जापानमा भूकम्पको ठूलो धक्का, सुनामीको चेतावनी, रेल सेवा अवरुद्ध

<p>५ कार्तिक, टोकियो ।<br>जापानमा केही बेर अघि ६.६ रेक्टर स्केलको भूकम्प पछि सुनामीको चेतावनी जारी गरिएको छ ।<br><br>जापान मेटेरोलोजिकल एजेन्सीका अनुसार स्थानिय समय अनुसार २ बजेर ७ मिनेटमा ६.६ रेक्टर स्केलको शक्तिशालि भूकम्प गएको हो ।<br><br>भूकम्पको केन्द्र तोत्तोरिकेन चुबु क्षेत्र रहेको र भूकम्पको केन्द्र जमिनदेखी मात्र १० किलोमिटर तल रहेको जनाइएको छ ।<br><br>भूकम्प पछि सुनामी चेतावनीसँगै शिंकनसेन रेल सेवा अवरुद्ध हुन पुगेको छ । रेल सेवा अवरुद्धसँगै लाखौं यात्रु प्रभावित भएका छन् ।</p><p>एनएचके टेलिभिजनका अनुसार ओसाका र हाकाता स्टेशन बीच सान्यो शिंकनसेल क्षेत्रका सबै रेल सेवा अवरुद्ध छन् । रेल सेवा विद्युत आपुर्ति अवरुद्धका कारण गर्नुपरेको जनाइएको छ ।<br><br>भूकम्पबाट भएको क्षति वा मानविय असरको कुनै जानकारी आइसकेको छैन । <br><br>भूकम्पको केन्द्र राजधानी टोकियोबाट ४३० माइल पश्चिममा रहेको छ । जापान सरकारले ६.६ रेक्टरको भूकम्प लगत्तै ५ रेक्टर र त्यो भन्दा केही साना भूकम्पको आधा दर्जन कम्पन गइसकेको भन्दै सचेत रहन आग्रह गरेको छ ।<br></p>