…………..
सुदुर पश्चिम बैतडीका आर्थिक अवस्था अति कमजोर भएका अपांग चार बालबालिकाको उपचार र शिक्षामा सहयोग गर्न आयोजित बृहत सांस्कृतिक कार्यक्रमको सम्पूर्ण तयारी सकिएको छ ।

बृहत सांकृतिक कार्यक्रम नाम दिइएको कार्यक्रम आयोजक संस्था आवर ग्रुपका अध्यक्ष विनोद भण्डारीले भन्नुभयो-'हामी कार्यक्रममा आउने सबैलाई स्वागतको लागि तयारी अवस्थामा छौं नयाँ बर्ष शुभकामना सहित ओइलिएका चार कोपिलाको भविष्यको लागि सहयोग जुटाउन आयोजित कार्यक्रममा उत्साहजनक सहभागीता हुन लागेकोमा हामी खुशी छौं ।' (UPDATE)

२० चैत, टोकियो ।
सुदुर पश्चिमका अति आर्थिक अवस्था कमजोर भएका अपांग चार बालबालिकाको उपचार र शिक्षामा सहयोग गर्न आयोजित बृहत सांस्कृतिक कार्यक्रमको लागि नेपालबाट कलाकारहरु जापान आइपुगेका छन् ।

हाम्रो ग्रुप जापानले आयोजना गरेको नयाँ बर्ष विशेष सांस्कृतिक कार्यक्रमको लागि नेपालबाट चर्चित गायक राजु ढकाल, गायिका साबित्री जोसी, चर्चित मोडल रश्मि तामाङ र हाँस्य कलाकार सुलेमान शंकर 'इकु' जापान आइपुगेका हुन् ।

कलाकारहरुलाई हाम्रो ग्रुप जापानका प्रतिनिधि सहित सफल व्यवसायी तथा समाजसेवी दिलु खत्री लगायतले भव्य स्वागत गरेका थिए ।

यहि अप्रिल ३ तारिखमा हुने कार्यक्रममा चर्चित गायक सुर्य खड्का, युवराज आचार्य ,बिनोद भण्डारी, चर्चित हाँस्य कलाकार प्रदिप कार्की सहित जापानमा रहेका विभिन्न कलाकारहरुले नृत्य प्रस्तुत गर्नेछन् ।

हाम्रो ग्रुप जापानका अध्यक्ष विनोद भण्डारीले टपनेपालन्युजडटकमलाई दिनुभएको जानकारी अनुसार कार्यक्रमको ९० प्रतिशत टिकट विक्रि भइसकेको छ ।

अप्रिल ३ तारिखका दिन टोकियो मिनामी ओत्सुका हलमा साँझ पाँचबजेबाट सुरु हुने कार्यक्रमको यहाँ स्थित नेपाली राजदूतावासका कार्यवाहक राजदूत गेहेन्द्रराज राजभण्डारीले उद्घाटन गर्नुहुने भएको छ ।

यस सम्वन्धि थप समाचार पढ्न तलको लिंकमा क्लिक गर्नुहोस्