भारतीय राष्ट्रपतिको नेपाल भ्रमण कार्यक्रम यस्तो छ

<p>१३ कार्तिक, काठमाडौं ।<br>राष्ट्रपति विद्यादेवी भण्डारीको मैत्रीपूर्ण निमन्त्रणामा भारतका राष्ट्रपति प्रणव मुखर्जीले यही कात्तिक १७ देखि १९ सम्म गर्ने नेपालको राजकीय भ्रमणको कार्यतालिका सार्वजनिक भएको छ । &nbsp;<br><br>कार्यतिलका अनुसार राष्ट्रपति भण्डारीले त्रिभुवन अन्तर्राष्ट्रिय विमानस्थलको अतिविशिष्ट कक्षमा भारतीय समकक्षीलाई स्वागत गर्नेछिन् । भारतीय राष्ट्रपतिले राष्ट्रपति भण्डारीसँग शीतलनिवासमा भेटवार्ता गर्नेछन् भने उनको सम्मानमा राष्ट्रपति भण्डारीले राजकीय भोजको आयोजना गर्ने कार्यक्रम रहेको परराष्ट्र मन्त्रायले जनाएको छ । <br><br>त्यसैगरी राष्ट्रपति मुखर्जी नेपालका लागि भारतीय राजदूत रणजीत रायले आयोजना गर्ने स्वागत समारोहमा सहभागी हुनेछन् ।<br><br>भारतका राष्ट्रपतिले कात्तिक १८ गते पशुपतिनाथको पूजाअर्चना गर्ने भएका भन् भने सोही दिन उनलाई काठमाडौँ विश्वविद्यालयले मानार्थ उपाधि प्रदान गर्ने भएको छ । सोही दिन भारतका राष्ट्रपतिको सम्मानमा नागरिक अभिनन्दन भन्दै सरकारी आयोजनामा हुने कार्यक्रममा सम्मान गरिने भएको छ ।<br><br>उनले नेपाल–भारत नीति अनुसन्धान प्रतिष्ठानले आयोजना गर्ने कार्यशालामा सम्बोधन पनि गर्ने भएका छन् ।<br><br>१८ गते नै मुखर्जीसँग राजनीतिक दलका नेताहरुले शिष्टाचार भेट गर्ने भएका छन् । भारतका राष्ट्रपतिले कात्तिक १९ गते जनकपुरको भ्रमण गरी जानकी मन्दिरमा पूजाअर्चना गर्ने तथा उनको सम्मानमा नेपाल सरकार र भारतीय दूतावासले तयार पारेको नागरिक स्वागत हुने भएको छ ।<br><br>सोही दिन भारतीय राष्ट्रपति मुखर्जी पोखराको भ्रमणमा जाने भएका छन् । भारतका राष्ट्रपतिबाट १८ वर्षपछि नेपालको भ्रमण हुन लागेको हो । यसअघि भारतका राष्ट्रपति के आर नारायणन नेपालको भ्रमणमा आएका थिए ।<br><br>मुखर्जी कात्तिक १९ गते काठमाडौँबाट नयाँदिल्ली प्रस्थान गर्ने कार्यक्रम रहेको पनि परराष्ट्र मन्त्रालयले आज जारी गरेको विज्ञप्तिमा जनाइएको छ । <br><br></p>