24.62¡ÆC
काठमाडौँ । नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले नुवाकोटको बेलकोटगढी र विदुर नगरपालिकामा बाढीपहिरो प्रभावित परिवारका लागि वाईसीएलले निर्माण गरेका २१ वटा अस्थायी आवास हस्तान्तरण गर्नुभएको छ ।
आज बिहान बेलकोटगढी नगरपालिका–७, महादेवथानमा प्रचण्डले प्रभावित परिवारलाई घरको चाबी हस्तान्तरण गर्नुभयो । दुई कोठा र शौचालयसहितका ती आवास वाईसीएल नेपालको पहलमा निर्माण गरिएका हुन् ।
कार्यक्रममा पार्टीका संयोजक एवं पूर्वप्रधानमन्त्री समेत रहेका प्रचण्डले कार्बन उत्सर्जनमा नेपालको भूमिका नगण्य भए पनि त्यसबाट उत्पन्न जलवायु परिवर्तनको असर नेपालले भोग्नुपरेको उल्लेख गर्नुभयो ।
उहाँले रसुवा र नुवाकोटमा आएको बाढी तथा क्षतिलाई ठूला देशहरूको कार्बन उत्सर्जनले सिर्जना गरेको जलवायु परिवर्तनको दुष्परिणाम भएको बताउनुभयो ।
प्रचण्डले सरकारको ढिलासुस्ती र बेवास्ताले उद्धार तथा राहत कार्यमा ठूलो क्षति पुगेको भन्दै आलोचना गर्नुभएको छ ।
