ठूलो गढीमा झण्डोत्तोलनपछि राष्ट्रपति भण्डारीले अबको प्रतिनिधिसभा र प्रदेशसभाको सफल निर्वाचनपछि आर्थिक सामाजिक रुपान्तरणले मूर्त रुप पाउने बताउनुभयो ।&nbsp;</p><p><br></p><p>संविधानले निर्दिष्ट गरेअनुरुप संघीय संसद र प्रदेश स्तरमा निकट भविष्यमा हुन लागेको निर्वाचनमा सबैको उत्साहपूर्वक सहभागिता र सक्रिय सहयोगको आफूले अपेक्षा गरेको राष्ट्रपति भण्डारीले बताउनुभयो ।&nbsp;</p><p><br></p><p>निर्वाचनको सफल सञ्चालनले देशमा राजनीतिक स्थायित्व सुदृढ पार्नुका साथै आम जनताको जीवनस्तर दु्रतगतिमा अघि बढ्ने विश्वास लिएको राष्ट्रपति भण्डारीले बताउनुभयो ।&nbsp;</p>