28.12¡ÆC
१ बैशाखा, काठमाडौं ।
एकीकृत माओवादीका अध्यक्ष पुष्पकमल दाहालले मुलुकलाई नयाँ चरणमा पुर्याउन र आर्थिक समृद्धिमा अघि बढाउने महत्वपूर्ण अवसरलाई कार्यान्वयन गर्न सबै देशभक्त शक्ति एकजुट हुनुपर्ने बताउनुभएको छ ।
पार्टी केन्द्रीय कार्यालय पेरिसडाँडामा सहिद परिवार समाज र राज्यद्वारा बेपत्ता योद्धा परिवार समाजको संयुक्त प्रशिक्षण भेलालाई आज सम्बोधन गर्दै उहाँले सबै खाले बाधा व्यवधानलाई छिचोलेर अगाडि बढ्ने र जनताको भावनालाई सम्मान गर्दै जाने प्रतिबद्धता व्यक्त गर्नुभयो ।
माओवादीमा विश्वास गर्ने शक्तिहरुबीचको एकता प्रक्रिया छिट्टै लक्षित उद्धेश्यमा पुग्ने विश्वास उहाँले ब्यक्त गर्नुभयो ।
सशस्त्र द्वन्दका बेला मृत्यु भएका तथा वेपत्ता भएकाहरुका सपना पूरा गर्न आफु प्रतिवद्ध भएको पनि अध्यक्ष दाहालले बताउनुभयो ।
