24.52¡ÆC
<p>३ असोज, काठमाडौं ।<br>साझा यातायातले काठमाडौं उपत्यकामा थप ३० वटा सुविधा सम्पन्न नयाँ बस सञ्चालन गर्ने भएको छ । यसका लागि साझा यातायातले खरिद गरेको ३० वटै नयाँ बसहरु काठमाडौं आइपुगेको छ । </p><p>थप गरिएका बसहरुको प्राविधिक जाँच, रुटपर्मिट, बीमालगायतका कार्यहरु सकिए लगत्तै सञ्चालनमा ल्याइने साझा यातायातले जनाएको छ ।</p><p>४० सिट भएका ती वसहरुमा, यात्रु चड्न र ओर्लनका लागि दुईवटा ढोका रहेका छन भने बसको पछिल्लो ढोकाबाट ह्वीलचियर प्रयोगकर्ताहरु सजिलै चड्न र ओर्लन सक्ने व्यवस्था रहेको र सुरक्षाका लागि सीसी क्यामरा जडान गरिने साझा यातायातका निमित्त प्रमुख कार्यकारी अधिकृत महेन्द्रराज पाण्डेले जानकारी दिनुभयो ।</p><p>साझाले २०७० वैशाखदेखि १६ वटा बसमार्फत काठमाडौं उपत्यकामा पुनः सेवा सञ्चालन गरेको थियो ।</p><p>थप गरिएका नयाँ बसहरु मध्ये केही चलिरहेका रुटमा थप गर्ने र नयाँ रुटमा पनि सञ्चालन गरिने तयारी भइरहेको निमित्त प्रमुख कार्यकारी अधिकृत पाण्डेले बताउनुभयो ।</p><p>हाल साझा यातायातका बसहरु बसपार्क लगनखेल, बसपार्क त्रिभुवन विमानस्थल र लगनखेल बुढानिलकण्ठको रुटमा सञ्चालन हुदै आएका छन ।<br></p>
