टोकियो विश्वको तेस्रो उत्कृष्ठ शहर

<p>टोकियो ।<br>विश्वकै तेस्रो आर्थिक सबल देशको सुचिमा रहेको जापान आफ्नो राजधानी टोकियोलाई विश्वकै उत्कृष्ठ तेस्रो नम्वरमा पार्न सफल भएको छ ।<br><br>जापानी समाचार संस्थाहरुले उल्लेख गरे अनुसार अनुसन्धान संस्था थिइङ्क ट्याङ्क संस्थाले विश्वका प्रमुख शहरहरुको सूचिमा टोकियोलाई तेस्रो स्थानमा राखेको छ ।<br><br>टोकियो यसअघि उत्कृष्ठ तीनमा थिएन । अधिल्लो बर्ष तेस्रो स्थानमा फ्रान्सको राजधानी पेरिस रहेकोमा टोकियोले पेरिसलाई पछि पारेको हो ।<br><br>भौतिक अवस्था, सुविधा, विकासका रणनीतिका आधारमा विश्वका प्रमुख शहरहरुको सुचिमा टोकियो तेस्रो नम्वरमा परेको हो ।<br><br>संस्थाले विश्वका प्रमुख शहरहरुको अर्थतन्त्र, संस्कृतिक अन्तरकृया र पहुँच, व्यक्ति व्यवसायीहरुको शक्ति निर्धारणका आधारमा सूचि तयार पार्ने गरेको बताएको छ ।<br><br>विश्वको उत्कृष्ठ शहरको सुचिमा बेलायतको राजधानी लण्डन पहिलो नम्वरमा रहेको छ । यसैगरि अमेरिकाको न्यूयोर्क सिटि दोस्रो नम्वरमा यसअघि जस्तै अडिग रुपमा रहेका छन् ।<br><br>पर्यटकको आगमन, रोजगारी समेतको आधारमा टोकियो तेस्रो उत्कृष्ठ शहरमा परेको संस्थाले उल्लेख गरेको छ ।<br><br>आगामी २०२० को ओलम्पिक आयोजना गर्ने विशेष तयारीमा रहेको टोकियो शहर यो सुचिमा परेपछि बढ्दै गएको पर्यटक आगमन अझै बढ्ने ठानिएको छ ।<br></p>