ताप्लेजुङमा पहिरोले पुरिएर एकैघरका तिनजनाको मृत्यु, एक बेपत्ता

<p>१८ भदौ, ताप्लेजुङ । </p><p>ताप्लेजुङ नगरपालिकाका बिभिन्न स्थानमा आएको पहिरोमा परी पुरिश्एका एकाघरमा तीनजनाको भएको छ भने एकजना बेपत्ता छन् । एकजना बृद्धा पहिरोको बीच भागमा पसेको खबर प्राप्त भएको छ । </p><p>नगरपालिका वार्ड नं २ निरौला टोलका&nbsp; टीका मगरको घर माथिबाट झरेको ढिक्सोले घर पुर्दा घरसंगै पुरिएकी टीकाकी श्रीमति र उनका छोरालाई मृत अवस्थामा फेला पारिएको छ ।</p><p>जिल्ला बिपद् व्यवस्थापन समितिका संयोजक तथा प्रमुख जिल्ला अधिकारी चक्रपाणी पाण्डेले टीकाकी श्रीमति अन्दाजी २८ बर्षिय बिमला र ९ बर्षिय छोरा ललित र ७ बर्षिय मनोजको मृत्युु भएको जानकारी दिनुुभयो । घरसंगै पहिरोले पुरिएका उनीहरुलाई मृत अवस्थामा सुरक्षा टोलीले शव निकालेको उहाँले जानकारी दिनुभयो ।</p><p>उता ताप्लेजुङ नगरपालिका वार्ड नं ८ का सुब्बेनी ठूली भनेर चिनिने दिलकुमारी पालुंवालाई पहिरोले पुरेको छ । उनलाई आफ्नै घरमा पहिरोले पुुरेको जानकारी आएको जिल्ला प्रहरी कार्यालयका प्रहरी प्रमुख डिएसी रामबहादुर केसीले बताउनुभयो ।</p><p>घरमा संगै सुतेका दिलकुमारीकी बहिनी कृष्णकुमारीलाई पहिरोले पुरेर घाईते अवस्थामा फेला पारी उपचारका लागि जिल्ला अस्पताल ल्याईएको छ ।</p><p>तानपा ८ कै बीरबहादुर दर्जीकी नाम थाहा नभएकी आमा चनौटे क्षेत्र नजिकको पहिरोको बीच भागमा फसेको खबर स्थानीयले गराएपछि अवस्था बुझ्ने र उद्धारको प्रयासमा सुरक्षाकर्मीको टोली परिचालित भएको प्रहरीले बताएको छ ।</p><p>पहिरोले मेची राजमार्गको काबेली–फुङलिङ सडक खण्ड अबरुद्ध भएको छ भने कफि हाउस, ल्याङवा, केनिम, चनौटे लगायतका क्षेत्रमा गरी दर्जनौं परिवारलाई बिस्थापित गराएको छ । पहिरोले पशुु चौपाया समेत बगाएको भनिएपनि संख्या एकिन छैन । <br></p>