जापानका नेपाली नचाउन र हँसाउन आएका कलाकारको भव्य स्वागत, कार्यक्रम भोली ४ बजे

<p>टोकियो ।<br>परोपकारी कामको लागि सहयोग जुटाउन आयोजित सांस्कृतिक कार्यक्रममा जापानमा रहेका नेपालीहरुलाई गाउँदै नचाउन र हँसाउन चर्चीत गायक गायिका सहित हांस्य कलाकारको टोलि जापान आइपुगेको छ ।<br><br>भोली आइतबार हुने कार्यक्रमको लागि लोकप्रिय गायिका इन्दिरा जोशि सहित आधा दर्जन कलाकारहरु आज बिहान जापान आइपुगेका हुन् ।<br><br>कलाकारहरुलाई नारिता बिमानस्थलमा आयोजक संस्था रामेछाप समाज जापानका पदाधिकारी सहित युवा व्यवसायि भुवन अधिकारीले स्वागत गर्नुभएको थियो ।<br><br>पुस्पगुच्छा र खादा ओडाएर स्वागत गरिएका कलाकारहरु जापान आइपुगेपछि भोलि हुने कार्यक्रममा उपस्थित नेपालीहरुलाई नाच्न, गाउन र हँसाउन कुनै कसर बाँकी नराख्ने भन्दै उपस्थितिको लागि अनुरोध गरेका छन् ।<br><br>रामेछाप सांगीतिक साँझ २०१६ नाम दिइएको कार्यक्रमबाट आयोजकले ‘बाँचौं र बचाऔं, मानव सेवा नै हाम्रो धर्म हो’ भन्ने मूल नाराका साथ सिन्धुपाल्चोक जिल्लामा एम्बुलेन्स र स्वास्थ्य सामाग्री प्रदान गर्ने लक्ष्य राखेको छ ।<br><img src="https://topnepalnews.comuploads/posts/ec5ef5507ccc3bdc5178039f5baf20431481363234.jpg" style="width: 615.846px; height: 821.317px;"><br>आयोजक संस्थाका अध्यक्ष उत्तम कुमार श्रेष्ठका अनुसार कार्यक्रममा नेपालबाट पप तथा आधुनिक गायिका इन्दिरा जोशी, गायक अल्मोडा राना उप्रेती, लोक तथा दोहोरी गायिका गीता सेन्चुरी, गायक तारा प्रकाश लिम्बु, लोक गायिका पार्वती कार्की, गायक अमृत खाती, गायिका सिर्जु अधिकारी, हाँस्य ब्यंग्य कलाकार मरिचमान श्रेष्ठ उर्फ बल्छी धुर्वे आइपुगेका छन् ।<img src="https://topnepalnews.comuploads/posts/240da05043a9ac2012649ff45cd9ae371481363318.jpg" style="width: 654px; height: 335.821px;"><br><br>कार्यक्रम भोलि आइतबार ११ तारिखका दिन टोकियोस्थित इकेगामी हलमा दिउँसो ४ बजेबाट सुरु हुने भएको छ ।<br><br>आयोजक संस्थाका तर्फवाट अध्यक्ष उत्तम कुमार श्रेष्ठले कार्यक्रम सफल बनाउन हालसम्म सहयोग गर्ने सबै सहयोगी र सुभेच्छुक प्रति धन्यवाद व्यक्त गर्दै भोलि हुने कार्यक्रम सफल बनाउन उपस्थितिको लागि अनुरोध सहित सामाजिक हितको लागि आयोजित कार्यक्रम सफल बनाउन सक्दो सहयोग गरिदिनुहुने समेत अनुरोध गर्नुभएको छ ।<br></p>