आजबाट सहिदको सम्झनामा सहिद सप्ताह सुरु

<p>काठमाडौं ।<br>देश र जनताका लागि विभिन्न आन्दोलनमा ज्यान उत्सर्ग गर्ने बिर सहिदहरुको सम्झनामा आजबाट सहिद सप्ताह सुरु भएको छ ।<br><br>शहिद शुक्रराज शास्त्रीलाई टेकुको पचलीमा हत्या गरिएको आजकै दिनको स्मरणमा आजबाट शहिद सप्ताह एक हप्ता मनाउँदै आइएको छ ।<br><br>तत्कालीन जहानियाँ राणा शासकले विक्रम सवतं १९९७ माघ १० गते शास्त्रीलाई पचलीस्थित रुखमा झुन्डाएर मृत्युदण्ड दिएको थियो ।<br><br>यस्तै माघ १३ गते सिफलमा धर्मभक्त माथेमा तथा माघ १५ गते दशरथ चन्द र गङ्गालाल श्रेष्ठलाई शोभाभगवतीमा गोली हानी मृत्युदण्ड दिएका थिए ।<br><br>सात दिन सहिद सप्ताह मनाएपछि माघ १६ गते सहिद दिवस मनाउने गरिन्छ । हरेक वर्ष माघ १० गतेदेखि सात दिन सहिद सप्ताह मनाउने गरिएको छ ।<br><br>पछिल्लो समय भने कथित सहिदको नाममा दलिय झण्डा ओडेर दलिय आन्दोलनमा मारिदएका देखी देश बिरुद्धनै भएका आन्दोलनमा मारिदएकालाई समेत शहिद घोषणा र शहिद घोषणा गर्दै १० लाख रुपैयाँ क्षतिपुर्ती लिने क्रम बढेको छ । जसले गर्दा असल शहिदहरुको अपमान हुन थालेको असन्तुष्टिहरु बढ्दै गइरहेको छ ।<br><br><br></p>