25.12¡ÆC
<p>२३ कार्तिक, काठमाडौं ।<br><br>अमेरिकामा राष्ट्रपति पदका लागि आज निर्वाचन हुदै छ । निर्वाचन हुन केहि घण्टा मात्र बाँकी रहदा राष्ट्रपतिका प्रत्याशी डेमेक्र्याटिक पार्टीकी हिलारी क्लिन्टन र रिपब्लिकन पार्टीका डोनाल्ड ट्रम्प प्रष्ट बहुमत नभएका राज्यहरुमा चुनावी सभामा व्यस्त रहेका छन ।<br><br>उनिहरुले पेन्सलभानिया, नर्थ क्यारोलिना, फ्लोरिडा, न्यूह्यामसायर, ओहायो लगायतका राज्यहरुमा आयोजित सभाहरुलाई संवोधन गरिरहेका छन । <br><br>पेन्सलभानियामा डेमेक्र्याटिक पार्टीका तर्फबाट आयोजित आमसभालाई राष्ट्रपति बाराक ओबामाले संवोधन गरेको केही घण्टा पछि अहिले पेन्सलभानियामा नै रिपब्लिकन पार्टीका उम्मेदवार डोनाल्ड ट्रम्पले मतदाताहरुलाई संवोधन गरिरहेका छन ।<br><br>राष्टपतिका उम्मेदवारहरुले आम सभालाई संवोधन गरिरहदा पार्टी कार्यकर्ता र स्वयं सेवकहरुले स्थानिय पार्टी कार्यालयहरुमा बसेर टेलिफोन मार्फत मतदाताहरुलाई मतदानका लागि आग्रह गरिरहेका छन । अमेरिकामा घर घरमा गएर मतदानका लागि आग्रह गर्ने र फोनबाट मतदानका विषयमा जानकारी गराउने प्रचार प्रसारको महत्वपूर्ण माध्य रहेको छ ।<br><br>स्थानिय पार्टी कार्यालयहरुमा रहेका स्वयं सेवकहरुले फोन मार्फत मतदाताहरुलाई मतदानका लागि आग्रह गर्ने, मतदान स्थलका बारेमा जानकारी दिने र मतदान केन्द्र सम्म पुग्न नसक्ने हरुका लागि यातायातको समेत व्यवस्था गरिरहेको अमेरिकाबाट हाम्रा संवाददाता अच्युत अर्यालले जनाएका छन ।<br><br>२० करोड मतदाता रहेको अमेरिकामा निर्वाचन शुरुहुन पूर्व भ्बचथि ख्यतष्लन मार्फत ४ करोड भन्दा बढि मतदाताले मतदान गरिसकेका छन । यस भन्दा अघिको निर्वाचनमा करिव २ करोडले भ्बचथि ख्यतष्लन गरेकोमा यस पटक धेरैले भ्बचथि ख्यतष्लन मार्फत मतदान गरेका छन । सन २०१२ को राष्ट्रपति निर्वाचनमा ६२ प्रतिशत मतदान भएकोमा यस पटक अझ बढि प्रतिशत मतदान हुने सर्वेक्षणले देखाएका छन ।<br><br>धेरै जसो राज्यहरुमा विद्युतिय मतदान यन्त्रको प्रयोग हुने र मतपत्र प्रयोगहुने राज्यहरुमा विद्युतिय मतगणना यन्त्रको प्रयोग हुने भएकाले निर्वाचन सकिए लगत्तै मत परिणाम आउन थाल्ने अमेरिकाको संघीय निर्वाचन आयोगले जनाएको छ । <br><br></p>
