18.12¡ÆC
एजेन्सी,चैत २३ । पूर्वोत्तर भारतको मेघालयमा शक्तिशाली भूकम्पको धक्का अनुभव गरिएको छ। मेघालयको पूर्वी क्षेत्र तुरा नजिकै मंगलबार दिउँसो साढे १ बजे ५ रेक्टरस्केलको भूकम्प गएको अमेरिकी गूगर्व विभागले जनाएको छ। विभागका अनुसार भूकम्पको गहिराई जमिनको सतहबाट १० किलोमिटर छ।
भूकम्पको सबैभन्दा शक्तिशाली धक्का नागाल्यान्ड, मणिपुर सहितका सहरमा परेको भारतीय सञ्चार माध्यमहरुले जनाएका छन्। भारतको उत्तरपूर्वी सो क्षेत्र भूकम्पको उच्च जोखिममा रहेको मानिन्छ।
२३ दिन अघि आसाम केन्द्रविन्दू भएको ४।३ रेक्टरस्केलको भूकम्प गएको थियो। त्यसको एक दिनअघि बिरपाडा केन्द्रविन्दू भएको अर्को भूकम्प गएको थियो।
