24.93¡ÆC
<p>१४ असोज, धनगढी ।<br>कैलालीको धनगढी स्थित सेती अंचल अस्पतालमा उपचार गर्न आएका ७४ जनामा स्क्रब टाइफस देखिएको छ । </p><p>पछिल्लो दुइ महिनाको अवधिमा उपचार गर्न अस्पताल पुगेका १ सय २२ जना मध्ये ७४ जनामा स्क्रब टाइफस देखिएको सो अस्पतालले जनाएको छ ।</p><p>केन्द्रीय स्वास्थ्य प्रयोगशालामा गरिएको रगत परिक्षणबाट उनीहरुमा स्क्रब टाइफस देखिएको अस्पतालमा वार्ड इन्चार्ज यसोदा ढकालले जानकारी दिनुभयो ।</p><p>स्क्रब टाइफस देखिनेमा कैलाली, कचनपुर, डोटी, डडेल्धुराबाट उपचार गर्न आएका बिरामी रहेको बताइएको छ । </p><p>चिकित्सकका अनुसार मुसाबाट सर्ने स्क्रव टाइफसका बिरामीमा कडा खाले टाउको दुख्ने, ज्वरो आउने, घाटीमा रातो बिमिरा देखिने, ग्रन्थी सुन्निने जस्ता लक्षण देखा पर्ने गर्दछन् ।</p><p>यस्तै यो रोगबाट बच्न घर आगनको घास, पतिकंर सफा गर्ने, मुसा मार्ने र शंका लागेमा तत्काल स्वास्थ्य संस्था पुगेर चेकजाज गराउने स्वास्थ्यक्रमीले सुझाव दिएका छन् ।<br></p>
