गाडी चल्न थालेको तीस बर्षपछि अस्थायी रुट परमिट

<p>२७ भदौ, धनगढी ।<br>कैलालीमा बिगत तिन दशक देखि सार्वजनिक सवारीका साधन चल्ने गरेका एक दर्जन सडकमा अहिले आएर अस्थायी रुट परमिट दिइएको छ ।</p><p>जिल्ला यातायात ब्यवस्थापन समितिको निर्णय पछि यातायात ब्यवस्था कार्यालय धनगढीले एक दर्जन सडकमा अस्थायी रुट परमिट दिएको हो । </p><p>त्यसरी अस्थायी रुट परमिट दिएका सडकहरुमा बौनिया जोशीपुर, धनगढी हसुलिया, राजीपुर बालुवागडा, बैडपुर पवेरा, सहजपुर ठुलीगाड, सुखड भजनी लगायत रहेका छन् ।</p><p>कार्यालयका निमित्त प्रमुख केशवदत्त जोशीले रुट परमिट बिना सार्वजनिक सवारीका साधन चल्ने गरेको पाइएपछि ती सडकमा हालै मात्र अस्थायी रुट परमिट दिइएको बताउनुभयो ।</p><p>ती सडक दैनिक दर्जनौ सार्वजनिक सवारी साधन संचालन हुदै आएका छन् । <br></p>