दशैंको नोट साट्न ९ वटा काउन्टर

<p>५ असोज, काठमाडौं ।<br>नेपालीहरुको महान् चाड दशैँलाई ध्यानमा राखि नेपाल राष्ट्र बैंकले सर्वसाधारलाई नोट साट्न आवश्यक प्रवन्ध गर्ने भएको छ । </p><p>नोट वितरण प्रक्रियालाई व्यवस्थित बनाउन राष्ट्र बैंकले ९ काउन्टरको व्यवस्था गरेको छ । ती सबै काउन्टरहरू थापाथलीस्थित राष्ट्र बैंकको कार्यालय परिसरमा रहने छन् । </p><p>नेपाल राष्ट्र बैंकबाट इजाजतप्राप्त क, ख र ग वर्गका बैंक तथा वित्तीय संस्थाहरुलाई राष्ट्र बैंकको थापाथली परिसरबाट असोज ९ गतेदेखि १४ गतेसम्म सटही सुविधा प्रदान गरिने राष्ट्र बैकले जनाएको छ । असोज १६ गतेदेखि भने सम्पूर्ण बैंक तथा फाइनान्स कम्पनीहरुबाट सर्वसाधारण नेपाली नागरिकले नोट सटही सुविधा पाउनेछन् । </p><p>सर्वसाधारण नेपाली नागरिकहरुका लागि असोज १६ गतेदेखि बैंकिङ कारोबार समयभित्र नेपाल राष्ट्र बैंक, मुद्रा व्यवस्थापन विभागको सटही काउण्टरहरुबाट सटही सुविधा प्रदान गरिने छ । </p><p>नेपाल राष्ट्र बैकका प्रवक्ता त्रिलोचन पंगेनीले दशैंलाई आवश्यक नयाँ नोट्हरु नेपाल राष्ट्र बैकसंग प्रयाप्त मात्रामा मौजदात रहेको बताउनु भयो । राष्ट्र बैंकका उपत्यका बाहेकका कार्यालयहरु र राष्ट्र बैंक मातहतमा सञ्चालित नोटकोष रहेका वाणिज्य बैंकहरुले समेत असोज १६ गतेदेखि सर्वसाधारणलाई नयाँ तथा सुकिला नोट सटहीको सविधा उपलब्ध गराउनुपर्ने व्यवस्था नेपनल राष्ट्र बैकले मिलाएको छ । </p><p>सर्वसाधारणले यसपाली प्रतिव्यक्ति अधिकतम ३७ हजार रुपैयाँसम्म साट्न पाउनेछन् । अघिल्लो वर्ष दसैंतिहारमा सर्वसाधारणले प्रतिव्यक्ति २२ हजार रुपैयाँसम्म यो सुविधा पाएका थिए ।</p><p>यसपालिको दसैंमा सर्वसाधारणले ५, १०, २०, ५० र १०० का गरी दुई दुई प्याकेटका दरले सटही गर्न पाउने छन् दसैंमा वितरण हुने नयाँ नोटमध्ये १ सय र ५० रुपैयाँमा मात्र गर्भनर चिरञ्जीवी नेपालको हस्ताक्षर हुनेछ । बाँकी सबै दरका नोटमा पूर्वगभर्नर युवराज खतिवडाको हस्तारक्षर हुने राष्ट्र बैंकले बताएको छ ।<br></p>