देवघाटधाममा कुकुरको बलि

<p>३० असोज, चितवन ।<br>पवित्र तिर्थस्थल देवघाटधाममा कुकुरको बलि दिइएको छ । देवघाटको तनँहुपट्टि वेणी संगम स्थल नजिकै रहेको अघोरी बाबाको आश्रममा दशैको अष्टमीका दिन बलि दिइएको खवर सार्वजनिक भएको छ ।</p><p>देवघाटमै बस्दै आएका अखण्ड बाबा ले पञ्चबलीको नाममा&nbsp; डुलुवा कुकुरलाई समातेर स्थानीय माइला भन्ने शंकर बोटेलाई काट्न लगाएको&nbsp; स्थानीय सोम बोटेले जानकारी दिए ।</p><p>उनी देवघाटमा बस्दै आएको करिब १० बर्ष भएको बुझिएको छ ।</p><p>शंकरले&nbsp; आफुले अखण्ड बाबाले भनेर कुकुर काटेको र अघोरी बाबाको आश्रममा कुकुरको खुन चढाएको स्वीकार गरेको उनले बताए । बलि दिइएको कुकुरलाई आश्रम नजिकै गाडीएको छ ।</p><p>कुकुर गाडीएको क्षेत्रमा स्थानीय प्रशासनले ४ जना प्रहरी खटाएको छ । के कारणले कुकुरको बलि दिइएको भन्नेबारे भने केही खुलेको छैन ।</p><p>यसरी कुकुरको बलि दिइएको यो पहिलो पटक हो । यस्ता घटनाले विकृति बढ्ने भन्दै स्थानीय प्रशासनले अनुसन्धान थालेको छ&nbsp; । देवघाट क्षेत्रविकास समितीले यसबारेमा छलफल गर्न आज सर्वदलिय बैठक आवहन गरेको छ ।</p><p>“कुकुरको बलि दिएको कुरा जानकारी आएको छ , देवघाट क्षेत्रविकास&nbsp; समितीका अध्यक्ष टंकनाथ पौडेलले भने, अनुसन्धान हुदैंछ , तथ्य कुरा आएपछि धार्मिक&nbsp; क्षेत्रको आचारसंहिता अनुसार समिती अगाढी बढ्छ ।”</p><p>पौडेल अध्यक्ष भएसंगै देवघाट क्षेत्रलाई मासं मदिरा निषेधित क्षेत्र बनाउने अभियानको गृहकार्यमा जुटेका छन् । धार्मिक क्षेत्रलाई कसरी शुद्धता ल्याउने भन्ने बारे गृहकार्य भइरहेका बेला दशैको अवसर पारेर कुकुरको बलि दिइएको खवर आएपछि स्थानीय ससंकित भएका छन् । <br></p>