फेरी १५ बर्ष नेपालले भारतसँग मात्र ईन्धन किनुपर्ने भारतको प्रस्ताव

<p>१९ असोज, काठमाडौं ।<br>अन्तबाट ईन्धन किन्न नपाउने सम्झौता गराएर नाकाबन्दी गर्दै हेप्दै आएको भारतले फेरी पनि आगामी १५ बर्ष अन्यदेशबाट ईन्धन किन्न नपाउने सम्झौता गर्न नेपाललाई प्रस्ताव अघि सारेको छ ।<br><br>नेपालले भारतले नाकाबन्दी गरेपछि गत बर्ष चीनबाट पनि इन्धन ल्याउने सम्झौता गरेपछि उक्त सम्झौता र चीनसंगको सम्वन्ध बिगार्नेगरि भारतले यस्तो प्रस्ताव नेपाललाई गरेको हो ।<br><br>नेपाल–भारत प्रबुद्ध समूहको मंगलबार नयाँदील्लीमा सुरु दोश्रो बैठकमा भारतीय पक्षले इन्धनमा नेपाली ईन्धन बजारमा आफ्नो एकाधिकार कायमै राख्न यस्तो प्रस्ताव नेपाललाई गरेको हो ।<br><br>रक्सौल—अमलेखगन्ज पेट्रोलियम पाइपलाइन निर्माणको काम सम्पन्न गर्न नेपालले उक्त प्रस्ताव मान्नुपर्ने सर्त भारतले राखेको छ ।<br><br>यद्यपि नेपालले भने उक्त प्रस्ताव अस्वीकार गरेको छ । भारतले नाकाबन्दी गरेपछि नेपालले व्यापार विविधिकरण गर्ने भन्दै चीनबाट ममेत इन्धन ढुवार्नी गर्न व्यापार सम्झौता गरेको थियो ।<br><br>सोमबार दिल्लीमै भएको अर्को बैठकमा भारतीय आयल कर्पोरेसनका अधिकारीले समेत नेपाल आयल निगमको टोलीसँग सोही प्रस्ताव राखेको बताइएको छ ।<br></p>