यौन शोषण र समस्यामा परेका विद्यार्थीलाई नेसाजले सहयोग गर्ने

<p>टोकियो ।<br>नेपाली विद्यार्थी समाज जापानले ओकिनावामा अध्ययनरत समस्यामा परेका मनेपाली विद्यार्थीहरुलाई सहयोग अभियान सुरु गरेको छ ।<br><br>सो क्षेत्रमा अध्ययनरत नेपाली छात्रामाथि यौन शोषण तथा विभिन्न मानव अधिकार हनन समेत हुने गरेको खवरपछि विद्यार्थी समाजले सहयोगको अभियान सुरु गर्न लगेको हो ।<br><br>समाजले सो क्षेत्रका विद्यार्थीहरुको लागि सहयोग गर्न ओकिनावा सिटी संयोजक कृष्ण घिसिगं मार्फत सहयोग अभियान सुरु गरेको जनाएको छ ।<br><br>नेसाज अध्यक्ष दीपक विक्रम थापा क्षेत्रीको नाममा जारी विज्ञप्ति अनुसार सबै विद्यार्थीहरुलाई एकजुट हुन आग्रह समेत गरिएको छ ।<br><br>सहयोग लिनको लागि सम्पर्कमा आउन र आफ्ना समस्याहरु बताउन अनुरोध गर्दै समाजले ओकिनावा संयोजक घिसिंगको फोन नम्वर ०८०-४६९५-४०९७ मा सम्पर्क राख्न अनुरोध गरेको छ ।<br><br>जापान ओकिनावामा अध्ययनरत नेपाली युवतीहरुमाथि यौन शोषण र समस्यामा परेको खवर सार्वजनिक भएपछि विभिन्न क्षेत्रबाट चासो व्यक्त गरिनुका साथै नेपाली राजदूतावास जापानले समेत दोसी उपर कारवाहीको प्रक्रिया अघि बढाएको बताएको छ ।<br></p>