जापानमा ७.३ रेक्टरको शक्तिशालि भूकम्प, सुनामीको चेतावनी (LIVE VIDEO/अपडेट)

<p>२२ नोभेम्वर, टोकियो ।<br>जापानमा आज बिहान स्थानिय समय अनुसार बिहान ६ बजेर २ मिनेटमा ७.३ रेक्टर स्केलको शक्तिशाली भूकम्प गएको छ ।<br><br>भूकम्प जापानको फुकुसीमा, इबाराकी केन वकी केन्द्र भएर गएको भूकम्प लगत्तै तटीय क्षेत्रहरुमा सुनामीको चेतावनी जारी गरिएको छ ।<br><br>जापानको भूकम्प मापन केन्द्र जापान मेटेरोलोजिकल एजेन्सीले आफ्नो अनलाईनमा उल्लेख गरे अनुसार सुनामीको चेतावनी विशेषगरि फुकुसीमा क्षेत्रको भूकम्प केन्द्र रहेको नजिकका तटिय क्षेत्रमा जारी गरिएको छ । सुनामी १० मिटर उचाइ सम्मको आउन सक्ने समेत जापान मेटेरोलोजिकल एजेन्सीलाई उदृत गर्दै विविसीले उल्लेख गरेको छ ।<br><br>भूकम्पको अनुभव जापानभर गरिएको थियो । भूकम्पको मापन उच्चतम ७.३ रेक्टरको मापन गरिएको र यो ६.९ रेक्टरको न्युनतम मापनमा रोकिएको अमेरिकी भूगर्भ विभागलाई उदृत गर्दै इन्डिपेन्डेन्ट समाचार संस्थाले उल्लेख गरेको छ ।<br><br>जापान सरकारले भूकम्प पछि सुनामीको चेतावनी जारि गरिएका तटिय क्षेत्र सचेत रहन भन्दै घर बाहिर ननिक्लन अनुरोध सहित उक्त क्षेत्रमा आवश्य उद्दार र सहयोगको लागि निर्देशन दिइसकेको जापानी टेलिभिजनहरुले प्रशारण गरिररहेका छन् ।<br><br>जापानी अधिकारीहरुले फुकुसीमा क्षेत्रको तटिय क्षेत्रमा सुनामीको गम्भिर खतरा बढेको भन्दै त्यहाँ रहेका नागरिकहरुलाई अग्लो घर तथा अग्लो क्षेत्रहरुमा जान अनुरोध गरेको छ ।<br><br>आफुहरुले उद्दार टोलीलाई तत्काल खटाइसकेको भएपनि त्यो ढिलो हुनसक्ने भन्दै तत्काल सुरक्षित स्थानमा जान जापानी अधिकारीहरुले विशेष अनुरोध गरिरहेका छन् ।<br><br>सुनामी २० किलोमिटरको प्रतिघण्टामा आउने देखिएको र यो विनाशकारी समेत हुनसक्ने भन्दै जापानी अधिकारीहरुले टेलिभिजन, रेडियो तथा मोबाइलमा सन्देश पठाएर उक्त क्षेत्रमा रहेका नागरिकहरुलाई हट्न भनिरहेका छन् ।
<iframe src="https://www.youtube.com/embed/THDSw83y7JU" allowfullscreen="" width="640" frameborder="0" height="360"></iframe>
</p><p>………..<br>यस्तै समुन्द्र किनार क्षेत्रमा खतराको घण्टी एकोहोरो बजाइ राखिएको छ । जापानी अधिकारीहरुले विशेषगरि प्रत्यक्ष टेलिभिजन मार्फत तत्काल समुन्द्र किनारमा रहेका घरमा रहेका नागरिकलाई अग्लो स्थानमा जान अनुरोध गरिरहेका छन् ।<br><br>अग्लो स्थान नभएमा अग्लो घरमा जान भनेका छन् । साथमा न्यानो कपडा र अत्यावश्यक सामग्री केही साथमा लैजान समेत भनेका छन् ।</p><p><br>पहिलो ७.३ रेक्टर स्केलको शक्तिशालि भूकम्प लगत्तै पुन सोही मापन केन्द्रको भूकम्प गएको थियो । त्यसपछि पनि ५ रेक्टर स्केल र त्यो भन्दा साना भूकम्पको पराकम्पनहरु गइरहेका छन् ।<br><br>सुनामी ६० सेन्टिमिटर सम्मको अग्लो छाल सहित आउने र यो त्यो भन्दा बढी पनि हुनसक्ने जापानी अधिकारीहरुले बताइरहेका छन् ।<br>…………….
<br><iframe src="https://www.youtube.com/embed/MpV7epyOAGo" allowfullscreen="" width="660" frameborder="0" height="415"></iframe>
<br>सुनामीको चेतावनी जारि गरिएका क्षेत्रमा हेलिकोप्टर सहितको विशेष उद्दार टोली व्यापक खटाएको बताएको छ ।</p><p>साथै जापानी अधिकारीहरुले सुनामीको चेतावनी जारि गरिएको क्षेत्रमा खतरा हटेको सूचना जारि नभएसम्म नफर्कन समेत अनुरोध गरेका छन् ।<br><br>भूकम्प पछि कुनै गम्भिर क्षति वा मृत्यु र घाइते भएका खवर नआइसकेको भन्दै जापानी अधिकारीहरुले आफुहरुले नजिकबाट सुनामीको खतरालाई नियालीरहेको बताए ।</p><p><br></p>
<iframe src="https://www.youtube.com/embed/2weY8rSnkUM" allowfullscreen="" width="660" frameborder="0" height="415"></iframe>
<iframe src="https://www.youtube.com/embed/MgxN7SKG0g0" allowfullscreen="" width="660" frameborder="0" height="415"></iframe>
<iframe src="https://www.youtube.com/embed/EDPY4aLifPs" allowfullscreen="" width="660" frameborder="0" height="415"></iframe>