दशैंमा प्रधानमन्त्रीले दिए यस्तो शुभकामना सन्देश

<p>२५ असोज, काठमाडौं ।<br>प्रधानमन्त्री पुष्पकमल दाहाल प्रचण्डले बडा दशैंको अवसरमा शुभकामना सन्देश दिंदै स्वदेश तथा विदेशमा रहेका नेपालीहरूलाइ सुख, शान्ति, समृद्धि, सुस्वास्थ्य एवम् दीर्घायुको शुभकामना व्यक्त गरेका छन्।<br><br>प्रधानमन्त्रीले दिएको दशैं शुभकामना सन्देशमा नेपाल बहुजातीय, बहुभाषिक, बहुसांस्कृतिक एवम् बहुधार्मिक विविधताले भरिपूर्ण एक सुन्दर र बहुविविधतापूर्ण राष्ट्र भएको उल्लेख छ ।<br><br>विजयादशमी, तिहार, नेपाल सम्वत्, छठ, ल्होसारजस्ता पर्वहरुका आफ्नै पृष्ठभूमि, मौलिकता र मूल्यहरु रहेको भन्दै प्रधानमन्त्री प्रचण्डले सन्देशमा – “विविधतायुक्त विशेषताहरु बीचको एकता हाम्रो मौलिक आयाम हो र सबै जाति, भाषा, संस्कृति र सभ्यताहरुको संरक्षण र विकास गर्नु हाम्रो दायित्व पनि हो ।” भनि उल्लेख गरेका छन् ।<br><br>प्रधानमन्त्रीले दाहालले दशैंलगायतका हाम्रा सांस्कृतिक पर्वहरुले नेपाली समाज र मानव जीवनमा भ्रातृत्व, भावनात्मक एकता र राष्ट्रिय गौरवका निम्ति विशिष्ट योगदान पुर्याउँदै आएको बताएका छन् । यसलाई अझ विकसित तुल्याएर राष्ट्रिय एकता हासिल गर्दै समृद्धि र सामाजिक परिवर्तनलाई संस्थागत गर्नु आजको कार्यभार भएको बताएका छन् ।<br><br>दशैं शुभकामनामा राजनीतिक विषय खुसाउँदै प्रधानमन्त्रीले नेपाल यतिबेला लामो राजनीतिक परिवर्तनबाट प्राप्त गणतन्त्र, सङ्घीयता, समावेशिता,सामाजिक न्यायसहितको प्रगतिशील चरित्र बोकेको चरणमा रहेको बताएका छन् ।</p><p>देश अब संविधानको स्वीकार्यता बढाएर संविधानको कार्यान्वयन गर्ने चरणमा छ भन्दैप्रधानमन्त्रीको सन्देशमा भनिएको छ– राजनीतिक र सामाजिक परिवर्तन प्राप्तिका लागि हामीले जुन बलिदानी र एकताको प्रदर्शन गर्यौँ, आन्तरिक राष्ट्रियता बलियो पार्दै संविधान कार्यान्वयन गर्न त्यस्तै एकता र सहकार्य हाम्रा लागि अनिवार्य भएको छ।<br><br></p>