कृषि उत्पादनमा आत्मनिर्भर बनाउ-सरोकारवाला, ‘अनुसन्धानमा जोड दिउँ’ : विज्ञ

<p>१४ भदौ, विरगंज ।<br>कृषिलाई व्यवसायिकरण गरी आधुनिक कृषि प्रणाली मार्फत देशलाई कृषि उत्पादनमा आत्मनिर्भर बनाउनु पर्नेमा विरगंज क्षेत्रका सरोकारवालाहरुले जोड दिएका छन् । &nbsp;<br><br>सरकारले हालै मात्रै मध्य तराईका वारा, पर्सा, रौतहट, सर्लाही लगायतका ८ जिल्लालाई धान उत्पादनको पकेट क्षेत्रको रुपमा विकास गर्न विभिन्न कार्यक्रमहरु घोषणा गरे पनि त्यसको कार्यान्वयन शुरु हुन नसकेको गुनासो कृषकहरुले गरेका छन् । <br><br>गत आर्थिक बर्षमा झण्डै ७ अर्ब भन्दा बढीको धान तथा चामल भारतबाट आयात भएको छ ।</p><p>कृषि उत्पादनमा पनि देश परनिर्भर हुँदै गएकोले धान लगायतका प्रमुख बालीको खेती प्रणालीलाई व्यवसायिक गरी आधुनिक कृषि प्रणाली मार्फत किसानलाई मल, विउ, सिंचाईमा आवश्यक अनुदान सुविधा दिनुपर्ने माग कृषकहरुले गरेका छन । <br><br><b>कृर्षि क्षेत्रलाई थप व्यवस्थित बनाउन अनुसन्धानमा तीब्रता दिनु पर्नेमा बिज्ञहरुले जोड<br></b><br>कृषि क्षेत्रलाई थप व्यवस्थित बनाउन अनुसन्धानमा तीब्रता दिनु पर्नेमा बिज्ञहरुले जोड दिनु भएको छ ।</p><p>नेपालको कृषि अनुसन्धानमा संचालित अफासी परियोजनाको तेस्रो बार्षिक समीक्षामा आज बिज्ञहरुले कृषि उत्पादन बढाउन अनुसन्धान मुलक कार्यक्रम बढाईनु पर्ने बताउनु भएको हो । <br><br>कार्यक्रममा कृषि बिकास मन्त्रालयका सचिब उत्तमकुमार भट्टराई नार्कका कार्यकारी प्रमुख डा।वाई।आर।पाण्डे,अफासी परियोजनाका शिबनन्दन प्रसाद साह लगायतले बोल्नु भएको थियो । <br><br><br><br></p>