बडा दशैंको तेस्रो दिन आज चन्द्रघण्टा देवीको पूजा आराधना गरिदै

<p>१७ असोज, काठमाडौं ।<br>नेपालीहरुको महान् चाड बडा दशैंको तेस्रो दिन आज चन्द्रघण्टा भगवतीको पूजा आराधना गरिंदैछ ।<br><br>नवरात्रको पहिलो दिन घटस्थापना गरेसँगै नवदूर्गाका ९ वटा रूपहरूको पूजा गर्ने परम्परा रहिआएकोछ ।<br><br>नवरात्रका नौ दिनमा पहिलो दिन शैलपुत्री, दोस्रो दिन ब्रम्हचारिणी, तेस्रो दिन चन्द्रघण्टा, चौंथो दिन कुष्माण्डा, पाँचौ दिन स्कन्दमाता, छौटौं दिन कात्यायनी, सातौं दिन कालरात्री, आठौं दिन महागौरी र नवौं दिन सिद्धिदात्रीको पूजा गर्ने गरिन्छ ।<br><br>दशैंको तेस्रो दिन आज देशभरीका नवदुर्गाका मन्दिर र शक्तिपीठहरुमा भक्तजनहरुको भीड लागेको छ ।<br><br>राजधानीभित्र गुहेश्वरी, मैतिदेवी, दक्षिणकाली, कालिकास्थान, शोभा भगवती, तलेजुभवानी, विजेश्वरी, नक्साल भगवती, भद्काली र इन्द्रायणीसहितका देवी दुर्गाका शक्तिपीठहरूमा दर्शनार्थीहरू बढेका हुन् ।<br><br>उपत्यका बाहिर धरानको दन्तकाली, भोजपुरको सिद्दकाली, ताप्लेजुङको पाथिभारा, गोरखाको मनकामना लगायतका शक्तिपीठहरुमा भक्तजनहरुको भीड लागेको छ ।</p><p>यस बाहेक सबैजसो जिल्लामा रहेका देवी भगवतीहरुको मन्दिरहरुमा पनि भक्तजनहरुले बिहानैबाट पुजाआजा गरिरहेका छन् ।<br></p>