भूकम्प र सुनामीबाट जापानमा रहेका नेपाली सुरक्षित

<p>टोकियो ।<br>जापानको फुकुसीमा केन्द्र भएर आज बिहान गएको ७.३ रेक्टर स्केलको शक्तिशालि भूकम्पबाट सो क्षेत्रमा रहेका नेपाली सहित जापानमा रहेका नेपालीहरु सुरक्षित भएको पाइएको छ ।<br><br>भूकम्पको मापन अधिकाशं जापानी सञ्चार माध्यमहरुले ७.३ रेक्टर स्केलको मापन गरिएको उल्लेख गरेको छ । तर केही मिडियाहरुले भने अमेरिकी भूगर्भ विभाग युएसजिएसलाई आधार मानेर अधिकतम ७.४ रेक्टरसम्म मापन गरिएको भन्दै भूकम्पको मापन ७.४ रेक्टर उल्लेख गरेका छन् ।<br><br>जापानस्थित नेपाली राजदूतावास तथा गैर आवासिय नेपाली संघ जापानमा हालसम्म नेपालीहरु गम्भिर रुपमा प्रभावित भएको खवर नआएको बताइएको छ ।<br><br>यसैगरि जापान सरकारले फुकुसीमा क्षेत्रमा हालसम्म कोही पनि गम्भिर रुपमा घाइते नभएको भन्दै भूकम्पका क्रममा जोगिन दौडंदा केही व्यक्ति सामान्य घाइते मात्र भएको पाइएको बताएको छ ।<br><br>भूकम्पबाट कुनैपनि भौतिक संरचनामा गम्भिर क्षति नपुगेको जापानको भूकम्प तथा मौसम मापन केन्द्र जापान मेटेरोलोजिकल एजेन्सीका प्रमूखले एक पत्रकार सम्मेलन मार्फत बताएका छन् ।<br><br>भूकम्पपछि ३ मिटर वा सो भन्दा माथिसम्मको सुनामी आउनसक्ने बताइएको छ । यो सूचना जारी भएपछि जापानी समय अनुसार बिहान १० बजेसम्ममा १ मिटर सम्मका सामुन्द्रिक छालहरु देखा पर्न थालिसकेका छन् भने यसबाट कुनैपनि असर परिसकेको छैन ।<br><br>भूकम्पपछि सुनामीको चेतावनी जारि गरिएका क्षेत्रमा अग्लो घर तथा स्थानमा जान सूचना जारि गरिएको छ । साथै अत्यावश्यक सामग्री साथमा लैजान समेत भनिएको छ ।<br><br>हालसम्म सो क्षेत्रमा रहेका नेपालीहरु गम्भिर समस्यामा परेको तथा असर परेको खवर कतै आइसकेको छैन । यसबारेमा टपनेपालन्युजडटकमले सो क्षेत्रमा रहेका नेपालीसँग सम्पर्क र जानकारी लिने काम गरिरहेको छ भने अन्य सञ्चार माध्यम र व्यक्तिहरुले समेत यस बारेमा जानकारी दिइराखेका छन् ।<br><br>यसैगरि फुकुसीमा क्षेत्रमा सन् २०११ मा आएको यस्तै खाले शक्तिशालि भूकम्पबाट असर पारेको न्यूक्लियर प्लान्टमा समेत अहिलेसम्म कुनै असर नपरेको र हालसम्मको अवस्था हेर्दा यो सुनामीबाट न्यूक्लियर प्लान्टमा असर पर्ने नदेखिएको भन्दै जापान सरकारले सबै न्यूक्लियर प्लान्ट तत्काल बन्द गरिसकिएको जनाएको छ ।<br><br>सामाजिक सञ्जालहरुमा आएका ठूलो भूकम्प, सुनामी जस्ता कुरा र नेपालबाट सञ्चालित केही अनलाईनले तथ्य बाहिर गएर गम्भिर र डरलाग्दा तस्विर सहितका समाचार राखेपनि त्यसको भर पर्न तथा नआत्तिन जापानमा रहनुभएका नेपालीका नेपालमा रहनुभएका सबै आफन्त, मित्र तथा शुभचिन्तक र नेपालीमा टपनेपालन्यजडटकम परिवार अनुरोध गर्दछ ।</p><h3><a target="_blank" href="https://topnepalnews.comjapan/5999">जापानमा ७.३ रेक्टरको शक्तिशालि भूकम्प, सुनामीको चेतावनी (LIVE VIDEO/अपडेट)</a></h3><h3><a target="_blank" href="https://topnepalnews.comjapan/6000">सुनामीको खतरा/असरबाट बच्न यि उपाय अपनाइ हाल्नुस् </a><br><br><br></h3>