लोकमानको घरमा म्यान टाँस्न सामसुङका कर्मचारीको अवरोध, वडा सचिव गायव

<p>१ कार्तिक, काठमाडौं ।<br>भ्रष्टाचार निवारण गर्ने संस्था अख्तियार दुरुपयोग अनुसन्धान आयोगका प्रमूख रहेका बिवादीत प्रमुख आयुक्त लोकमानसिंह कार्कीलाई म्याद दिन सर्वोच्चले तेस्रो पटकमा पनि सकेन<br><br>सर्वोच्चले म्याद टाँस्न जाँदा सामसुङको कर्मचारी बताउने एक समुहले अवरोध गरेको छ भने वडा सचिव समेत अकस्मात गायव बनेर असहयोग गरेकी छिन् ।<br><br>कार्कीको घरमा म्याद टाँस्ने सर्बोच्च अदालतको प्रयास असफल भएको यो तेस्रो पटक हो ।<br><br>सामसुङको कर्मचारी बताउने केही युवाहरुले सर्बोच्चको तामेलदार नेतृत्वको टोलीलाई म्याद टाँस्न नदिएर आफुहरु भाडामा रहेको दाबी गर्दै फर्काएको हो ।<br><br>लोकमानसिंह कार्कीको नयाँ बानेश्वरस्थित घर उनिहरुले आफुहरुले भाडामा लिएको बताएका थिए । केहिबेरको बादविवादपछि सर्बोच्चको टोली म्याद समेत टाँस्ने हिम्मत नगरी फर्कीएको थियो ।<br><br>म्याद टाँस्नुअघि सर्बोच्चको टोली वडा कार्यालयमा पनि पुगेको थियो । रहोबरका लागि आउने बताएकी वडा सचिव सरिता राई एकाएक अन्तिम समयमा मात्र आउन नसक्ने भन्दै गायव बनेकी थिइन् ।<br><br>अख्तियार प्रमुखमा कार्कीको नियुक्तिसम्बन्धी मुद्धामा सुनुवाइका लागि अदालत आउन इन्कार गरेपछि सर्बोच्चले कार्कीको घरमा म्याद टाँस्ने प्रयास यसअघि दुईपटक असफल भइसक्दा समेत सर्वोच्चले सुचना टाँस्न सकेको छैन ।<br><br>सरकारी निवासमा बस्दै आएका कार्की दशैं अघि बिदा लिएर बिदेश गएकामा त्यसपछि बेखवर गुमनाम रहेका छन् । भ्रष्टाचार निवारण संस्थाको प्रमुख रहेका कार्की आफैं भ्रष्टाचारका दर्जनौं काण्डमा मुछिएका आलोचित व्यक्ति हुन् ।<br><br>कार्कीलाई अख्तियार प्रमुखमा हाल प्रधानमन्त्री रहेका पुष्पकमल दाहालको प्रस्तावमा नियुक्त गरिएको थियो भने काँग्रेस, एमाले सहितका दलका नेताहरुले स्विकृत गरेपछि तत्कालिन राष्टपति रामवरण यादवले रातारात शपथ खुवाएर नियुक्त गरेका थिए ।</p><p>स्मरणीय छ कार्कीलाई अख्यिार प्रमुखमा नियुक्त गर्न भारतका राष्टपतिले नै यादवलाई फोन गरेर दबाव दिएको समाचारहरु सार्वजनिक भइसकेका छन् ।<br>भारतीय आशिर्वाद र माओवादीको छत्रछायाँमा रहेका कार्कीले माओवादी लडाकु शिविरमा भएको अर्बौंको आर्थिक घोटाला छानविन गर्ने बताएपनि अहिलेसम्म कुनै काम गरेका छैनन् ।<br><br><br></p>