टिकाको दिनपनि मानवअधिकार आयोग खुल्ला

<p>२४ असोज, काठमाडौं ।<br>चाडपर्वका अवसरमा पनि राष्ट्रिय मानवअधिकार आयोग आधा दिनका लागि खुल्ला रहेको छ ।</p><p>

आमनागरिकको मानव अधिकार संरक्षण कार्यलाई ध्यानमा राखी आयोगका कार्यालय र उजुरी शाखा दसैँ, तिहार र छठ बिदामा हरेक दिन बिहान ११ बजेदेखि दिउँसो २ बजेसम्म आयोगका केन्द्रीय, क्षेत्रीय र उपक्षेत्रीय कार्यालयहरु खुल्ला राख्ने निर्णय गरेको छ ।</p><p>

यस अवधिमा मानव अधिकार उल्लङ्घन र ज्यादति तथा आवश्यकताअनुसार गम्भीर प्रकृतिका घटनामा आकस्मिक अनुगमन गरिने आयोगका प्रवक्ता मोहना अन्सारीले जानकारी दिनुभयो । <br><br><br></p>