सार्वजनिक यातायात अब कम्पनी वा सहकारी ऐन अन्र्तगत

<p>२६ भदौ, काठमाडौं ।<br>यातायात व्यवस्था विभागले सार्वजनिक यातायातलाई कम्पनी वा सहकारी ऐनअन्तर्गत संस्थाका रुपमा व्यवस्थित गर्ने प्रक्रिया सुरु गरेको छ । </p><p>काठमाडौँका विभिन्न रुटमा सार्वजनिक यातायात सञ्चालन गरेका व्यवसायी तथा विभागबीच आइतबार भएको छलफलमा व्यवसायीलाई प्रस्तावित कम्पनी वा सहकारी संस्थामा सेयर सदस्यका रुपमा संलग्न गराउने सहमति कायम भएको हो । </p><p>भौतिक पूर्वाधार तथा यातायात मन्त्रालयले सञ्चालन गरेको ‘काठमाडौँ दिगो सहरी यातायात आयोजना’अन्तर्गत भरपर्दो, सुरक्षित र प्रभावकारी सहरी यातायात प्रणाली स्थापना गर्ने उद्देश्यअनुरुप यातायात व्यवसायीलाई कम्पनी वा सहकारी संस्थामा संलग्न गर्ने अवधारणा कार्यान्वयनमा ल्याउन लागिएको विभागले जनाएको छ ।<br><br></p>