भारु पाँच सय र हजारको नोटमा प्रतिबन्ध

<p>एजेन्सी ।<br>भारतले आफ्ना पाँच सय र एक हजारको नोट प्रयोगमा प्रतिबन्ध लगाएको छ ।<br><br>मंगलबार साँझ भारतीय प्रधानमन्त्री नरेन्द्र मोदीले राष्ट्रका नाममा सम्बोधन गर्दै मध्यरात १२ बजे आजैबाट पाँच सय र १ हजार रुपैयाँका नोट प्रयोगमा प्रतिबन्ध लगाइएको घोषणा गरेका हुन् ।<br><br>जाली नोट कारोबारीलाई निरत्साहित गर्न भन्दै भारतले आफ्नै मुलुकभित्र त्यस्ता नोट प्रयोगमा प्रतिबन्ध लगाउनुपरेको जनाएको छ ।<br><br>यसअघि भारतको अनुरोधमा नेपाल सरकारले बर्षौंदेखि नेपालभित्र पाँच सय र १ हजार भारतीय रुपैयाँको नोट प्रयोगमा प्रतिबन्ध लगाएको थियो ।<br><br>टेलिभिजन सम्बोधनमा मोदीले त्यस्ता नोट साथमा भएका प्रयोगकर्ताहरुले डिसेम्बर ३० तारिखभित्र बैंकमा जम्मा गर्न अनुरोध समेत गरेका छन् ।<br><br>सरकारले पुराना नोटको सट्टा नयाँ पाँच सय र २ हजार दरका नोट प्रयोगमा ल्याउने बताएको छ ।<br><br>पुराना नोटको सट्टा नयाँ नोट प्रयोगमा ल्याउन बुधबार भारतका अधिकांश बैंकहरु बन्द रहनेछन भने एटीएमले पनि काम नगर्ने भएको छ ।<br><br>सर्वसाधारण सुविधालाई ध्यान दिँदै दुई दिनसम्म अस्पतालहरुले भने पुरानै पाँच सय र एक हजारका नोट लिनेछन् ।<br></p>