24.59¡ÆC
नुवाकोट । स्टार नुवाकोट अस्पताल प्रा.लि., विदुर–२, नुवाकोटमा अर्थोपेडिक (हाडजोर्नी तथा नशा रोग विशेषज्ञ) सर्जन डा. सन्देश महर्जन रामद्वारा विशेष विशेषज्ञ ओपिडी सेवा सञ्चालन गरिएको छ ।
नियमित रूपमा प्रत्येक शनिबार विशेषज्ञ ओपिडी सेवा प्रदान गर्ने क्रममा आज (शनिबार) कम्मर दुख्ने, ढाड दुख्ने, घुँडा दुख्ने, हातखुट्टा झमझमाउने लगायत हाड तथा नशासम्बन्धी समस्या भएका बिरामीहरूको स्वास्थ्य परीक्षण गरिएको थियो।
यस अन्तरगत नि:शुल्क रुपमा BMD (Bone Mineral Density) स्क्यान मार्फत हड्डीको घनत्व जाँच सेवा पनि उपलब्ध गराइएको हो।
विशेषज्ञ ओपिडी सेवामा आएका ३५ जना बिरामीमध्ये १८ जनामा हड्डीको घनत्व कमजोर (Osteopenia/Osteoporosis संकेत) देखिएकाले आवश्यक उपचार तथा स्वास्थ्य सावधानी अपनाउन चिकित्सकले सुझाव दिनुभएको स्टार नुवाकोट अस्पतालका व्यवस्थापक स्वयमकृष्ण राजभण्डारीले जानकारी दिनुभयो।
उहाँका अनुसार अस्पतालले हरेक हप्ता नियमित रूपमा विशेषज्ञ ओपिडी सेवा सञ्चालन गर्दै आएको छ।
