सेनाले बनाउने भयो तिब्बत जाने बाटो

<p>८ कार्तिक, गोरखा ।<br>गोरखाबाट तिब्बत जोड्ने सडक नेपाली सेनाले बनाउने भएको छ ।<br><br>रक्षामन्त्री बालकृष्ण खाँडले पृथ्वीराजमार्गको बेनीघाटबाट लार्केभोटसम्मको १ सय ८० किलोमिटर सडक निर्माणको जिम्मा नेपाली सेनालाई दिने जानकारी दिएका हुन्। यो खबर हामीले आजको अन्नपूर्ण पोष्टबाट लिएका हौ।<br><br>सेनाको हेलिकप्टरमा आइतबार तिब्बत सीमाना सामागाउँ गाविस पुगेर मन्त्री खाँडले आरूघाट हुँदै सामागाउँसम्मको सडक निर्माण गर्न सेनालाई जिम्मा दिने बताएका हुन्।<br><br>सोही हेलिकप्टरमा सामागाउँ पुगेका भौतिक पूर्वाधार तथा यातायातमन्त्री रमेश लेखकले तिब्बत जोड्ने रणनीतिक महत्वको बेनीघाट आरुघाट लार्के सडक निर्माण गर्न नेपाली सेनालाई दिने निर्णय सडक विभागले गरिसकेको बताए।<br><br>सडक योजना कार्यालय गोरखाका प्रमुख इन्जिनियर प्रेमप्रकाश खत्रीका अनुसार यो सडक करिब ८० किलोमिटर ट्रयाक खोल्ने काम भइसकेको छ। यसका लागि चालु आर्थिक वर्षमा १० करोड रकम विनियोजन गरिएको जानकारी उनले दिए।<br></p>