पूर्व राष्ट्रपति रामवरण यादवलाई क्यान्सर

भदौ १३, २०७३ मा प्रकाशित
Published at 2016-08-29

1206 views

१३ भदौ, काठमाडौं ।
प्रथम राष्ट्रपति डा.रामवरण यादवलाई क्यान्सर रोग लागेको सार्वजनिक भएको छ ।

भारतमा स्वास्थ्य परीक्षणक्रममा पूर्वराष्ट्रपति यादवलाई प्रोस्टेट क्यान्सर लागेको सार्वजनिक भएको हो ।

प्रोस्टेट क्यान्सर पुरुषको पिसाब थैली र पिसाब नली सुरु हुने स्थानमा रहने एक ग्रन्थी हो । यादवलाई प्रोस्टेट क्यान्सर देखिएपछि उहाँ शल्यक्रियाका लागि अमेरिका जाने तयारीमा जुटनुभएको छ ।

भारतको चन्डिगढस्थित नेहरू चिकित्सालय पोस्ट ग्राजुएट इन्स्टिच्युट अफ मेडिकल एजुकेसन एन्ड रिर्सच सेन्टरमा गरिएको परीक्षणमा 'एडिनोकार्सिनोमा अफ प्रोस्टेट' 'प्रोस्टेटको क्यान्सर' देखिएपछि अस्पतालले नै उच्च चिकित्सा प्रविधि प्रयोग गरी तत्कालै शल्यक्रिया गर्न सुझाव दिएपछि अमेरिका जान लागेको यादवका सहयोगीहरुलाई उदृत गर्दै नागरिकले समाचार छापेको छ ।

अस्पतालले क्यान्सर उपचारका लागि केही साताभित्रै 'मिनिमल इनभेजिभ रेडिकल प्रोस्टाटेक्टोमी' 'सानो प्वाल पारेर शल्यक्रिया गर्ने आधुनिक प्रविधि' गर्न सल्लाह दिएपछि पूर्व राष्ट्रपति यादव अमेरिका जान लाग्नुभएको हो ।

नेपालमा उपचारका लागि उक्त प्रविधि नभएपछि मेडिकल बोर्डले नै यादवलाई अमेरिका जान सिफारिस गरेको हो । बोर्डले भदौ ५ गते यादवलाई उपचारका लागि नेपालबाहिर जान सिफारिस गरेको थियो ।

भारतका केही अस्पतालमा उक्त सेवा उपलब्ध रहे पनि चन्डिगढको उक्त अस्पतालले समेत सकेसम्म उच्च प्रविधि भएको ठाउँमै जान सुझाएपछि यादवले अमेरिका छान्नुभएको हो ।

नेहरू अस्पतालले पूर्व राष्ट्रपतिको उपचारक्रममा लागेको सम्पूर्ण खर्च निःशुल्क गरिदिएको थियो । नेपालका पूर्वराष्ट्रपतिको सम्मानमा भन्दै अस्पतालले उपचारक्रममा लागेको खर्च शुल्क नलिएको हो ।

यादवले उक्त अस्पतालको शिक्षण अस्पतालमा अध्ययन गरेका गर्नुभएको थियो । शल्यक्रियाका लागि पूर्व राष्ट्रपति यादवले अमेरिकाको हेनरी फोर्ड अस्पतालमा प्रारम्भिक मितिसमेत लिइसक्नुभएको छ ।

उहाँ आगामी असोज १० गते ९सेप्टेम्बर २६० शल्यक्रिया गर्ने तयारीमा हुनुहुन्छ ।

पारिवारिक स्रोतले दिएको जानकारीअनुसार राष्टपति यादव शल्यक्रियाका लागि भदौ ३० गते ९सेप्टेम्बर १५० अमेरिका उड्दै हुनुहुन्छ ।

चिकित्सकका अनुसार शल्यक्रिया पश्चात उहाँको क्यान्सर पूर्ण रूपमा निको हुनेछ । तर, शल्यक्रियामा ढिला गर्ने हो भने संक्रमण फैलिएर जटिल अवस्था आउने छ ।

भारतका विशेषज्ञ चिकित्सकले यादवलाई एक महिनाभित्र शल्यक्रिया गरिसक्न सुझाव दिए अनुसार उहाँ अमेरिका जान लाग्नुभएको हो ।

उपचारकै लागि राष्टपति यादवले आवश्यक खर्च सहयोग उपलब्ध गराउन भन्दै नेपाल सरकारलाई चिठि समेत लेख्नुभएको थियो । तर सामाजिक सञ्जालहरुमा भने गरिव देशका राष्टपतिले उपचारको लागि अमेरिकनै जानुपर्ने त्यो पनि राज्य ढुकुटीको खर्च गरेर भन्दै बिरोध भएको छ भने दुईदिन अघि मात्रै पूर्व प्रधानमन्त्री तथा एमाले अध्यक्ष केपी ओली र केही दिनमा काँग्रेस उपसभापती तथा पूर्व प्रधानमन्त्री शेर बहादुर देउवा उपचारको लागि सिंगापुर, बैंकक लाग्दैछन् ।

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.