काम छाडेर किस्पाङका प्रमुख जोशी नेकपाको चियापानमा

<p>किस्पाङ । नुवाकोटको किस्पाङ गाउँपालिकाको प्रमुख प्रशासकीय अधिकृत (हाकिम) कृष्णराज जोशी कार्यालयको काम छाडेर बुधबार काठमाडौमा आयोजित नेकपाको चियापान कार्यक्रममा सहभागी भएका छन् । <br><br>किस्पाङ गाउँपालिकाको कार्यालयको प्रमुख भएर आएदेखी नै विभिन्न विवादमा तानिने गरेका र जनतालाई सेवा प्रवाहका क्रममा क्रियाशिल नभएको आरोप लाग्ने गरेका जोशी कार्यालयको काम छाडेर नेकपाको चिया खान काठमाडौ पुगेका हुन् । <br><img style="width: 815px;" src="https://topnepalnews.comuploads/posts/a221a8e1b280e0cd642131b4ed22ee1b1571319379.jpg"><br>उनी बुधबार कार्यालयमा नआएको र बिदा समेत नलिई सम्पर्क बिहिन भएकोमा साँझ नेकपाको चियापानमा सहभागि भएको फोटो र भिडियो बाहिर आएको हो । राज्य सञ्चालन गर्दै आएको पार्टीले आयोजना गरेको चियापानमा उपत्यका बाहिरको गाउँपालिकाको कार्यालयको प्रमुख जोशी चिया खान काठमाडौ पुग्नु सामान्य विषय भएपनि कार्यालयमा अनुपस्थित हुनको लागी बिदा नलिनु र पार्टीको कार्यक्रममा सरिक हुनुले कर्मचारीमा छाडापनको उदाहरणको रुपमा लिन सकिन्छ । <br><br>प्रमुख प्रशासकीय अधिकृत जोशीको अनुपस्थित भएको सम्बन्धमा गाउँपालिकाको कार्यालय र गाउँपालिकाको अध्यक्षतथा उपाध्यक्ष बेखबर रहेका छन् भने सेवाग्राही दिनभर कार्यालयमा उनको प्रतीक्षामा बसेका थिए । किस्पाङमा प्रमुख प्रशासकीय अधिकृत भएर आएदेखि नै उनी राजनीिितक पूर्वाग्रही भएर सेवा प्रवाह गर्ने र गाउँपालिकाले बनाएको लक्ष्य अनुसार काम गर्न विभिन्न कानूनी अबरोध र कर्मचारी अभाव देखाएर पन्छदै आउने गरेका थिए । </p><p><img style="width: 815px;" src="https://topnepalnews.comuploads/posts/5ace2eea0b2e1ff668a60be207317a681571319390.jpg"><br></p><p><br>राज्य पुर्नसंरचना पश्चात गठन भएका स्थानीयतहमा कर्मचारी अभावका कारण स्थानीय सरकारले परिकल्पना गरे अनुसार सेवा दिन कठिनाई कायम रहेको अबस्थामा राष्ट्रसेवक कर्मचारी भएर कार्यालयको काम छाडेर पार्टीको चिया खानकै लागी नुवाकोटको किस्पाङदेखि काठमाडौसम्म पुग्नुलाई उनी कतिसम्म काम चोर प्रवृत्ति र राजनीति गुलामीमा लिप्त रहेको भन्ने प्रमाणको रुपमा लिन सकिन्छ । </p><p><img style="width: 815px;" src="https://topnepalnews.comuploads/posts/7ab48b62dbcae85095763aa8054bbcd31571319397.jpg"><br>जिल्लामा दशै लागेदेखि अहिलेसम्म नै कतिपय कार्यालयका प्रमुख सहित ठूलो सङ्ख्यामा कर्मचारीहरु अनुपस्थित रहेको सेवाग्राहीको गुनासो छ । उक्त गुनासोको सम्बोधन गर्नको लागी प्रमुख जिल्ला अधिकारी द्रोण पोखरेलले सक्रियता देखाएर अनुगमन गर्ने, छड्के हाजिर हेर्ने, स्पष्टिकरण सोध्ने, सचेत गराउने तथा कारबाहीको लागी सिफारिस गर्ने अधिकारी भएपनि उनले पनि वेवास्था गर्दै आएका छन् ।&nbsp; <br></p>