दाङ, चैत २७ । उपप्रधान तथा परराष्ट्रमन्त्री कमल थापाले सरकारले शुक्रबार गठन गरेको ‘संघीयता  कार्यान्वयन उच्चस्तरीय समिति प्रति आफ्नो असन्तुष्टि रहेको स्पष्ट पारेका छन ।  रिपोर्टर्स क्लब नेपाल दाङले शनिवार आयोजना गरेको साक्षात्कारमा उनले समितिमा स्थानीय विकास मन्त्रालयलाई नसमेटेको भन्दै आफूले त्यसबारेमा प्रधानमन्त्रीसँग कुराकानी गर्ने बताए ।

साक्षात्कारमा उनले भने,‘हिँजो दश बजे मन्त्री परिषदको बैठक भनेर बोलाइएको थियो तर, ११ बजेसम्म बैठक बसेन अनि म अर्काे पूर्वनिर्धारित कार्यक्रमको लागि हिँडे त्यसपछि बैठक बसेर समिति बनाइएछ । त्यसमा संघीय मामला तथा स्थानीय विकास मन्त्रालयलाई राखिएन ।
थापाले थपे ‘संघीयता कार्यान्वयन गर्ने सबैभन्दा महत्वपूर्ण मन्त्रालय भनेको संघीय मामला तथा स्थानीय विकास मन्त्रालय नै हो, यो नियतवश गरिएको त हैन होला, एक पटक प्रधानमन्त्रीसँग कुरा गरेँ भने मिल्नसक्छ ।’
उनले अहिले नै सरकारको विकल्प खोज्ने बेला भइनसकेको स्पष्ट पार्दै अझैं संविधान कार्यान्वयनका धेरै कामहरु बाँकी रहेको र सरकार गठनको ६ महिनामात्रै भएका हुँदा अहिले नै त्यस्तो कुरा चलाउनु सरकार र संविधानलाई कमजोर गराउने खेलमात्रै हुने दावी गरे ।
थापाले भने,‘राप्रपा नेपालसमेत सहभागी भएको सरकारभन्दा अर्काे राष्ट्रिय सहमतिको सरकार कस्तो हुन्छ ?, प्रजातान्त्रिक पद्धतिमा सबै दलहरु मिलेर सरकारमा जाँदा प्रतिपक्ष पनि कमजोर हुन्छ र संविधान अनि राज्यसमेत कमजोर हुन्छ ।’
उनले जनताको विश्वास भए संबिधान अनुसार नै राजतन्त्र फिर्ता हुने दावी गर्दै जनताको विश्वास भए संविधानमा हिन्दू राज्य र राजतन्त्र आउन सक्ने बताए ।  संवैधानिक राजतन्त्र र हिन्दू राज्यको मागमा कत्ति पनि बिचलित नभएर पनि सरकारमा छिरेको दावी गर्दै राप्रपा नेपालका अध्यक्ष समेत रहेका थापाले भने ‘के सम्भव छ भनेर हामी यो मागमा अडेका होइनौँ, के आवश्यकता हो भन्ने कुराले हामी राजतन्त्र र हिन्दू राज्य मागेका हौँ ।’
थापाले कुनै पनि व्यवस्था परिवर्तन गर्नका लागि अब फेरि पहिलाको जस्तै आन्दोलन नै गर्नु अवस्था नरहेको उल्लेख गर्दै भने,‘संविधानकै माध्यमबाट आफ्ना मान्यता स्थापित गराउन सकिन्छ, अब आफ्ना माग पूरा गराउनका लागि बन्दूक बोकेर जंगल पनि जानु पर्दैन, सिमामा बसेर नाकाबन्दी पनि गर्नुपर्दैन ।’

उनले संविधानप्रति राप्रपा नेपालको समेत असन्तुष्टि रहेको र बहुमतको कदर गरेर राप्रपाले संविधान स्विकारेको पनि बताए । ‘हो, यो संविधानमा हाम्रो पार्टीका आधारभूत मान्यताहरुसमेत समेटिएका छैनन् तर, अत्यधिक बहुमतले त्यसलाई पारित गरिसकेपछि त्यसलाई स्विकार गर्नु प्रजातिन्त्रक आदर्श हो ।’ उनले भने ।
संविधानमा कुनै पनि कुरा अपरिवर्तनीय नभएको दाबी गर्दै थापाले अब आफ्ना मान्यताहरु प्नि राप्रपाले संविधानकै माध्यमबाट स्थापित गर्ने दाबी समेत गरे । उनले आगामी अध्यावधिक चुनावमा राप्रपाले त्यो मुद्दामा जित हासिल गर्ने दाबी पनि गरे ।

काठमाडौं,चैत २५ । हार्छु भन्दाभन्दै पनि नेता रामचन्द्र पौडेल संसदीय दलको नेतामा उम्मेदवार बन्दै पराजित भएका छन् । एक महिना अघि उनै पौडेल देउवासँगै पराजित भएका थिए । 

१. प्रतिपक्षी दलको प्रतिपक्षी नेता बन्ने रणनीति
रामचन्द्र पौडेललाई थाहा थियो– संसदीय दलको निर्वाचन जितिन्न । तर, देउवासाग प्रतिस्पर्धा गर्न अरू कसैलाई पठाउादा उही नै शक्तिकेन्द्र बन्ने भय उनलाई थियो । महाधिवेशन र दलको चुनावमा हारे पनि देउवाको प्रतिस्पर्धी पौडेलबाहेक अरू कोही छैन भन्ने उनी पुष्टि गराउन चाहन्थे ।

२.कोइराला परिवारको मनोविज्ञान
सुशील कोइरालाको उत्तराधिकारी बन्न खोजेका शशांक, शेखर र सुजाताले बाध्य भएर महाधिवेशनमा पौडेललाई नेता मान्नुपर्‍यो । दलको नेतामा अर्कोलाई अघि सार्दा ऊ पनि अगुवा बन्छ भन्ने कोइराला परिवारको मनोविज्ञानले अरूलाई अगाडि आउन दिएन । पौडेल नै उम्मेदवार भए ।

३. प्रकाशमान र रामशरणको स्वार्थ

प्रकाशमान सिंह र डा. रामशरण महत संसदीय दलको उम्मेदवार हुन चाहन्थे । यसपालि पराजित भए पनि पुरानो संस्थापनको नेता हुन सकिन्छ भन्ने उनीहरूको आाकलन थियो । तर, आफूले नपाउने अवस्थामा आफूसरहको अर्को नेता अगाडि नजाओस् भन्नेमा पनि यी दुवै चनाखो थिए । त्यसैले उम्मेदवारको रूपमा पौडेलको विकल्प भएन ।

चुनावको सन्देश
महाधिवेशनमा पौडेल समूहबाट महामन्त्रीमा उठेका शशांक कोइरालाले आठ सय मतान्तरले जिते । जिल्ला राजनीतिमा सीमित सीतादेवीले समेत उनकै समूहबाट कोषाध्यक्षमा जितिन् । तर, पौडेलले पाँच सय २६ मतान्तरले हार्दा उनलाई पुरानो संस्थापनका सबैले नेता मानेनन् भन्ने त्यतिवेलै पुष्टि भएको थियो । तर, दलको निर्वाचनसम्म आइपुग्दा पौडेलले पुरानो संस्थापनलाई एकतिहाइ मतमा झारे ।

संसदीय दलको नेतामा शेरबहादुर देउवालाई निर्विरोध छाडेर सहमतिका लागि नैतिक दबाब दिने अस्त्र पौडेलसँग थियो । त्यसो गर्दा पुरानो संस्थापन यति कमजोर भयो भनेर छर्लंग देखिने थिएन । तर, गिरिजाप्रसाद कोइराला र सुशील कोइरालाले नेतृत्व गरेको समूहलाई यति छिट्टै एकतिहाइमा खुम्च्याएको अपजस पक्कै पनि पौडेललाई जान्छ । यो चुनावपछि उनी त्यसो समूहका नेता रहिरहन राजनीतिक रूपमा पनि समस्या छ ।
-नयाँ पत्रिका 

काठमाडौं,चैत २६ । गृहमन्त्री शक्ति बस्नेतको आडमा एकीकृत नेकपा माओवादी जिल्ला नेतृत्वको सहयोगमा काभ्रेको पनौति नगरपालिका २ सुब्बागाउँमा रहेको नवज्योती ग्यासेस प्रालीले उत्पादन गर्ने अक्सिजन ग्यासमा दश दिनदेखि लगाएको ताला अझै खुल्न सकेको छैन ।

अक्सिजन ग्यास उत्पादन गर्दै आएको उक्त प्रालिमा २०७२ सालमा मात्रै पाँचौपटक ताला लागेको नेपाल समाचार पत्र दैनिकमा समाचार छ । पछिल्लो समय २०७२ साल चैत १५ गते माओवादी कार्यकर्ता पनौती-२ सुब्बा गाउँकै इन्द्रकुमार श्रेष्ठको नेतृत्वमा गएको एक दर्जन कार्यकर्ताहरुको समूहले ताला लगाइदिएको हो ।

प्रशासन, प्रोडक्सन र वितरण कक्षमै ताला लगाइदिएपछि कम्पनिले उत्पादन गर्दै आएको अक्सिजन, लिक्विड नाइट्रोजन र नाइट्रोजन उत्पादन नै ठप्प भएको छ,’ कम्पनीका म्यानेजर उत्तम गौतमले भने, ‘अक्सिजन उत्पादन नहुँदा सर्वसाधारण जोखिममा परेका छन् ।’